Hem i rod ia we ol man oli kam blong kasem wan bodi we i save ded long wol ia. Taem Adam mo Iv, tufala i kakae frut we i no blong kakae, bodi blong tufala i jenis, i kam bodi blong wol ia, we i minim se i man i save foldaon long sin, mo man i save ded. Adam i kam âfas bodi blong mit mo bunâ long fes blong wol (Moses 3:7). Revelesen blong lata-dei i mekem i klia se Foldaon i wan blesing, mo Adam mo Iv, tufala i mas kasem ona olsem fasfala papa mo mama blong evri man blong wol ia.
I nid blong i mas gat Foldaon long progres blong man. From se God i bin save se bae man i foldaon, Hem i mekem plan, long laef bifo laef long wol ia, blong i mas gat wan Sevya. Jisas Kraes i kam long medel blong taem blong pemaot Foldaon blong Adam, mo tu blong pemaot ol sin blong wanwan man mo woman sapos oli sakem sin.