Inos, Boe blong Jekob
Wan profet we i wan man Nifae mo i man we i stap kipim rekod long Buk blong Momon; hem i bin prea blong kam klin aot long ol sin, mo i kasem ansa long prea blong hem tru long fet blong hem long Kraes (Inos 1:1â8). Lod i bin mekem kavenan wetem Inos blong hem i tekem Buk blong Momon i go long Ol Man blong Leman (Inos 1:15â17).
Buk blong Inos
Wan buk insaed long Buk blong Momon we i tokbaot prea we Inos i mekem i go long Lod blong askem Lod blong i fogivim hem, i fogivim ol pipol blong hem, mo i fogivim ol narawan. Lod i bin promesem hem se bae Hem i holemtaet Buk blong Momon kasem taem we bae Hem i mekem Ol Man blong Leman oli save luk buk ia long wan dei long fiuja. Nomata we buk ia i gat wan japta nomo, hem i rekodem strong stori blong wan man we i bin lukaotem God long prea, i bin laef long wei blong obei long ol oda blong God, mo bifo hem i ded, hem i bin glad tumas long save we hem i gat long saed blong Ridima.