Ol Skripja
Seken Nifae 14


Japta 14

Saeon mo ol gel blong hem bae oli pemaot olgeta mo klin long dei blong Mileniom—Komperem long Aesea 4. Raonabaot 559–545 B.K.B.

1 Mo long dei ia, seven woman bae oli holemtaet wan man, mo talem se: “Bae mifala i kakae bred blong mifala nomo, mo werem ol klos blong mifala nomo; letem nomo se ol man oli singaotem mifala wetem nem blong yu blong tekemaot asem blong mifala.”

2 Long dei ia bae abranj blong Lod i stap naes mo gud tumas; frut blong wol i gud tumas mo naes long olgeta blong Isrel we oli bin ronwe.

3 Mo bae i kam blong hapen se, olgeta we oli stap long Saeon mo stap long Jerusalem bae oli singaotem olgeta tabu, evriwan we oli raetem nem blong olgeta wetem olgeta we oli stap laef long Jerusalem—

4 Hemia ataem we Lod bae i bwasemaot ol rabis doti blong ol gel blong Saeon, mo bae hem i klinim blad blong Jerusalem aot long medel blong hem wetem spirit blong jajmen mo wetem spirit blong dfaea.

5 Mo Lod bae i mekem long evri ples blong stap, blong hil blong Saeon, mo long ol grup blong pipol blong hem, wan aklaod mo smok long dei, mo saen blong laet blong faea long naet; from long evri glori blong Saeon bae i gat wan sefples.

6 Mo bae i gat wan tenet long deitaem blong blokem hot san, mo wan ples blong ahaed, mo wan ples blong haed long strongfala win mo tanda mo long ren.