Fas Visen
Hem i taem God Papa mo Pikinini blong Hem, Jisas Kraes, i kamaot long Profet Josef Smit long wan bus blong ol tri.
Long spring taem blong yia 1820, Josef Smit Junia i gat fiftin yia i stap. Hem i bin stap wetem famli blong hem long taon blong Palmaera, Niu Yok. I no longwe long Wes saed blong haos blong famli, i gat wan bus blong ol bigfala tri i stap. Josef i bin go long ples ia nao blong prea long God blong lanem wijwan jos nao i stret. Taem hem i bin stap ridim Baebol, tingting i kam strong long hem blong hem i mas askem wan ansa i kam long God (Jem 1:5â6). Blong ansa long prea blong hem, Papa mo Pikinini, Tufala i kamaot long hem, Josef, mo talem long hem blong no joenem wan jos we i bin stap long tetaem ia long wol, from se evriwan i rong (JSâH 1:15â20). Tabu eksperiens ia i stat blong wan longfala laen blong ol samting we i bin hapen, we bae i mekem gospel mo tru Jos Ia blong Kraes i kambak.