Jerubim Sam samting we oli ripresentem sam samting we i blong heven, we oli olsem wanem stret, yumi no save. Oli bin singaotem ol jerubim blong lukaotem ol tabu ples. Lod i putum wan jerubim i stap blong i lukaot long rod we i go long tri blong laef, Jen 3:24 (Alma 12:21–29; 42:2–3; Moses 4:31). Oli bin droem ol simbol blong ol jerubim long jea blong sore, Eks 25:18, 22 (1 King 6:23–28; Hib 9:5). Oli tokbaot ol jerubim long ol visen blong Esikel, Esik 10; 11:22.