Japta 16
Aesea i luk Lod—Lod i fogivim ol sin blong Aesea—Lod i singaotem hem blong talemaot profesi—Hem i talemaot profesi long saed blong ol tijing blong Kraes we Ol Jiu oli sakemaot—Wan smol haf nomo bae i kambak—Komperem long Aesea 6. Raonabaot 559–545 B.K.B.
1 Long ayia we king Usia i bin ded, mi bin luk tu we Lod i stap sidaon long wan bigfala jea we i hae mo i stap hae antap, mo blongfala klos blong hem i bin fulumap tempol.
2 Ol aseraf oli stanap antap long jea ia; wanwan i gat sikis wing; tu wing i kavremap fes blong olgeta, mo tu wing i kavremap ol leg blong olgeta, mo tu wing oli yusum blong flae.
3 Mo wan i singaot i go long narawan, mo talem se: “Tabu, tabu, tabu, i Lod blong Ol Pipol; ful wol i fulap wetem glori blong hem.”
4 Mo ol apos blong doa oli seksek from voes blong hem we i bin singaot, mo haos i fulap wetem smok.
5 Afta mi bin talem: “!Sore tumas long mi! from glori blong Lod i asmasem gud mi; from mi wan man we skin blong maot blong mi i no klin; mo mi stap long medel blong wan pipol we skin blong maot blong olgeta i no klin; from ol ae blong mi i bin luk King, Lod blong Ol Pipol.”
6 Afta wan ol seraf i flae i kam long mi, i holem wan asakol faea we i laet long han blong hem, we hem i bin tekem wetem wan neglis aot long olta;
7 Mo hem i bin putum samting ia long maot blong mi, mo hem i talem se: “Luk, samting ia i tajem skin blong maot blong yu; mo ol arabis fasin blong yu oli gowe, mo yu kam klin long sin.”
8 Mo tu, mi harem voes blong Lod, i talem: “?Huia bae mi sendem, mo huia bae i go blong yumi?” Afta mi talem: “Mi hemia; sendem mi.”
9 Mo hem i talem: “Go mo talem long pipol ia—Yufala i lisin stret, be oli no bin andastanem; mo yufala i luk stret, be oli no bin luksave.
10 Mekem hat blong ol pipol ia i kam fatfat, mo mekem ol sora blong olgeta oli kam hevi, mo sarem ol ae blong olgeta—blong mekem se oli no save lukluk wetem ol ae blong olgeta, mo no alisin wetem ol sora blong olgeta, mo no andastanem wetem hat blong olgeta, mo no jenisim laef blong olgeta mo no kam oraet bakegen.”
11 Afta mi talem: “Lod, ?kasem wanem taem?” Mo hem i talem: “Kasem taem we ol bigtaon oli kam emti mo i no gat man i stap insaed long olgeta, mo i no gat man insaed long ol haos, mo graon i emti gud;
12 Mo Lod i atekemaot ol man oli go farawe, from bae ol man oli lego graon ia fogud we i nomo gat man long hem.
13 Be stil bae i gat wan aot long ten, mo bae oli gobak, mo bae oli lus sloslo; be olsem wan laemtri, mo olsem wan oktri, ol impoten pat oli stap insaed long olgeta taem we oli sakem ol lif blong olgeta; semmak nao, tabu sid ia bae hem i kam aimpoten pat blong olgeta.”