1 Mo nao, luk, ol brata blong mi we mi lavem tumas, mi ting se yufala i tingting hevi samtaem long hat blong yufala long saed blong wanem yufala i mas mekem afta we yufala i bin go tru long rod ia. Be, luk, ?from wanem yufala i stap tingting hevi long ol samting ia long hat blong yufala?

2 ?Yufala i no tingbaot we mi bin talem long yufala se afta we yufala i bin ^akasem Tabu Spirit bae yufala i toktok wetem ^blanwis blong ol enjel? Mo nao, ?olsem wanem nao bae yufala i toktok wetem lanwis blong ol enjel sapos i no tru long Tabu Spirit?

3 Ol ^aenjel oli toktok tru long paoa blong Tabu Spirit; taswe, oli talemaot ol toktok blong Kraes. Taswe, mi bin talem long yufala, “^bkakae gud long ol toktok blong Kraes;” from luk, ol toktok blong Kraes bae oli talem long yufala evri samting we yufala i mas mekem.

4 Taswe, afta nao we mi bin talemaot ol toktok ia, sapos yufala i no save andastanem olgeta bae hem i from we yufala i no ^aaskem, mo tu, we yufala i no noknok; from hemia, yufala i no kam long laet, be bae yufala i mas ded long tudak.

5 From luk, bakegen mi talem long yufala se sapos yufala i go tru long rod, mo kasem Tabu Spirit, bae hem i soem long yufala evri samting we bae yufala i mas mekem.

6 Luk, hemia i doktrin blong Kraes, mo bae i no gat moa doktrin we bae oli givim kasem taem we bae hem i ^asoemaot hemwan long yufala long bodi blong mit mo bun. Mo taem we bae hem i soemaot hemwan long yufala long bodi blong mit mo bun, ol samting we bae hem i talem long yufala bae yufala i mas mekem.

7 Mo nao mi, Nifae, mi no save talem moa; Spirit i stopem mi blong toktok, mo mi mi stap blong krae sore from ol pipol oli ^ano biliv, mo ol fasin nogud, mo fasin blong no lanem samting, mo stronghed fasin blong ol man; from bae oli no lukaotem save, o andastanem bigfala save, taem we oli givim long olgeta long ^bklia fasin, hem i klia olsem we ol toktok i save kam klia.

8 Mo nao, ol brata blong mi we mi lavem tumas, mi luk se yufala i tingting hevi yet long hat blong yufala; mo mi harem nogud we mi nid blong tokbaot samting ia. From sapos yufala i lisin long Spirit we i tijim wan man blong ^aprea, bae yufala i save se yufala i mas prea; from ^bivel spirit i no tijim wan man blong prea, be i tijim hem se hem i no mas prea.

9 Be luk, mi talem long yufala se yufala i mas ^aprea oltaem, mo no letem tingting blong yufala i foldaon, blong yufala i no mas mekem eni samting long Lod sapos, fastaem, yufala i no prea long Papa long ^bnem blong Kraes, blong hem i konsekretem wok blong yufala long yufala bakegen, blong wok blong yufala i save helpem ^dgudfala laef blong sol blong yufala.