Laef Bakegen long Ded

Taem we spirit bodi i joen bakegen wetem bodi blong mit mo bun afta long ded. Afta long laef bakegen long ded, spirit mo bodi bae i no save seperet bakegen, mo man i nomo save ded bakegen. Evriwan we i bin bon i kam long wol ia bae i laef bakegen from se Jisas Kraes i bin winim ded (1 Kor 15:20–22).

Jisas Kraes i fas man blong i laef bakegen long ded long wol ia (Wok 26:23; Kol 1:18; Rev 1:5). Niu Testeman i givim plante pruf se Jisas i bin girap wetem bodi blong Hem blong mit mo bun: tumb blong Hem i bin emti, Hem i kakae fis mo hani, Hem i gat wan bodi blong mit mo bun, ol pipol oli tajem Hem, mo ol enjel oli talem se Hem i girap bakegen (Mak 16:1–6; Luk 24:1–12, 36–43; Jon 20:1–18). Revelesen blong las dei i konfemem se i tru we Kraes i bin laef bakegen long ded, mo evri man bae i laef bakegen long ded (Alma 11:40–45; 40; 3 Nif 11:1–17; D&K 76; Moses 7:62).

Evri pipol bae oli laef bakegen be oli no stap long semfala glori (1 Kor 15:39–42; D&K 76:89–98), mo i no evriwan we bae i laef bakegen long semfala taem (1 Kor 15:22–23; Alma 40:8; D&K 76:64–65, 85; 88:96–102). Plante Sent oli bin laef bakegen long ded afta we Kraes i bin laef bakegen long ded (Mat 27:52). Olgeta we oli stret mo gud bae oli laef bakegen long ded bifo olgeta nogud man, mo bae oli girap long Fas Laef Bakegen long Ded (1 Tes 4:16); olgeta we oli sin mo oli no sakem sin bae oli girap long lasfala laef bakegen long ded (Rev 20:5–13; D&K 76:85).

Ol gref oli open, mo plante bodi oli girap, Mat 27:52–53 (3 Nif 23:9).
Lod i girap, Luk 24:34.
Wan spirit i no gat mit mo bun olsem we yufala i stap luk mi, Luk 24:39.
Mi mi laef bakegen long ded, mo mi mi laef, Jon 11:25.
Olgeta Twelef Aposol oli tijim se Jisas i bin girap bakegen, Wok 1:21–22 (Wok 2:32; 3:15; 4:33).
Tru long Kraes bae yumi evriwan bae i laef, 1 Kor 15:1–22.
Olgeta we oli ded long Kraes bae oli girap faswan, 1 Tes 4:16.
Hem we i gat pat long fasfala laef bakegen long ded i gat blesing mo i tabu, Rev 20:6.

Kraes i putumdaon laef blong hem, mo i tekem laef ia bakegen, blong hem i save mekem se olgeta dedman oli laef bakegen long ded, 2 Nif 2:8 (Mos 13:35; 15:20; Alma 33:22; 40:3; Hil 14:15).
Sapos i no gat laef bakegen long ded bae yumi stap anda long paoa blong Setan, 2 Nif 9:6–9.
Laef bakegen long ded bae i pas long evri man, 2 Nif 9:22.
Abinadae i tij long saed blong fasfala laef bakegen long ded, Mos 15:21–26.
Ol nogud man oli stap olsem se i no gat wan i pemaot man, be nomo oli brekem ol rop blong ded, Alma 11:41–45.
Alma i eksplenem se ol sol oli stap olsem wanem bitwin ded mo laef bakegen long ded, Alma 40:6, 11–24.

Long taem we Lod i kam, olgeta dedman we oli ded long Kraes bae oli kam fored, D&K 29:13 (D&K 45:45–46; 88:97–98; 133:56).
Krae from olgeta we oli no gat hop blong wan laef bakegen long ded wetem glori, D&K 42:45.
Olgeta we oli no bin save long loa bae oli gat pat long fasfala laef bakegen long ded, D&K 45:54.
Bae oli girap bakegen long ded mo bae oli no ded afta, D&K 63:49.
Laef bakegen long ded i fasin blong pemaot sol, D&K 88:14–16.
Spirit mo samting we God i mekem wol ia wetem, oli joen tugeta oli no save seperet, oli kasem wan glad we i fulwan, D&K 93:33.
Ol enjel we oli ol pipol we oli laef bakegen long ded oli gat bodi blong mit mo bun, D&K 129:1.
Wanem level blong waes yumi kasem long laef ia, bae hem i stap wetem yumi long taem blong laef bakegen long ded, D&K 130:18–19.