1 Mo long dei ia bae yu talem se: “O Lod, bae mi presem yu; i nomata we yu yu bin kros long mi, kros blong yu i gowe long mi, mo yu bin leftemap tingting blong mi.

2 Luk, God i sevem mi; bae mi gat ^atras, mo no fraet; from Lod ^bJehova i paoa blong mi mo singsing blong mi; hem tu i bin kam blong sevem mi.”

3 From hemia, wetem glad bae yufala i kasem ^awota aot long ol wel blong fasin blong sevem man.

4 Mo long dei ia bae yufala i talem se: “^aPresem Lod, prea long nem blong hem, talemaot ol wok blong hem long medel blong ol pipol, talem se nem blong hem i hae tumas.

5 ^aSingsing long Lod; from hem i bin mekem ol gudgudfala samting; oli save samting ia long ful wol.

6 ^aSingaot mo singaot laod, yufala we i stap long Saeon; from Tabu Wan blong Isrel i hae tumas long medel blong yufala.”