Prea

Wan komunikesen blong respek wetem God long taem we wan i talem tangkyu mo i askem ol blesing. Ol prea, oli mekem i go long Papa long Heven long nem blong Jisas Kraes. Oli save talem ol prea long wan voes we i laod, o long saelen. Ol tingting blong wan i save kam olsem ol prea tu, sapos oli talemaot ol prea i go long God. Wan singsing blong wan we i stret mo gud i save kam wan prea long God (D&K 25:12).

Stamba tingting blong prea i no blong jenisim tingting blong God, be blong holemtaet blong yumiwan mo ol narawan, ol blesing ia we God i stap glad finis blong givim, be yumi mas askem blong save kasem.

Yumi stap prea long Papa long nem blong Kraes (Jon 14:13–14; 16:23–24). Yumi save mekem tru prea long nem blong Kraes taem ol samting we yumi wantem oli ol samting tu we Kraes i wantem (Jon 15:7; D&K 46:30). Afta, yumi askem ol samting we oli stret mo i posibol blong God i givim (3 Nif 18:20). Samfala prea, i no gat ansa long olgeta, from se oli no ripresentem ol tingting blong Kraes, be i kamaot from man i selfis (Jem 4:3; D&K 46:9). I tru, sapos yumi askem God from sam samting we i no stret, bae i kam olsem panismen blong yumi (D&K 88:65).

Prea from olgeta we oli no stap yusum nogud yu, Mat 5:44 (Luk 6:28; 3 Nif 12:44).
Prea long Papa blong yu we i stap luk yu prea long sikret, Mat 6:5–8 (3 Nif 13:5–8).
Bae yufala i prea olsem ia, Mat 6:9–13 (Luk 11:2; 3 Nif 13:9).
Askem, mo bambae mi givim long yu, Mat 7:7 (3 Nif 14:7; D&K 4:7; 6:5; 66:9).
Jisas i bin go antap long wan hil hemwan blong save prea, Mat 14:23.
Lukaot gud mo prea blong yufala i no foldaon long temtesen, Mat 26:41 (Mak 14:38; 3 Nif 18:15–18; D&K 31:12).
Bae hem i mas askem wetem fet, be i no wetem bilif we i hafhaf, Jem 1:5–6 (D&K 42:68; 46:7).
Strong prea blong hem we i stret mo gud bae i givim gud samting, Jem 5:16.

Lisin gud long Spirit we i tijim man blong prea, 2 Nif 32:8–9.
Mi krae long hem long wan strong prea, Inos 1:4.
Mi bin livim kakae mo mi bin prea blong plante dei, Alma 5:45–46 (Alma 26:22).
Oli bin mekem fulap prea, mo oli bin livim kakae, Alma 17:3.
Yufala i tingbaot wanem Sinos i bin talem long saed blong prea o long saed blong wosip, Alma 33:3.
Putum tingting blong yufala i stap daon mo gohed blong prea, Alma 34:18–27.
Askem advaes long Lod long evri wok blong yu, Alma 37:37.
Yufala i mas prea oltaem long Papa long nem blong mi, 3 Nif 18:19–20.
Prea insaed long ol famli blong yufala, 3 Nif 18:21.
Jisas i bin prea long Papa, 3 Nif 19:31–34 (Jon 17; 3 Nif 18:16).
Hem i givim komanmen long olgeta se oli mas no mas stop blong prea long hat blong olgeta, 3 Nif 20:1.
Sapos hem i prea, be i no wetem tru tingting blong hat blong hem, bae i no wan gud samting long hem, Moro 7:6–9.

No askem wanem i no blong yu askem, D&K 8:10.
Prea oltaem, blong yu kamaot olsem man we i win, D&K 10:5.
Mi givim komanmen long yu blong yu prea wetem wan voes we i laod, mo tu, insaed long hat blong yu, D&K 19:28.
Bae mi givim Spirit long yu tru long prea blong fet, D&K 42:14.
Go long haos blong prea mo mekem ol tabu seremoni, D&K 59:9 (Mat 21:13).
Ol papa mo mama bae oli mas tijim ol pikinini blong prea, D&K 68:28.
Lod, God blong olgeta i slo blong lisin long ol prea blong olgeta, D&K 101:7–8 (Mos 21:15).
Putum tingting blong yu i stap daon; mo Lod, God blong yu bae i givim ansa long ol prea blong yu, D&K 112:10.