Tri Nifae

Buk blong Momon

Ol Samting we Oli Stap Insaed
Fas Toktok mo Ol Witnes
Fas Nifae
Seken Nifae
Jekob
Inos
Jerom
Omnae
Ol Toktok blong Momon
Mosaea
Alma
Hileman
Tri Nifae
Fo Nifae
Momon
Ita
Moronae

Tri Nifae

Japta 1
Nifae, boe blong Hileman, i aot long graon, mo boe blong hem Nifae i holem ol histri—Nomata we i gat ol saen mo ol sapraes oli hapen, ol man nogud oli plan blong oli kilimded ol man we oli gat stret mo gud fasin—Naet we Kraes i bon i kam—Saen i kamaot, mo wan niu sta i girap—Ol giaman mo ol trik oli kam moa bigwan, mo ol Gadianton man blong stil oli kilimded plante man. Raonabaot 1–4 A.K.B.
Japta 2
Nogud fasin mo ol rabis sin i kam antap long medel blong ol pipol—Ol Man blong Nifae mo Ol Man blong Leman oli joen tugeta blong difendem olgeta agensem ol Gadianton man blong stil—Ol Man blong Leman we oli jenisim laef oli kam waet mo oli singaotem olgeta Ol Man blong Nifae. Raonabaot 5–16 A.K.B.
Japta 3
Gidianhae, we i Gadianton lida, hem i talem strong long Lakonius mo Ol Man blong Nifae se oli mas sarenda mo givim ol graon blong olgeta—Lakonius i jusum Gidgidonae olsem jif kapten blong ol ami—Ol Man blong Nifae oli kam tugeta long Sarahemla mo Plante, blong difendem olgeta. Raonabaot 16–18 A.K.B.
Japta 4
Ol ami blong Ol Man blong Nifae oli winim ol Gadianton stilman—Oli kilimded Gidianhae, mo man we i folem hem, Semnaraeha, oli hangem hem—Ol Man blong Nifae oli presem Lod blong olgeta from ol win blong olgeta. Raonabaot 19–22 A.K.B.
Japta 5
Ol Man blong Nifae oli sakem sin mo oli lego ol sin blong olgeta—Momon i raetem histri blong ol pipol blong hem mo i talemaot toktok we i no gat en, long olgeta—Isrel bae i kam tugeta long longfala taem blong seraot blong hem. Raonabaot 22–26 A.K.B.
Japta 6
Ol Man blong Nifae oli kam antap gud—Hae tingting, ol rij samting, mo fasin blong gat ol defren grup blong pipol i girap—Jos i split wetem ol fasin blong pulaot—Setan i lidim ol pipol blong stap go agens—Plante profet oli taltalemaot fasin blong sakem sin mo oli kilimded olgeta—Olgeta we i kilimded ol profet oli plan blong tekova long gavman. Raonabaot 26–30 A.K.B.
Japta 7
Oli kilimded jif jaj, oli prapa spolem gud gavman, mo ol pipol oli seraot i go long ol laen—Jekob, wan man we i agensem Kraes, i kam king blong wan sikret grup—Nifae i prijim fasin blong sakem sin mo fet long Kraes—Ol enjel oli givhan long hem evri dei, mo hem i mekem brata blong hem i laef bakegen long ded—Plante oli sakem sin mo kasem baptaes. Raonabaot 30–33 A.K.B.
Japta 8
Ol hariken, ol graon i seksek, ol faea, ol waelwin, mo plante narafala samting long graon i witnesem taem we oli hangem Kraes long kros—Plante pipol oli ded—Tudak i kavremap graon blong tri dei—Olgeta we oli stap, oli krae from ol samting we i bin hapen, olsem we i mas hapen long olgeta. Raonabaot 33–34 A.K.B.
Japta 9
Long tudak, voes blong Kraes i talemaot fasin blong prapa spolem gud plante pipol mo ol bigtaon from fasin nogud blong olgeta—Mo tu, Hem i talemaot we Hem i Pikinini blong God, i talemaot se loa blong Moses i hapen, mo i askem evri man blong kam long Hem mo bae Hem i sevem olgeta. Raonabaot 34 A.K.B.
Japta 10
I no gat noes long graon blong plante aoa—Voes blong Kraes i promes blong karem ol pipol blong Hem semmak olsem wan faol i karem ol pikinini blong hem oli kam long hem—Grup blong ol pipol we oli moa stret, Kraes i sevem olgeta. Raonabaot 34–35 A.K.B.
Japta 11
Papa i testifae long saed blong Pikinini blong Hem we Hem i Lavem Tumas—Kraes i kamaot mo i talemaot Atonmen blong Hem—Ol pipol oli tajem ol mak blong ol soa long ol han, mo ol leg, mo saed blong Hem—Oli singaot Hosana—Hem i soemaot wei mo fasin blong baptaes—Spirit blong rao i blong devel—Doktrin blong Kraes i we, evri man i mas biliv mo kasem baptaes mo kasem Tabu Spirit. Raonabaot 34 A.K.B.
Japta 12
Jisas i singaot mo i givim raet long olgeta twelef disaepol—Hem i givim long Ol Man blong Nifae wan toktok we i kolosap semmak olsem Toktok Antap long Hil—Hem i tokbaot Ol Eit Gud Toktok blong Kraes we Hem i talem Antap long Hil—Ol tijing blong hem oli kam fastaem mo oli moa impoten ova long loa blong Moses—Ol man oli kasem oda blong stap stret gud evriwan olsem we Hem mo Papa blong Hem, Tufala i stret gud evriwan—Komperem long Matiu 5. Raonabaot 34 A.K.B.
Japta 13
Jisas i tijim Ol Man blong Nifae long Prea blong Lod—Oli mas hivimap ol rij samting long heven—Olgeta twelef disaepol oli kasem oda se, long seves blong olgeta, oli no mas tingbaot ol samting blong laef ia—Komperem long Matiu 6. Raonabaot 34 A.K.B.
Japta 14
Jisas i givim oda: No jajem narafala man; askem long God; lukaot long ol giaman profet—Hem i promes blong sevem olgeta we oli mekem tingting blong Papa—Komperem long Matiu 7. Raonabaot 34 A.K.B.
Japta 15
Jisas i talem se loa blong Moses i hapen tru long Hem—Ol Man blong Nifae oli ol narafala sipsip we Hem i bin tokbaot long Jerusalem—From nogud fasin, ol pipol blong Lod long Jerusalem oli no save long saed blong ol sipsip blong Isrel we oli bin seraot olbaot. Raonabaot 34 A.K.B.
Japta 16
Jisas bae i visitim ol narafala, long ol sipsip blong Isrel we oli bin lus—Long ol las dei gospel bae i go long Ol Jentael, mo afta, long laen blong Isrel—Ol pipol blong Lod bae oli luk wetem ae blong olgeta taem we Hem i karembak Saeon. Raonabaot 34 A.K.B.
Japta 17
Jisas i talem long ol pipol blong tingting hevi long ol toktok blong Hem mo prea blong oli save haremsave ol toktok—Hem i mekem ol sikman blong olgeta oli kam oraet—Hem i prea from ol pipol, hem i yusum lanwis we oli no save raetem—Ol enjel oli givhan long ol smol pikinini blong olgeta, mo faea i raonem olgeta. Raonabaot 34 A.K.B.
Japta 18
Jisas i statem sakramen long medel blong Ol Man blong Nifae—Hem i talem long olgeta blong prea oltaem long nem blong Hem—Olgeta we oli kakae bodi blong mit mo bun blong Hem mo dring blad blong Hem taem we oli no klin inaf, oli no save kam antap samtaem—Jisas i givim paoa long ol disaepol blong givim Tabu Spirit. Raonabaot 34 A.K.B.
Japta 19
Olgeta twelef disaepol oli prij long ol pipol mo oli prea from Tabu Spirit—Ol disaepol oli kasem baptaes mo kasem Tabu Spirit mo ol enjel oli givim seves long olgeta—Jisas i prea mo i yusum ol toktok we oli no save raetem—Hem i testifae long saed blong bigfala fet blong Ol Man blong Nifae ia. Raonabaot 34 A.K.B.
Japta 20
Jisas i givim bred mo waen tru long wan merikel mo bakegen hem i givim sakramen long ol pipol—Smol haf blong Jekob we oli stap yet bae oli kasem save long saed blong Lod, God blong olgeta mo bae oli kasem ol graon blong Amerika—Jisas hem i wan profet olsem Moses, mo Ol Man blong Nifae oli ol pikinini blong ol profet—Ol narafala man blong ol pipol blong Lod bae oli karem olgeta oli kam tugeta long Jerusalem. Raonabaot 34 A.K.B.
Japta 21
Lod bae i karembak Isrel taem we Buk blong Momon i kamaot—Bae Lod i stanemap Ol Jentael olsem wan fri pipol long Amerika—Bae Lod i sevem olgeta sapos oli biliv mo obei; sapos no, bae Lod i katemaot olgeta mo prapa spolem gud olgeta—Isrel bae i bildimap Niu Jerusalem, mo ol laen we oli lus bae oli kambak. Raonabaot 34 A.K.B.
Japta 22
Long ol las dei, Saeon mo ol stek blong hem bae oli stanap, mo bae Isrel i kam tugeta wetem sore mo lav—Bae oli win—Komperem long Aesea 54. Raonabaot 34 A.K.B.
Japta 23
Jisas i talem se ol toktok blong Aesea oli tru—Hem i givim oda long ol pipol blong stadi ol profet—Ol toktok blong Samuel, Man blong Leman long saed blong Laef Bakegen long Ded, Nifae i ademap olgeta i go wetem ol histri blong olgeta. Raonabaot 34 A.K.B.
Japta 24
Mesenja blong Lod bae i mekem rere rod blong Seken Kaming—Kraes bae i sidaon long jajmen—Isrel i kasem komanmen blong pem ol taeting mo ol ofring—Oli kipim wan buk blong histri—Komperem long Malakae 3. Raonabaot 34 A.K.B.
Japta 25
Long Seken Kaming, olgeta we oli gat hae tingting mo olgeta we oli nogud bae oli bon olsem doti blong wit—Elaeja bae i kambak bifo bigfala mo nogud dei ia—Komperem long Malakae 4. Raonabaot 34 A.K.B.
Japta 26
Jisas i eksplenem evri samting stat long stat go kasem en—Ol bebi mo ol pikinini oli talemaot ol gudfala samting we oli no save raetem—Olgeta long Jos Ia blong Kraes oli serem evri samting long medel blong olgeta. Raonabaot 34 A.K.B.
Japta 27
Jisas i givim oda se bae oli singaotem Jos long nem blong Hem—Misin blong Hem mo sakrifaes blong Hem we i pem praes, i gospel blong Hem ia nao—Ol man oli kasem komanmen blong sakem sin mo blong kasem baptaes blong oli save kam tabu tru long Tabu Spirit—Oli mas stap olsem we Jisas i stap. Raonabaot 34–35 A.K.B.
Japta 28
Naen aot long ol twelef disaepol oli wantem, mo oli kasem promes se bae oli kasem wan ples insaed long kingdom blong Kraes taem oli ded—Olgeta Tri Man blong Nifae oli wantem, mo oli kasem paoa ova long ded, blong save stap long wol kasem taem we Jisas i kambak bakegen—Oli no bin testem ded mo oli luk ol samting we, folem loa, oli no gat raet blong talem, mo oli stap givim seves naoia long medel blong ol man. Raonabaot 34–35 A.K.B.
Japta 29
Taem we Buk blong Momon i kamaot, hemia i wan saen se Lod i stat blong karem Isrel i kam tugeta mo mekem ol kavenan blong Hem oli hapen—Olgeta we oli sakemaot ol revelesen blong Hem blong las dei mo ol presen, bae oli kasem wan strong nogud tok agensem olgeta. Raonabaot 34–35 A.K.B.
Japta 30
Ol Jentael blong lata-dei i kasem komanmen blong sakem sin, kam long Kraes, mo oli kaontem olgeta wetem laen blong Isrel. Raonabaot 34–35 A.K.B.