Japta 33
Ol toktok blong Nifae oli tru—Oli testifae long saed blong Kraes—Olgeta we oli biliv long Kraes bae oli bilivim ol toktok blong Nifae, we bae oli stanap olsem witnes long fored blong jea blong jajmen. Raonabaot 559–545 B.K.B.
1 Mo nao mi, Nifae, mi no save raetem evri samting we oli bin tijim long medel blong ol pipol blong mi; mo tu, mi mi no astrong tumas blong raet, olsem we mi save toktok; from taem we wan man i btoktok wetem paoa blong Tabu Spirit, paoa blong Tabu Spirit i karem toktok ia i go long hat blong ol pikinini blong ol man.
2 Be luk, i gat plante we oli mekem hat blong olgeta i akam strong agensem Tabu Spirit, mekem se Spirit i no gat eni ples insaed long olgeta; taswe, oli sakemaot plante samting we oli bin raetem mo oli ting se oli olsem ol samting nating.
3 Be mi, Nifae, mi bin raetem wanem we mi bin raetem, mo mi tekem samting ia olsem wan samting we i gat bigfala ayus mo speseli long ol pipol blong mi. From mi bprea oltaem from olgeta long dei, mo wota blong ae blong mi i mekem pilo blong mi i wetwet long naet, from olgeta; mo mi prea long God blong mi wetem fet, mo mi save se bae hem i harem prea blong mi.
4 Mo mi save se Lod God bae i konsekretem ol prea blong mi blong helpem ol pipol blong mi. Mo ol toktok we mi bin raetem long taem we mi no save raet gud bae oli kam astrong long olgeta; from i bwinim tingting blong olgeta blong mekem gudfasin; i talem long olgeta long saed blong ol papa blong olgeta; mo i tokbaot Jisas, mo mekem olgeta blong biliv long hem, mo blong stap strong kasem en, we i laef dwe i no save finis.
5 Mo hem i toktok astrong agensem sin, folem bklia fasin blong trutok; taswe, bae i no gat man i kros long ol toktok we mi bin raetem, be nomo sapos man ia i gat spirit blong devel.
6 Mi glad long klia fasin; mi glad long trutok; mi glad long Jisas blong mi, from hem i bin apemaot sol blong mi long hel.
7 Mi gat abigfala lav long ol pipol blong mi, mo bigfala fet long Kraes we bae mi mitim plante sol we oli no gat mak long jea blong jajmen blong hem.
8 Mi gat bigfala lav long Ol aJiu—mi talem Jiu, from mi minim olgeta we mi kamaot long olgeta.
9 Mi gat bigfala lav tu long Ol aJentael. Be luk, from i no gat wan long olgeta ia we mi save gat hop long olgeta, be nomo sapos oli bstretem ol rabis fasin blong olgeta wetem Kraes, mo go tru long dsmol get, mo ewokbaot long fstret rod we i lid i go long laef, mo i gohed long rod ia kasem en blong dei blong tes.
10 Mo nao, ol brata blong mi we mi lavem tumas, mo tu, Ol Jiu, mo yufala evriwan long evri en blong wol, lisin gud long ol toktok ia mo abiliv long Kraes; mo sapos yufala i no biliv long ol toktok ia, biliv long Kraes. Mo sapos bae yufala i biliv long Kraes, bae yufala i biliv long ol btoktok ia, from oli ol dtoktok blong Kraes, mo hem i bin givim ol toktok ia long mi; mo oli etijim evri man se oli mas mekem gud samting.
11 Mo sapos oli no ol toktok blong Kraes, yufala i jajem—from Kraes bae i soem long yufala long las dei, wetem apaoa mo bigfala glori, we oli ol toktok blong hem; mo yu mo mi bae yumitu stanap fesem yumitu long fored blong bkot blong hem; mo bae yufala i save se hem nao i bin givim oda long mi blong raetem olgeta samting ia, i nomata we mi no save raet gud.
12 Mo mi prea long Papa long nem blong Kraes, blong plante long yumi, sapos i no yumi evriwan, bae hem i save sevem yumi insaed long akingdom blong hem long bigfala mo las dei.
13 Mo nao, ol brata blong mi we mi lavem tumas, olgeta evriwan we oli blong laen blong Isrel, mo yufala evriwan long evri en blong wol, mi toktok long yufala olsem wan voes blong wan we i stap asingaot aot long das: “Gudbae kasem taem we bigfala dei ia bae i kam.”
14 Mo yufala we bae i no tekem pat blong gud fasin blong God, mo respektem ol atoktok blong Ol Jiu, mo tu, ol btoktok blong mi, mo ol toktok we bae oli kamaot long maot blong Smol Sipsip blong God, luk, mi talem long yufala wan gudbae we i no gat en, from ol toktok ia bae oli dpanisim yufala long las dei.
15 From se wanem mi silim long wol, bae i go agensem yufala long kot blong ajajmen; from olsem ia nao Lod i bin givim oda long mi, mo mi mas obei. Amen.