1 Mo long ples ia, bae wan niufala ^akru i kamaot long ^bstamba blong ^dJese, mo wan branj bae i gro aot long ol rus blong hem.

2 Mo ^aSpirit blong Lod bae i stap long hem, spirit blong waes tingting mo haremsave, spirit blong kaonsel mo paoa, spirit blong save mo blong gat respek blong Lod;

3 Mo bae i mekem hem blong andastanem samting kwik from respek we hem i gat long Lod; mo bae hem i no ^ajaj folem lukluk blong ol ae blong hem, mo tu, bae i no toktok strong folem wanem we hem i harem long sora blong hem.

4 Be wetem ^astret mo gud fasin bae hem i jajem ol puaman, mo ^btok strong blong i gat jastis long ol ^dman we oli no stap flas long wol ia; mo bae hem i kilim wol wetem stik blong maot blong hem, mo wetem win blong skin blong maot blong hem bae hem i kilimded ol nogud man.

5 Mo stret mo gud fasin bae i stap olsem strap blong wes blong hem, mo fasin blong stap fetful bae i strap blong ^abel blong hem.

6 Wael dog tu bae i stap wetem smol sipsip, mo lepad bae i ledaon wetem wan yang nanigot, mo yang buluk mo yang laeon mo buluk we i fatfat oli stap tugeta; mo wan smol pikinini bae i lidim olgeta.

7 Mo kao mo bea bae i kakae; ol yangwan blong olgeta bae oli ledaon tugeta; mo laeon bae i kakae gras olsem buluk.

8 Mo pikinini we i stap titi yet bae i pleiplei long hol blong wan smol posen snek mo bigfala pikinini bae i putum han blong hem long hol blong wan posen snek.

9 Bae oli ^ano mekem olgeta oli harem i soa o prapa spolem gud olgeta bakegen long evri tabu bigfala hil blong mi, from wol ia bae i fulap wetem ^bsave blong Lod, semmak olsem ol wota oli kavremap solwota.

10 Mo long ^adei ia bae i gat wan ^brus blong Jese we bae i stanap olsem wan flag blong ol pipol; ^dflag ia, bae Ol ^eJentael oli lukaotem; mo ples blong spel blong hem bae i naes tumas.

11 Mo bae i kam blong hapen se long dei ia we Lod bae i putum han blong hem bakegen blong ^anambatu taem, blong tekembak smol haf nomo blong ol pipol blong hem we bae i stap, long Asiria, mo long Ijip, mo long Patros, mo long Kus, mo long Elam, mo long Jina, mo long Hamat, mo long ol aelan blong solwota.

12 Mo bae hem i leftemap wan ^aflag blong ol kantri, mo bae i karem i kam tugeta olgeta we oli bin ^bsakemaot long Isrel, mo karem oli ^dkam tugeta ol man Juda we oli bin go olbaot long ol fo pat blong wol.

13 ^aJalus blong Efrem tu bae i aot, mo ol enemi blong Juda, Lod bae i katemaot olgeta; ^bEfrem bae i no jalus long ^dJuda, mo Juda bae i no givim hadtaem long Efrem.

14 Be bae oli ^aflae long ol solda blong ol man blong Filistia i go long Wes; bae oli stilim olgeta blong Is tugeta; bae oli putum han blong olgeta long Edom mo Moab; mo ol pikinini blong Amon bae oli obei olgeta.

15 Mo Lod bae i ^aprapa spolem gud tang blong solwota blong Ijip; mo wetem strong win blong hem bae hem i sekem han blong hem ova long reva, mo bae i kilim hem i go long seven smol reva, mo mekem ol man i go ova wetem drae leg.

16 Mo bae i gat wan ^abigfala rod blong smol haf nomo blong ol pipol blong hem we bae oli stap biaen, long Asiria, olsem we i bin stap long Isrel long dei we hem i bin kamaot long graon blong Ijip.