1 Be, tudak bae i no olsem long taem blong soa blong hem, taem we long stat hem i bin givim smol hadtaem long ^agraon blong Sebulan, mo graon blong Naftali, mo afta long hemia hem i bin givim moa hadtaem raonabaot long Red Si bitim Jodan long Galili, we i gat ol man blong plante defren kantri.

2 Ol pipol we i bin wokbaot long ^atudak oli bin luk wan bigfala laet; olgeta we oli stap long graon blong pikja blong ded, long olgeta, laet i bin saen.

3 Yu yu bin fulumap kantri, mo yu yu bin mekem glad i ^akam antap—olgeta oli glad long fored blong yu folem glad blong pikimap ol frut, mo olsem ol man, oli glad taem we oli seraotem ol samting blong ol narafala man.

4 From yu yu bin brekem yok blong ol hevi samting blong hem, mo stik blong solda blong hem, stik blong man we i stap mekem nogud long hem.

5 From evri faet blong soldia, noes i miksimap olgeta, mo ol klos oli swim long blad; be faet ia bae i bon olsem faeawud blong faea.

6 Mo long yumi wan ^apikinini i bon; long yumi wan boe oli givim; mo ^bgavman bae i stap long solda blong hem; mo nem blong hem bae oli singaotem, Gudfalawan, Kaonsela, ^dHae God, ^ePapa we I No Gat En, Prins blong ^fPis.

7 Bigfala namba blong ^agavman mo pis we i stap go antap, ^bi no gat en blong hem, long jea blong Deved, mo long kingdom blong hem blong rulum hem, mo blong stanemap hem wetem jajmen mo jastis stat naoia i go kasem long oltaem. Sapot blong Lod blong Ol Pipol bae i mekem samting ia.

8 Lod i sendem toktok blong hem i go long Jekob mo toktok ia i go foldaon long ^aIsrel.

9 Mo evri pipol bae oli save, Efrem tu mo ol pipol we i stap long Sameria, we i talem long hae tingting mo paoa blong hat:

10 Ol brikis i bin foldaon, be bae yumi bildim wetem ol ston we yumi katem; oli katem daon ol sikamo tri, be bae yumi yusum ol redwud long ples blong olgeta.

11 From hemia, Lod bae i putumap ol enemi blong ^aResin agensem hem, mo joenem ol enemi blong hem tugeta;

12 Ol Man Siria long fored mo Ol Man Filistia biaen; mo bae oli ^akakae flatem Isrel wetem maot we i open. From evri samting ia Lod i no tanem ^bkros blong hem i gowe, be hem i stretem han blong hem yet.

13 From ol pipol oli ^ano go long hem we i stap kilim olgeta, mo tu, oli no lukaotem Lod blong Ol Pipol.

14 From hemia, Lod bae i katemaot long Isrel hed mo tel, branj mo ol gras long wan dei.

15 Hem we hem i olfala moa, hem i hed; mo profet we i stap tijim giaman toktok, hem i tel.

16 From ol lida blong pipol ia oli mekem se oli mekem rabis fasin; mo olgeta we olgeta man ia oli lidim, oli smasem gud olgeta.

17 From hemia, Lod bae i no gat glad long ol yang boe, mo tu, bae hem i no gat ^asore long olgeta we oli no gat papa mo olgeta woman we man blong olgeta i ded; from evriwan long olgeta oli ol man we i gat tufes mo oli stap mekem ol rabis samting, mo evri maot i stap talemaot ol ^bkrangke samting. From evri samting ia, Lod i no tanem kros blong hem i gowe, be hem i stretem ^dhan blong hem yet.

18 From fasin nogud i bon olsem faea; bae i kakae flatem ol rabis gras mo ol ropnil, mo bae i girap long ol grup blong smol tri blong bus, mo bae oli go antap olsem we smok blong faea i go antap.

19 Tru long bigfala nogud kros blong Lod blong Ol Pipol, graon i kam tudak, mo ol pipol bae oli olsem faeawud blong faea; bae i ^ano gat wan man we i sevem brata blong hem.

20 Mo bae hem i stil wetem raet han mo stap hanggri; mo bae hem i ^akakae wetem lef han mo bae oli no fulap; bae evri man i kakae mit blong han blong hem bakegen—

21 ^aManase, ^bEfrem; mo Efrem, Manase; tufala tugeta bae i agensem ^dJuda. From evri samting ia Lod i no tanem kros blong hem i gowe, be hem i stretem han blong hem yet.