Mosaea

Buk blong Momon

Ol Samting we Oli Stap Insaed
Fas Toktok mo Ol Witnes
Fas Nifae
Seken Nifae
Jekob
Inos
Jerom
Omnae
Ol Toktok blong Momon
Mosaea
Alma
Hileman
Tri Nifae
Fo Nifae
Momon
Ita
Moronae

Mosaea

Japta 1
King Benjamin i tijim long ol boe blong hem lanwis mo ol profesi blong ol papa blong olgeta blong bifo—Bilif long God blong olgeta mo fasin blong stap laef, i bin stap gud i stap from ol histri we oli bin kipim long ol defren buk—Oli jusum Mosaea blong kam king mo oli talem long hem blong lukaotem gud ol histri mo sam narafala samting. Raonabaot 130–124 B.K.B.
Japta 2
King Benjamin i toktok long ol pipol blong hem—Hem i mekem olgeta oli tingbaot fasin blong mekem stret, mo blong jajem long stret fasin, mo fasin blong gat spirit long taem blong rul blong hem—Hem i givim advaes long olgeta blong wok blong King blong Heven, we i king blong olgeta—Olgeta we oli go agensem God bae oli safa long harem nogud we i olsem wan faea we i no save ded. Raonabaot 124 B.K.B.
Japta 3
King Benjamin i gohed long toktok blong hem—Lod we I Gat Ol Paoa bae i givhan long ol man long wan bodi blong mit mo bun—Blad bae i kamaot tru long evri smol hol blong skin blong Hem taem we Hem i stap pem praes from ol sin blong wol—Fasin blong sevem man i kam tru long nem blong Hem nomo—Evri man i save lego fasin blong wol mo kam ol Sent tru long Atonmen—Panis blong ol nogud man bae i olsem wan lek blong faea mo salfa. Raonabaot 124 B.K.B.
Japta 4
King Benjamin i gohed wetem toktok blong hem—Fasin blong sevem man i kam from Atonmen—Biliv long God blong Lod i sevem yu—Holemtaet wan fasin blong kam klin aot long ol sin blong yufala tru long fasin ia blong stap fetful—Serem wanem yufala i gat wetem ol puaman—Mekem evri samting wetem waes tingting mo oda. Raonabaot 124 B.K.B.
Japta 5
Ol Sent oli kam ol boe mo ol gel blong Kraes tru long fet—Afta oli singaotem olgeta long nem blong Kraes—King Benjamin i talem strong long olgeta blong stap strong mo no muvmuv, mo gohed long ol gudfala wok. Raonabaot 124 B.K.B.
Japta 6
King Benjamin i raetemdaon ol nem blong ol pipol mo i jusum ol pris blong tijim olgeta—Mosaea i rul olsem wan stret mo gud king. Raonabaot 124–121 B.K.B.
Japta 7
Amon i faenem graon blong Lihae-Nifae, we Limhae i king long hem—Ol pipol blong Limhae oli stap olsem ol slef blong Ol Man blong Leman—Limhae i talemaot histri blong laef blong olgeta—Wan profet (Abinadae) i bin talemaot se Kraes i God mo Papa blong evri samting—Olgeta we oli planem doti samting bae oli pikimap waelwin, mo olgeta we oli putum tras blong olgeta long Lod bae oli kam fri. Raonabaot 121 B.K.B.
Japta 8
Amon i tijim ol pipol blong Limhae—Hem i lanem long saed blong ol twantefo buk blong ol laen blong Jared—Ol sia oli save tanem lanwis blong ol histri blong ol man blong bifo—Fasin ia blong kam olsem wan sia i moa big bitim eni narafala presen. Raonabaot 121 B.K.B.
Japta 9
Senif i lidim wan grup long Sarahemla blong tekem graon blong Lihae-Nifae—King blong Ol Man blong Leman i letem olgeta blong tekem graon—I gat faet bitwin Ol Man blong Leman mo ol pipol blong Senif. Raonabaot 200–187 B.K.B.
Japta 10
King Leman i ded—Ol pipol blong hem oli wael mo prapa wael mo oli biliv long ol giaman kastom—Senif mo ol pipol blong hem oli win agensem olgeta. Raonabaot 187–160 B.K.B.
Japta 11
King Noa i rul wetem fasin nogud—Hem i laekem blong stap long wael laef wetem ol waef blong hem mo ol narafala woman blong hem—Abinadae i talemaot profesi se bae ol pipol oli kam slef—King Noa i lukaotem blong tekemaot laef blong Abinadae. Raonabaot 160–150 B.K.B.
Japta 12
Abinadae i go long kalabus from hem i profesae se bae oli prapa spolem gud ol pipol, mo i profesae long ded blong King Noa—Ol giaman pris oli talemaot ol skripja mo oli giaman blong obei long loa blong Moses—Abinadae i stat blong tijim Ol Ten Komanmen long olgeta. Raonabaot 148 B.K.B.
Japta 13
Paoa blong God i lukaotgud long Abinadae—Hem i tijim Ol Ten Komanmen—Fasin blong sevem man i no kam tru long loa blong Moses nomo—God Hemwan bae i mekem wan atonmen mo i pemaot ol pipol blong Hem. Raonabaot 148 B.K.B.
Japta 14
Aesea i tokbaot Mesaea—Hem i talemaot ol fasin blong mekem man i sem mo ol safa blong Mesaea—Hem i givim sol blong Hemwan olsem wan presen blong pemaot sin, mo Hem i givhan long olgeta we oli mekem sin—Komperem long Aesea 53. Raonabaot 148 B.K.B.
Japta 15
Olsem wanem Kraes i Papa mo Pikinini—Bae Hem i tekem ol samting long bihaf blong man mo karem ol fasin blong brekem loa blong ol pipol blong Hem—Olgeta, mo evri tabu profet oli ol pikinini blong Hem—Hem i mekem Laef Bakegen long Ded i hapen—Ol smol pikinini oli kasem laef we i no save finis. Raonabaot 148 B.K.B.
Japta 16
God i pemaot man long fasin blong lus mo foldaon blong olgeta—Olgeta we oli laekem ol fasin blong wol, oli stap olsem se i no gat wan fasin blong pemaot man—Kraes i mekem i hapen se man i laef bakegen long ded blong kasem laef we i no gat en blong hem, o blong kasem fasin blong no save kam antap samtaem we i no gat en blong hem. Raonabaot 148 B.K.B.
Japta 17
Alma i bilivim mo i raetem ol toktok blong Abinadae—Abinadae i kasem ded tru long faea—Hem i profesae se ol sik mo ded long faea bae i kam long olgeta we oli kilim hem i ded. Raonabaot 148 B.K.B.
Japta 18
Alma i prij long sikret—Hem i eksplenem kavenan blong baptaes, mo i mekem baptaes long ol wota blong Momon—Hem i statem Jos Ia blong Kraes mo odenem ol pris—Oli lukaotem olgeta bakegen mo tijim ol pipol—Alma mo ol pipol blong hem oli ronwe long King Noa i go long waelples. Raonabaot 147–145 B.K.B.
Japta 19
Gidion i traem blong kilimded King Noa—Ol Man blong Leman oli tekova long graon—King Noa i ded tru long faea—Limhae i rul andanit long wan narafala king. Raonabaot 145–121 B.K.B.
Japta 20
Ol pris blong Noa oli stilim sam gel blong Ol Man blong Leman—Ol Man blong Leman oli wantem blong faet wetem Limhae mo ol pipol blong hem—Oli pusumbak Ol Man blong Leman mo oli putum daon kros blong olgeta. Raonabaot 145–123 B.K.B.
Japta 21
Oli kilim ol pipol blong Limhae mo Ol Man blong Leman oli winim olgeta—Ol pipol blong Limhae oli mitim Amon mo oli jenisim laef blong olgeta—Oli talem long Amon long saed blong ol twantefo buk blong Ol Man blong Jared. Raonabaot 122–121 B.K.B.
Japta 22
Oli mekem ol plan blong ol pipol blong ronwe long fasin blong stap slef blong Ol Man blong Leman—Oli mekem Ol Man blong Leman oli drong—Ol pipol oli ronwe, oli gobak long Sarahemla, mo King Mosaea i rulum olgeta. Raonabaot 121–120 B.K.B.
Japta 23
Alma i no wantem blong kam king—Hem i kam hae pris—Lod i stretem ol pipol blong Hem, Ol Man blong Leman oli tekem graon blong Helam—Amulon, we i lida blong ol rabis pris blong King Noa, i rul andanit long king blong Ol Man blong Leman. Raonabaot 145–121 B.K.B.
Japta 24
Amulon i givim hadtaem long Alma mo ol pipol blong hem—Bae oli kilimded olgeta sapos oli prea—Lod i mekem ol hevi samting blong olgeta oli no hevi—Hem i tekemaot olgeta long fasin blong stap slef mo oli gobak long Sarahemla. Raonabaot 145–120 B.K.B.
Japta 25
Ol laen blong Myulek long Sarahemla oli kam Ol Man blong Nifae—Oli kam blong save long saed blong ol pipol blong Alma mo blong Senif—Alma i baptaesem Limhae mo evri pipol blong hem—Mosaea i givim raet long Alma blong stanemap Jos Ia blong God. Raonabaot 120 B.K.B.
Japta 26
Olgeta we oli no biliv, oli lidim plante memba blong Jos i go long sin—Lod i promesem Alma se bae hem i kasem laef we i no save finis—Olgeta we oli sakem sin mo oli baptaes bae oli kasem fogivnes—Ol memba blong Jos we oli mekem sin mo oli sakem sin mo talemaot sin blong olgeta long Alma mo long Lod, bae Lod i fogivim olgeta; sapos no, bae oli no kaontem olgeta long medel blong ol pipol blong Jos. Raonabaot 120–100 B.K.B.
Japta 27
Mosaea i stopem man blong givim hadtaem long narafala man, mo i givim oda blong mekem wanwan man i gat sem raet—Yangfala Alma mo ol fo boe blong Mosaea oli lukaotem blong prapa spolem gud Jos—Wan enjel i kamaot mo i givim oda long olgeta blong stopem ol nogud wok blong olgeta—Alma i no save toktok—Evri man i mas bon bakegen blong kasem fasin blong sevem man—Alma mo ol boe blong Mosaea oli talemaot ol gudfala nius. Raonabaot 100–92 B.K.B.
Japta 28
Ol boe blong Mosaea oli go blong prij long Ol Man blong Leman—Wetem tu ston blong sia Mosaea i transletem ol buk blong Ol Man blong Jared. Raonabaot 92 B.K.B.
Japta 29
Mosaea i kamaot wetem tingting ia se oli jusum ol jaj long ples blong wan king—Ol king we oli no stret mo oli no gud oli lidim ol pipol blong olgeta oli go long sin—Voes blong ol pipol i jusum Yangfala Alma blong kam jif blong ol jaj—Hem i hae pris tu ova long Jos—Olfala Alma mo Mosaea, tufala i ded. Raonabaot 92–91 B.K.B.