Meri, Mama blong Jisas

Long Niu Testeman, hem i wan yangfala gel we i no save man yet, we God we i Papa i jusum blong i kam mama blong Pikinini blong Hem we bae i bon blong gat bodi blong mit mo bun. Afta long taem we Jisas i bon i kam long wol, Meri i gat ol narafala pikinini (Mak 6:3).

Oli promesem hem long Josef, Mat 1:18 (Luk 1:27).
Lod i talem long Josef blong no divosem Meri o blong no karemaot promes blong maredem hem, Mat 1:18–25.
Ol waes man oli visitim Meri, Mat 2:11.
Meri mo Josef oli ronwe wetem pikinini Jisas i go long Ijip, Mat 2:13–14.
Afta long ded blong Herod, famli i gobak long Nasaret, Mat 2:19–23.
Enjel Gabriel i visitim hem, Luk 1:26–38.
Hem i visitim Elisabet, kasen sista blong hem, Luk 1:36, 40–45.
Meri i givim wan singsing blong pres i go long Lod, Luk 1:46–55.
Meri i go long Betlehem wetem Josef, Luk 2:4–5.
Meri i bonem Jisas i kam long wol mo i putum hem i slip long bokis blong kaekae blong ol animol, Luk 2:7.
Ol man blong lukaot long sipsip oli go long Betlehem blong visitim Kraes we i bebi, Luk 2:16–20.
Meri mo Josef oli tekem Jisas i go long tempol long Jerusalem, Luk 2:21–38.
Meri mo Josef i tekem Jisas i go long Lafet blong Pasova, Luk 2:41–52.
Meri i stap long mared long Kena, Jon 2:2–5.
Sevya, taem hem i bin stap yet long kros, i askem Jon blong lukaotgud long mama blong hem, Jon 19:25–27.
Meri i stap wetem ol Aposol afta we Kraes i go antap long heven, Wok 1:14.