Jisas Kraes

Kraes (wan toktok long lanwis Gris) mo Mesaea (wan toktok long lanwis Hibru) i minim, “hem we oli anoentem hem.” Jisas Kraes i Fasbon Pikinini blong Papa long spirit (Hib 1:6; D&K 93:21). Hem i Wan Stret Pikinini Nomo blong Papa long bodi blong mit mo bun (Jon 1:14; 3:16). Hem i Jehova (D&K 110:3–4) mo God i bin odenem bifo finis long bigfala koling ia blong Hem, bifo Hem i mekem wol ia. Anda long daereksen blong Papa, Jisas i bin mekem wol ia, mo evri samting we i stap long hem (Jon 1:3, 14; Moses 1:31–33). Hem i bon long Meri long Betlehem, i laef long wan laef we i no gat sin, mo i mekem wan atonmen we i stret gud, from ol sin blong ol man taem Hem i mekem blad blong Hem i ron, mo taem Hem i givim laef blong Hem long kros (Mat 2:1; 1 Nif 11:13–33; 3 Nif 27:13–16; D&K 76:40–42). Hem i girap long ded, mo olsem ia nao Hem i mekemsua se evri man bae i save laef bakegen long ded. Tru long Atonmen mo Laef Bakegen long Ded blong Jisas, olgeta we oli sakem sin blong olgeta mo stap obei long ol komanmen blong God, oli save laef blong taem we i no save finis wetem Jisas mo wetem Papa (2 Nif 9:10–12; 21–22; D&K 76:50–53, 62).

Jisas Kraes i man ia we i moa hae we i bon long wol ia. Laef blong Hem i stret eksampol long olsem wanem man i mas laef. Evri prea, blesing, prishud odinens, oli mas mekem long nem blong Hem. Hem i Lod blong ol lod, King blong ol king, i Krieta, i Sevya, mo i God blong ful wol.

Jisas Kraes bae i kambak bakegen wetem paoa blong glori blong rul long wol ia long taem blong Mileniom. Long las dei, bambae Hem i jajem evri man (Alma 11:40–41; JS—M 1).

Sot Toktok Abaot Laef blong Hem (folem ol samting we i bin hapen)

Oli talem finis taem we Jisas bae i bon mo misin blong hem, Luk 1:26–38 (Aes 7:14; 9:6–7; 1 Nif 11).
Hem i bon i kam long wol, Luk 2:1–7 (Mat 1:18–25).
Hem i sakomsaes, Luk 2:21.
Oli presentem hem insaed long tempol, Luk 2:22–38.
Ol waes man oli visitim hem, Mat 2:1–12.
Josef mo Meri i ronwe wetem hem i go long Ijip, Mat 2:13–18.
Oli tekem hem i go long Nasaret, Mat 2:19–23.
Hem i go long tempol taem hem i gat twelef yia, Luk 2:41–50.
Hem i gat ol brata mo sista, Mat 13:55–56 (Mak 6:3).
Hem i kasem baptaes, Mat 3:13–17 (Mak 1:9–11; Luk 3:21–22).
Devel i temtem hem, Mat 4:1–11 (Mak 1:12–13; Luk 4:1–13).
Hem i singaotem olgeta disaepol blong hem, Mat 4:18–22 (Mat 9:9; Mak 1:16–20; 2:13–14; Luk 5:1–11, 27–28; 6:12–16; Jon 1:35–51).
Hem i givim raet long Olgeta Twelef, Mat 10:1–4 (Mak 3:13–19; Luk 6:12–16).
Hem i givim Toktok Antap long Hil, Mat 5–7.
Hem i talem finis taem we bae hem i ded mo i laef bakegen long ded, Mat 16:21 (Mat 17:22–23; 20:17–19; Mak 8:31; 9:30–32; 10:32–34; Luk 9:22; 18:31–34).
Hem i jenis i kam niu, Mat 17:1–9 (Mak 9:2–8; Luk 9:28–36).
Hem i sendem olgeta seventi i go, Luk 10:1–20.
Hem i soem se hem i king mo go insaed long Jerusalem, Mat 21:1–11 (Mak 11:1–11; Luk 19:29–40; Jon 12:12–15).
Hem i statem sakramen, Mat 26:26–29 (Mak 14:22–25; Luk 22:19–20).
Hem i safa mo i prea long Getsemane, Mat 26:36–46 (Mak 14:32–42; Luk 22:39–46).
Oli salem hem, oli arestem hem mo oli livim hem, Mat 26:47–56 (Mak 14:43–53; Luk 22:47–54; Jon 18:2–13).
Oli hangem hem long kros, Mat 27:31–54 (Mak 15:20–41; Luk 23:26–28, 32–49; Jon 19:16–30).
Hem i laef bakegen long ded, Mat 28:1–8 (Mak 16:1–8; Luk 24:1–12; Jon 20:1–10).
Hem i kamaot afta we hem i laef bakegen long ded, Mat 28:9–20 (Mak 16:9–18; Luk 24:13–48; Jon 20:11–31; Wok 1:3–8; 1 Kor 15:5–8).
Hem i go antap long heven, Mak 16:19–20 (Luk 24:51–53; Wok 1:9–12).

Atoriti

Jisas i tijim olsem wan we i gat atoriti, Mat 7:28–29 (Mak 1:22).
Pikinini blong Man i gat paoa long wol blong fogivim ol sin, Mat 9:6.
Jisas i bin givim oda long ol spirit we oli no klin wetem atoriti mo oli bin obei long hem, Mak 1:27 (Luk 4:33–36).
Jisas i odenem olgeta twelef blong gat paoa, Mak 3:14–15.
Toktok blong Jisas i gat paoa, Luk 4:32.
Papa i putum evri jajmen i stap long Pikinini, Jon 5:22, 27.
God i anoentem Jisas wetem Tabu Spirit mo wetem paoa, Wok 10:38.
God i odenem Kraes finis bifo hem i mekem wol, 1 Pita 1:20 (Ita 3:14).
Kraes i gat ol ki blong hel mo blong ded, Rev 1:18.

Eksampol blong Jisas Kraes

Sapos wan man i no folem eksampol blong Pikinini blong God we i stap laef, bae Jisas i no save sevem hem, 2 Nif 31:16.
Mi wantem se yufala i stret gud semmak olsem mi, 3 Nif 12:48.
Samting ia bae yufala i lukaot gud blong mekem oltaem, hem i olsem we mi bin mekem, 3 Nif 18:6.
Mi bin mekem wan eksampol blong yufala, 3 Nif 18:16.
Ol samting we yufala i bin luk mi mi mekem, samting ia bae yufala i mas mekem, 3 Nif 27:21, 27.
Olgeta we oli tru blong folem Jisas Kraes bae oli olsem hem, Moro 7:48.

Glori blong Jisas Kraes

Hed blong Jos

Jaj

Mileniom taem we bae Kraes i rul

Ol profesi abaot taem we Jisas Kraes i bon mo i ded

Ol saen o simbol blong Kraes

Ebel i bin givim ol fasfala pikinini animol blong grup blong ol animol blong hem, Jen 4:4 (Moses 5:20).
Tekem wan boe ia nomo blong yu, Aesak, mo givim long mi olsem wan ofring, Jen 22:1–13 (Jek 4:5).
Lod i givim komanmen long ol pikinini blong Isrel blong givim olsem sakrifaes, ol smol sipsip we i no gat mak long hem, Eks 12:5, 21, 46 (Nam 9:12; Jon 1:29; 19:33; 1 Pita 1:19; Rev 5:6).
Hemia nao bred we Lod i givim long yufala blong kakae, Eks 16:2–15 (Jon 6:51).
Kilim ston ia, mo bae wota i kamaot long hem, blong ol pipol oli save dring, Eks 17:6 (Jon 4:6–14; 1 Kor 10:1–4).
Nani ia bae i tekem long hem evri rabis fasin blong olgeta, Lev 16:20–22 (Aes 53:11; Mos 14:11; 15:6–9).
Moses i leftemap wan snek we oli wokem long bras blong sevem olgeta we bae oli lukluk long snek ia, Nam 21:8–9 (Jon 3:14–15; Alma 33:19; Hil 8:14–15).
Jona i bin stap insaed long bel blong fis tri dei finis i pas, Jona 1:17 (Mat 12:40).

Ol taem we Kraes i kamaot long man afta we hem i ded

Taem Jisas i laef bakegen, hem i kamaot faswan long Meri, Mak 16:9 (Jon 20:11–18).
Jisas i wokbaot mo i toktok wetem tu long ol disaepol blong hem long rod i go long Emeas, Luk 24:13–34.
Jisas i kamaot long ol Aposol, we oli filim ol mak long han mo leg blong hem, Luk 24:36–43 (Jon 20:19–20).
Jisas i kamaot long Tomas, Jon 20:24–29.
Jisas i kamaot long ol disaepol long solwota blong Taebirias, Jon 21:1–14.
Jisas i bin tij blong foti dei afta we hem i laef bakegen long ded, Wok 1:2–3.
Steven i luk Jisas we i stanap long raet han saed blong God, Wok 7:55–56.
Jisas i kamaot long Sol, Wok 9:1–8 (JST, Wok 9:7; Wok 26:9–17).
Moa long 500 pipol oli bin luk Kraes, 1 Kor 15:3–8.

Taem we Kraes i laef bifo laef long wol ia

Tekem nem blong Jisas Kraes long yumiwan

Soem long Papa we yufala i glad blong tekem long yufala nem blong Kraes, tru long baptaes, 2 Nif 31:13.
Mi wantem se yufala i mas tekem long yufala nem blong Kraes, Mos 5:6–12 (Mos 1:11).
Eniwan we i bin wantem blong tekem long olgeta nem blong Kraes i bin joenem Jos Ia blong God, Mos 25:23.
Olgeta we oli bin tru man blong biliv long Kraes i bin putum long olgeta nem blong Kraes, Alma 46:15.
Get blong heven i open long olgeta we bae oli biliv long nem blong Jisas Kraes, Hil 3:28.
Hem we oli faenem se hem i fetful long nem blong mi long las dei bae i kasem blesing, Ita 4:19.
Oli rere blong tekem long olgeta, nem blong Pikinini blong yu, Moro 4:3 (D&K 20:77).