Josua
Wan profet mo lida long OlTesteman, mo hem i kam afta long Moses. Hem i bon long Ijip bifo ol pikinini blong Isrel oli ronwe (Nam 14:26â31). Hem mo Kaleb oli stap long medel blong olgeta twelef spae we oli sendem olgeta i go long Kenan. Olgeta nomo oli givim gudfala ripot long saed blong graon ia (Nam 13:8, 16â33; 14:1â10). Hem i ded taem hem i gat 110 yia (Jos 24:29). Josua i bin wan gudfala eksampol blong wan profet soldia we i givim ful taem blong hem.
Buk blong Josua
Buk ia i tekem nem blong Josua from se man ia nao i stamba man we oli tokbaot insaed, mo i no from se hem nao i raetem. Ol japta 1â12 oli tokbaot gud taem oli go karem Kenan; ol japta 13â24 oli tokbaot olgeta traeb blong Isrel we oli seraotem graon ia mo ol las kaonsel blong Josua.
Tufala ves blong tingbaot long buk blong Josua oli oda blong Lod i go long hem blong hem i mas tingting hevi kwaet mo longtaem long ol skripja (Jos 1:8) mo singaot blong Josua i go long ol pipol blong oli mas stap fetful long Lod (Jos 24:15).