Wan jenis insaed long maen mo long hat we i mekem se wan i gat niufala fasin long fored blong God, hemwan, mo laef. Fasin blong sakem sin i minim se wan bae i tanem baksaed blong hem long nogud fasin, mo i tanem hat blong hem mo tingting blong hem i go long God, i folem ol komanmen blong God, mo ol tingting blong God, mo i livim sin fogud. Tru fasin blong sakem sin i kam taem wan i lavem God mo i wantem tumas blong stap obei long ol komanmen blong Hem. Evriwan we i ansa from sin, i bin mekem sin, mo i mas sakem sin blong save progres i go long fasin blong sevem man. Tru long Atonmen blong Jisas Kraes nomo bae fasin blong yumi blong sakem sin bae i wok mo God i akseptem.