Japta 8
Ol hariken, ol graon i seksek, ol faea, ol waelwin, mo plante narafala samting long graon i witnesem taem we oli hangem Kraes long kros—Plante pipol oli ded—Tudak i kavremap graon blong tri dei—Olgeta we oli stap, oli krae from ol samting we i bin hapen, olsem we i mas hapen long olgeta. Raonabaot 33–34 A.K.B.
1 Mo nao i bin hapen se folem histri blong mifala, mo mifala i save se histri blong mifala i tru, from luk, hem i bin wan stret man we i kipim histri—from i tru we hem i bin mekem plante amerikel long bnem blong Jisas; mo i no bin gat eni man we i save mekem wan merikel long nem blong Jisas, sapos hem i no klin fulwan long ol rabis fasin blong hem—
2 Mo nao i bin hapen se, sapos i no gat mistek we man ia i mekem long taem we hem i kaontem taem blong mifala, ateti mo tri yia i bin pas i go;
3 Mo ol pipol oli stat blong strong tumas blong lukaotem saen we profet Samuel, Man blong Leman i bin talemaot, yes, taem ia we bae i gat atudak blong spes blong tri dei ova long fes blong graon.
4 Mo i bin stat blong gat ol fasin blong bigfala tu tingting mo ol rao long medel blong ol pipol, i nomata we i bin gat plante asaen we Lod i bin soemaot long olgeta finis.
5 Mo i bin hapen long teti mo fo yia, fasfala manis, long nambafo dei blong manis, i gat wan ren mo strong win mo tanda we i bigwan, i girap, wan we oli neva save olsem long ful graon.
6 Mo i bin gat tu wan bigfala mo rabis ren wetem strongfala win; mo i gat atanda we i faerap strong tumas inaf blong mekem se hem i bseksekem ful wol olsem se i rere blong brokbrok long tu.
7 Mo i bin gat ol laetning we oli strong tumas, olsem we oli neva bin save long ful graon.
8 Mo abigtaon blong Sarahemla i kasem faea.
9 Mo bigtaon blong Moronae i bin draon long ol dip ples blong solwota, mo ol pipol we oli stap laef long hem oli bin draon.
10 Mo graon i bin kavremap bigtaon blong Moronaeha, mekem se long ples blong bigtaon ia i bin gat wan bigfala hil.
11 Mo ples i bin smas nogud mo smas bigwan long graon long Saot.
12 Be luk, ples i bin smas moa nogud mo i smas moa bigwan long graon long Not; from luk, ful fes blong graon i jenis, from hariken mo ol wael win, mo ol tanda mo ol laetning, mo from ful wol i bin seksek strong tumas;
13 Mo ol abigfala rod oli bin brokbrok, mo ol flat rod oli kam nogud, mo plante smut ples oli kam raf.
14 Mo plante bigfala mo impoten bigtaon oli adraon, mo plante oli bon, mo plante oli seksek kasem taem we ol haos blong hem oli foldaon long graon, mo ol pipol we i stap laef long hem oli ded, mo ol ples oli stap emti.
15 Mo i bin gat sam bigtaon we oli stap yet; be oli smas we oli smas bigwan tumas, mo i gat plante long olgeta, insaed long ol bigtaon ia, we oli ded.
16 Mo i gat samfala we waelwin i karem olgeta oli gowe; mo weaples oli go long hem, i no gat man i save, hemia nomo, oli save se win i bin karem olgeta oli gowe.
17 Mo olsem ia nao fes blong ful wol i kam nogud, from ol hariken, mo ol tanda, mo ol laetning, mo graon we i seksek.
18 Mo luk, ol bigfala aston oli bin brok long tu pis; oli brokbrok long fes blong ful wol, inaf blong mekem se oli bin faenem sam long ol ston ia long ol pisis we oli brokbrok i go wanwan, mo sam oli gat mak we i soem ples we bae oli brok, mo sam oli gat bigfala mak blong ples we bae oli brok, long ful fes blong graon.
19 Mo i bin hapen se taem we ol tanda, mo ol laetning, mo ren, mo hariken mo ol seksek blong graon i stop—from luk, oli gohed kolosap blong spes blong atri aoa; mo sam pipol oli talem se taem i moa longfala; be, evri bigfala mo nogud samting ia i hapen kolosap long spes blong tri aoa—mo afta luk, i bin gat tudak long fes blong graon.
20 Mo i bin hapen se i bin gat tik tudak long ful fes blong graon, inaf blong mekem se ol pipol we oli stap laef long hem we oli no bin foldaon, i save afilim bhot smok blong tudak;
21 Mo i no save gat laet, from tudak ia, mo tu, i no save gat kandel, mo tu, tojlaet; mo tu, i no bin save gat faea i laet wetem ol gudfala wud blong olgeta we i drae gud, mekem se i no save gat eni laet nating;
22 Mo i no bin gat eni laet we oli bin luk, o faea, o wan pis laet, o san, o mun, o ol sta, from ol smok blong tudak oli bin bigwan tumas we oli stap long fes blong graon.
23 Mo i bin hapen se samting ia i stap blong spes blong atri dei we oli no bin luk laet; mo i bin gat ol bigfala harem sore mo ol krae singaot, mo ol krae we i gogohed long medel blong ol pipol; yes, ol noes blong krae blong ol pipol oli bigwan, from tudak mo from nogud taem we evri samting i bin smas, we i bin kam long olgeta.
24 Mo long wan ples oli bin harem ol pipol i krae, se: “O sapos we mifala i bin sakem sin bifo long bigfala mo nogud dei ia, mo afta bae ol brata blong mifala i laef yet, mo bae oli no save bon long bigfala bigtaon aSarahemla.”
25 Mo long wan narafala ples oli bin harem ol pipol oli krae mo harem sore, mo talem se: “O sapos mifala i bin sakem sin bifo long bigfala mo nogud dei ia, mo mifala i no bin kilimded mo stonem ol profet, mo sakem olgeta aot; afta bae ol mama blong mifala mo ol naes gel blong mifala, mo ol pikinini blong mifala i save laef yet, mo bigfala bigtaon Moronaeha i no save berem olgeta.” Mo olsem ia nao ol krae singaot blong ol pipol i bin bigwan mo nogud.