Seken Nifae

Buk blong Momon

Ol Samting we Oli Stap Insaed
Fas Toktok mo Ol Witnes
Fas Nifae
Seken Nifae
Jekob
Inos
Jerom
Omnae
Ol Toktok blong Momon
Mosaea
Alma
Hileman
Tri Nifae
Fo Nifae
Momon
Ita
Moronae

Seken Nifae

Japta 1
Lihae i talemaot profesi long saed blong wan graon blong fridom—Ol pikinini blong hem bae oli seraot olbaot mo kasem panis sapos oli sakemaot Tabu Wan blong Isrel—Hem i talem strong long ol boe blong hem blong werem ol klos blong faet blong stret mo gud fasin. Raonabaot 588–570 B.K.B.
Japta 2
Rod blong fasin blong pemaot man i kam tru long Tabu Mesaea—Fridom blong mekem joes (raet blong mekem joes o ejensi) i mas stap insaed long laef mo long fasin blong gro—Adam i bin foldaon blong mekem se ol man oli save stap—Ol man oli fri blong jusum fridom mo laef we i no save finis. Raonabaot 588–570 B.K.B.
Japta 3
Josef long Ijip i bin luk Ol Man blong Nifae long wan visen—Hem i bin talemaot profesi long saed blong Josef Smit, sia blong ol lata-dei; long saed blong Moses, we bae i mekem Isrel i go fri; mo long taem we Buk blong Momon bae i kamaot. Raonabaot 588–570 B.K.B.
Japta 4
Lihae i givim advaes mo i blesem ol pikinini blong hem—Hem i ded mo oli berem hem—Nifae i glad from gudfala fasin blong God—Nifae i putum tras blong hem long Lod blong oltaem. Raonabaot 588–570 B.K.B.
Japta 5
Ol Man blong Nifae oli seperetem olgeta long Ol Man blong Leman, oli holem loa blong Moses, mo oli bildim wan tempol—From Ol Man blong Leman i no biliv, Lod i sakemaot olgeta long fes blong hem, i sakem wan strong nogud tok long olgeta, mo oli mekem bigfala trabol long Ol Man blong Nifae. Raonabaot 588–559 B.K.B.
Japta 6
Jekob i talem bakegen histri blong Ol Jiu: Ol Jiu i go prisena long Babilon mo oli kambak bakegen; seves mo taem we oli krusifaem Tabu Wan blong Isrel; ol help we Ol Jentael oli givim; mo lata-dei kambak blong Ol Jiu taem we oli biliv long Mesaea. Raonabaot 559–545 B.K.B.
Japta 7
Jekob i gohed blong rid long Buk blong Aesea: Aesea i toktok olsem se hem i Mesaea—Mesaea bae i gat tang blong ol waes man—Bae Hem i givim baksaed blong Hem long olgeta we oli wipim Hem—I no gat wan man we bae i save blokem Hem—Luk long Aesea 50. Raonabaot 559–545 B.K.B.
Japta 8
Jekob i gohed blong rid long Buk blong Aesea: Long ol las dei, Lod bae i leftemap tingting blong Saeon mo karem Isrel i kam tugeta—Ol pipol we Lod i bin pemaot bae oli kam long Saeon wetem bigfala glad—Komperem Aesea 51 mo 52:1–2. Raonabaot 559–545 B.K.B.
Japta 9
Jekob i eksplenem se Lod bae i karem Ol Jiu oli kam tugeta long evri graon blong promes blong olgeta—Atonmen i pemaot man long Foldaon—Bodi blong ol dedman bae oli kam aot long gref, mo spirit blong olgeta bae oli kamaot long hel mo long paradaes—Bae oli kasem jajmen—Atonmen i sevem man long ded, hel, devel, mo harem nogud we i no finis—Ol stret mo gud man, bae Lod i sevem olgeta long kingdom blong God—Oli talemaot ol panis blong ol sin—Tabu Wan blong Isrel i wajman blong get. Raonabaot 559–545 B.K.B.
Japta 10
Jekob i eksplenem se Ol Jiu bae oli krusifaem God blong olgeta—Bae oli seraot olbaot kasem taem we oli stat blong biliv long Hem—Amerika bae i wan graon blong fridom we bae i no gat king i rul—Stretem yufala wetem God mo kasem fasin blong sevem man tru long gladhat blong Hem. Raonabaot 559–545 B.K.B.
Japta 11
Jekob i bin luk Ridima blong hem—Loa blong Moses i wan eksampol blong Kraes mo i pruvum se bae Hem i kam. Raonabaot 559–545 B.K.B.
Japta 12
Aesea i luk tempol blong lata-dei, taem ia we Isrel i kambak tugeta, mo jajmen mo pis blong Mileniom—Ol man we oli gat hae tingting mo ol man nogud bae oli pulumdaon olgeta long taem blong Seken Kaming—Komperem long Aesea 2. Raonabaot 559–545 B.K.B.
Japta 13
Juda mo Jerusalem bae i kasem panis from tufala i no obei—Lod i toktok from mo i jajem ol pipol blong Hem—Ol gel blong Saeon oli kasem wan strong nogud tok mo oli harem nogud from ol samting blong olgeta we i blong wol ia—Komperem long Aesea 3. Raonabaot 559–545 B.K.B.
Japta 14
Saeon mo ol gel blong hem bae oli pemaot olgeta mo klin long dei blong Mileniom—Komperem long Aesea 4. Raonabaot 559–545 B.K.B.
Japta 15
Plantesen blong Lod (Isrel) bae i kam emti, mo ol pipol blong Hem bae oli seraot olbaot—Ol taem blong trabol bae oli kam long olgeta long taem we oli stap long apostasi mo oli stap seraot olbaot—Bae Lod i leftemap wan flag mo mekem Isrel i kambak tugeta—Komperem long Aesea 5. Raonabaot 559–545 B.K.B.
Japta 16
Aesea i luk Lod—Lod i fogivim ol sin blong Aesea—Lod i singaotem hem blong talemaot profesi—Hem i talemaot profesi long saed blong ol tijing blong Kraes we Ol Jiu oli sakemaot—Wan smol haf nomo bae i kambak—Komperem long Aesea 6. Raonabaot 559–545 B.K.B.
Japta 17
Efrem mo Siria i go faet agensem Juda—Kraes bae i bon long wan woman we i neva go wetem man yet—Komperem long Aesea 7. Raonabaot 559–545 B.K.B.
Japta 18
Kraes bae i olsem wan strong ston we i mekem man i foldaon mo wan strong ston we i smasem gud ol man—Lukaotem Lod, i no ol kleva man we oli stap toktok wetem wan smol voes—Luk long loa mo long testemoni blong lidim yufala—Komperem long Aesea 8. Raonabaot 559–545 B.K.B.
Japta 19
Aesea i tokbaot Mesaea—Ol pipol long tudak bae oli luk wan bigfala laet—Long yumi wan pikinini i bon—Bae hem i kam wan Prins blong Pis mo bae hem i rul long jea blong Deved—Komperem long Aesea 9. Raonabaot 559–545 B.K.B.
Japta 20
Taem we bae oli prapa spolem gud Asiria i wan eksampol blong fasin blong prapa spolem gud ol man nogud long taem we bae Seken Kaming—I no gat tumas pipol bae i stap laef afta long taem we Lod i kam bakegen—Smol haf nomo blong Jekob bae i kambak long dei ia—Komperem long Aesea 10. Raonabaot 559–545 B.K.B.
Japta 21
Stamba blong Jese (Kraes) bae i jaj wetem stret mo gud fasin—Save blong God bae i kavremap wol ia long Mileniom—Lod bae i leftemap wan flag mo karem Isrel i kambak tugeta—Komperem long Aesea 11. Raonabaot 559–545 B.K.B.
Japta 22
Long dei blong Mileniom evri man bae i presem Lod—Bae hem i stap long medel blong olgeta—Komperem long Aesea 12. Raonabaot 559–545 B.K.B.
Japta 23
Smasgud blong Babilon i wan eksampol blong ol samting we bae oli smasem gud long taem blong Seken Kaming—Bae hem i wan dei blong bigfala nogud kros mo pembak trabol—Babilon (wol ia) bae i foldaon blong oltaem—Komperem long Aesea 13. Raonabaot 559–545 B.K.B.
Japta 24
Isrel bae i kam tugeta mo bae hem i pasem wan gud spel long Mileniom—Lod i bin sakemaot Lusifa aot long heven from hem i bin go agensem hem—Isrel bae i win ova long Babilon (wol ia)—Komperem long Aesea 14. Raonabaot 559–545 B.K.B.
Japta 25
Nifae i glad long fasin we i klia—Ol profesi blong Aesea, bae oli andastanem long ol las dei—Ol Jiu bae oli kambak long Babilon, krusifaem Mesaea, mo oli seraotem olgeta olbaot mo wipim olgeta—Bae oli karem olgeta oli kambak taem we oli biliv long Mesaea—Bae hem i kam long fas taem, sikis handred yia afta we Lihae i aot long Jerusalem—Ol Man blong Nifae oli holem loa blong Moses mo biliv long Kraes, we i Tabu Wan blong Isrel. Raonabaot 559–545 B.K.B.
Japta 26
Kraes bae i prij long Ol Man blong Nifae—Nifae i lukluk finis taem ia we bae oli prapa spolem gud ol pipol blong hem—Bae oli toktok aot long das—Ol Jentael bae oli bildim ol giaman jos mo gat ol sikret grup—Lod i blokem ol man blong yusum ol fasin blong giaman pris. Raonabaot 559–545 B.K.B.
Japta 27
Tudak mo apostasi bae i kavremap wol long ol las dei—Buk blong Momon bae i kamaot—Tri witnes bae i testifae long saed blong buk—Man we i save plante samting bae i talem se hem i no save ridim buk ia we oli silim—Lod bae i mekem wan gudfala wok mo wan sapraes—Komperem long Aesea 29. Raonabaot 559–545 B.K.B.
Japta 28
Plante giaman jos, bae oli bildimap long ol las dei—Bae oli tijim ol giaman tijing, ol tijing we oli blong nating, mo ol krangke doktrin—Apostasi bae i hapen olbaot from ol giaman tija—Devel bae i toktok nogud long hat blong ol man—Bae hem i tijim evri kaen fasin blong ol giaman doktrin. Raonabaot 559–545 B.K.B.
Japta 29
Plante Jentael bae oli sakemaot Buk blong Momon—Bae oli talem se, “Mifala i no nidim moa Baebol”—Lod i toktok long plante kantri—Bae hem i jajem wol aot long ol buk we bae oli raetem. Raonabaot 559–545 B.K.B.
Japta 30
Ol Jentael we oli jenisim laef bae oli kaontem olgeta wetem ol kavenan pipol—Plante Man blong Leman mo Jiu bae oli bilivim trutok mo oli kam gudfala—Isrel bae i kambak mo ol man nogud bae oli ded. Raonabaot 559–545 B.K.B.
Japta 31
Nifae i talem from wanem Kraes i bin baptaes—Ol man oli mas folem Kraes, kasem baptaes, kasem Tabu Spirit, mo stap strong kasem en blong Lod i sevem olgeta—Fasin blong sakem sin mo baptaes oli get we i go long rod ia we i stret mo i no isi—Laef we i no save finis i kam long olgeta we oli obei long ol komanmen afta long baptaes. Raonabaot 559–545 B.K.B.
Japta 32
Ol enjel oli toktok tru long paoa blong Tabu Spirit—Ol man oli mas prea mo kasem save long Tabu Spirit olgetawan. Raonabaot 559–545 B.K.B.
Japta 33
Ol toktok blong Nifae oli tru—Oli testifae long saed blong Kraes—Olgeta we oli biliv long Kraes bae oli bilivim ol toktok blong Nifae, we bae oli stanap olsem witnes long fored blong jea blong jajmen. Raonabaot 559–545 B.K.B.