Long ol skripja, plante taem oli yusum ae olsem wan simbol blong paoa blong wan blong kasem laet blong God. Olsem wan simbol o saen, ae blong wan i soem tu olsem wanem hem i stap long saed blong spirit, mo olsem wanem hem i andastanem ol samting we oli blong God.
Komanmen blong Lod i klin gud, i givim laet long ol ae, Sam 19:8 .
Man we i krangke i gat ae be hem i no luk samting, Jerem 5:21 (Mak 8:18 ).
Sore tumas long olgeta we oli waes long ol ae blong olgeta bakegen, 2Â Nif 15:21 (Aes 5:21 ).
Oli bin stat blong livim kakae mo blong prea blong ae blong ol pipol i save open, Mos 27:22 .
Setan i bin mekem ae blong olgeta i blaen, 3Â Nif 2:2 .
I no gat wan we i save gat paoa blong tekem Buk blong Momon i kam long laet, sapos nomo samting ia i hapen wetem wan ae we i lukluk nomo long glori blong God, Momon 8:15 .
Tru long paoa blong Spirit, ol ae blong mitufala oli bin open mo andastaning blong mitufala i gat moa laet, D&K 76:12 .
Laet ia we i saen, i kam tru long hem we i givim moa laet long ae blong yufala, D&K 88:11 .
Sapos ae blong yufala i lukluk long glori blong mi nomo, ful bodi blong yufala bambae i fulap long laet, D&K 88:67 .