1 Mo i bin hapen se afta we mi, Nifae, mi ridim ol samting ia we oli bin raetem long ol ^abuk we oli bin mekem wetem bras, ol brata blong mi oli kam long mi mo talem long mi se: “?Wanem mining blong ol samting we yu bin ridim? Luk, ?mifala i sapos blong andastanem olgeta olsem ol samting we oli blong spirit, we bae i kam blong hapen folem spirit mo i no bodi blong mit mo bun?”

2 Mo mi, Nifae, mi talem long olgeta: “Luk oli bin ^asoemaot ol samting ia long profet tru long voes blong ^bSpirit; from tru long Spirit evri samting i kam long save blong ol ^dprofet, we bae i kam long ol pikinini blong ol man folem bodi blong mit mo bun.

3 Taswe, ol samting we mi bin ridim, oli ol samting we i dil wetem ol samting blong ^alaef ia tugeta wetem ol samting blong spirit; from i luk olsem se laen blong Isrel, long naoia o taem we i stap kam, bae oli ^bseraot olbaot long ful fes blong wol, mo tu, long evri kantri.

4 Mo luk, i gat plante we oli lus finis long save blong olgeta we i stap long Jerusalem. Yes, bigfala pat blong evri ^alaen oli bin ^blidimaot olgeta, mo oli bin seraot olbaot i go ia mo i kam ia long ol ^daelan blong solwota; mo i no gat wan long yumi we i save oli stap wea, be yumi save nomo se oli bin lidimaot olgeta.

5 Mo stat long taem we oli bin lidimaot olgeta, oli bin talemaot profesi ia long saed blong olgeta, mo tu, long saed blong olgeta we afta long taem ia bae Lod i seraotem olgeta olbaot mo mekem olgeta oli miks, from Tabu Wan blong Isrel; from bae oli mekem hat blong olgeta i kam strong agensem hem; taswe, bae oli seraot olbaot long evri kantri mo bae evri man i ^ano laekem nating olgeta.

6 Be, afta we Ol ^aJentael oli ^bfidim olgeta, mo Lod i leftemap han blong hem long Ol Jentael mo i stanemap olgeta olsem wan flag, mo ol ^dpikinini blong olgeta oli bin karem olgeta long ol han blong olgeta, mo ol gel blong olgeta oli bin karem olgeta long ol solda blong olgeta, luk ol samting ia we hem i stap tokabaot oli blong laef ia nomo; from olsem ia nao ol kavenan blong Lod i stap wetem ol papa blong yumi; mo hem i minim yumi long ol dei we oli stap kam, mo tu, long evri brata blong yumi we oli blong laen blong Isrel.

7 Mo hem i minim se taem i stap kam se, afta evri laen blong Isrel oli bin seraot olbaot mo miks, bae Lod God i resemap wan strong kantri long medel blong Ol ^aJentael, yes, hem i long fes blong graon ia; mo tru long olgeta bae ol pikinini blong yumi oli ^bseraot olbaot.

8 Mo afta we ol pikinini blong yumi oli bin seraot olbaot, bae Lod God i gohed blong mekem wan ^agudfala wok long medel blong Ol ^bJentael, we bae oli gat bigfala ^dyus long ol pikinini blong yumi; taswe, hem i olsem se Ol Jentael i givim gudfala kaekae long olgeta mo karem olgeta long han blong olgeta mo long solda blong olgeta.

9 Mo bae hem i gat ^ayus long Ol Jentael; mo i no long Ol Jentael nomo, be ^blong evri ^dlaen blong Isrel, go kasem we oli talem ol ^ekavenan blong Papa blong heven long Ebraham, mo talem se: ‘Tru long ^flaen blong yu bae evri famli blong wol i kasem ^gblesing.’

10 Mo mi wantem, ol brata blong mi, se yufala i mas save se evri famli blong wol oli no save kasem blesing sapos hem i no ^asoemaot han blong hem long ol ae blong ol kantri.

11 Taswe, Lod God bae i gohed blong soemaot han blong hem long ae blong ol kantri, blong karem i kam ol kavenan blong hem mo gospel blong hem long olgeta we oli blong laen blong Isrel.

12 Taswe, bae hem i karem olgeta bakegen aot long kalabus, mo bae olgeta oli ^akam tugeta long evri graon blong olgeta we i kam long ol papa; mo bae oli karem olgeta aot long ples blong haed mo aot long ^btudak; mo bae oli save se ^dLod i ^eSevya blong olgeta, mo Ridima blong olgeta, ^fStrong Wan blong Isrel.

13 Mo blad blong bigfala mo ^arabis jos ia, we i woman blong rod blong ful wol, bae i tantanem hem long hed blong olgetawan bakegen; from bae oli ^bfaet agensem olgeta bakegen, mo naef blong faet blong han ^dblong olgeta nomo bae oli foldaon long ol hed blong olgeta bakegen, mo bae oli drong wetem blad blong olgeta bakegen.

14 Mo evri ^akantri we bae i faet agensem yu, O laen blong Isrel, bae oli tanraon mo faet wan agensem narafalawan, mo bae oli ^bfoldaon long hol we oli bin digim blong kasem ol pipol blong Lod. Mo evriwan we i ^dfaet agensem Saeon bae i ded evriwan, mo bigfala woman blong rod ia, we i bin jenisim ol stret wei blong Lod, yes, bigfala mo rabis jos ia, bae i foldaon i go daon long ^edas mo foldaon blong hem bae i bigwan.

15 From luk, profet i talem, taem i kam kwik we Setan bae i nomo gat paoa ova long hat blong ol pikinini blong ol man; from dei i stap kam kolosap we olgeta we i gat hae tingting mo olgeta we oli mekem sin, bae oli olsem ^adoti blong wit; mo dei ia i stap kam we olgeta oli mas ^bbon long faea.

16 From taem i kam kolosap we ful ^abigfala nogud kros blong God bae i kapsaet long ol pikinini blong ol man; from bae hem i no letem se ol man nogud bae i kilimded olgeta we oli stret.

17 Taswe, bae hem i ^asevem olgeta we oli ^bstret mo gud wetem paoa blong hem, i nomata sapos ful bigfala nogud kros blong hem i mas kam, mo olgeta we oli stret mo gud, hem i sevem olgeta, kasem taem ia we hem i prapa spolem gud ol enemi blong olgeta tru long faea. Taswe, olgeta we oli stret mo gud oli no nid blong fraet; from olsem ia nao, profet i bin talem, bae hem i sevem olgeta, i nomata sapos hem i tru long faea.

18 Luk, ol brata blong mi, mi talem long yufala, se ol samting ia oli mas hapen i no longtaem; yes, blad, mo faea, mo stim blong smok i mas kam; mo bae i mas nid blong i hapen olsem long fes blong wol ia; mo i hapen long ol man folem bodi blong mit mo bun sapos oli mekem hat blong olgeta i kam strong agensem Tabu Wan blong Isrel.

19 From luk, olgeta we oli stret mo gud, bae oli no ded; from i tru we taem i mas kam we olgeta evriwan we oli faet agensem Saeon bae oli mas katemaot olgeta.

20 Mo i tru we Lod bae i mekem rere rod blong ol pipol blong hem, hem i blong mekem ol toktok blong Moses i hapen, we hem i bin talem, se: ‘Wan ^aprofet bae Lod, God blong yufala i resemap long yufala, olsem mi; long hem bae yufala i harem evri samting we bae hem i talem long yufala. Mo bae i kam blong hapen se olgeta evriwan we i no wantem harem profet ia, bae God i ^bkatemaot olgeta long medel blong ol pipol.’

21 Mo nao mi, Nifae, mi talemaot long yufala, se ^aprofet ia we Moses i bin tokbaot i Tabu Wan blong Isrel; taswe, bae hem i mekem ^bjajmen long stret mo gud fasin.

22 Mo olgeta we oli stret mo gud oli no nid blong fraet, from oli olgeta ia we bae oli no save lus. Be hem i kingdom blong devel, we bae oli bildim long medel blong ol pikinini blong ol man, we kingdom ia i stanap long medel blong olgeta we oli stap long bodi blong mit mo bun—

23 From taem ia bae i kam kwiktaem, we evri ^ajos we oli bildimap blong kasem mane, mo olgeta we oli bildimap blong gat paoa ova long bodi blong mit mo bun, mo olgeta we oli bildimap blong plante man i ^blaekem olgeta long ae blong wol, mo olgeta we i lukaotem ol samting blong bodi blong mit mo bun mo ol samting blong wol, mo blong mekem evri kaen rabis fasin, yes, blong endem, olgeta we oli blong kingdom blong devel oli olgeta we i nid blong fraet, mo seksek, mo ^dseksek from fraet; oli olgeta we oli mas go daon long das; Lod bae i ^ebonem olgeta evriwan olsem doti blong wit; mo samting ia i folem ol toktok blong profet.

24 Mo taem ia bae i kam kwiktaem we olgeta we oli stret mo gud bae oli lidim olgeta olsem ol ^ayang buluk we oli stap long yad, mo Tabu Wan blong Isrel bae i mas rul wetem kontrol, mo bigfala paoa, mo paoa, mo bigfala glori.

25 Mo hem i karem ol pikinini blong hem long ol fo pat blong wol oli ^akam tugeta; mo hem i kaontem ol sipsip blong hem, mo oli save hem; mo bae i gat wan grup blong sipsip mo wan ^bman blong lukaot long sipsip; mo hem bae i fidim ol sipsip blong hem, mo long hem bae oli faenem ^dples we i gat fulap gras blong kakae.

26 Mo from ol stret mo gud fasin blong ol pipol blong hem, ^aSetan i no gat paoa; taswe, hem i no save kamaot blong spes blong ^bplante yia; from hem i no gat paoa ova hat blong ol pipol, from oli stap long stret mo gud fasin, mo Tabu Wan blong Isrel i ^dstap rul.

27 Mo nao luk, mi, Nifae, mi talem long yufala se evri samting ia i mas kam folem bodi blong mit mo bun.

28 Be, luk, evri kantri, famli, lanwis, mo pipol bae i stap sef tru long Tabu Wan blong Isrel sapos i olsem se bae oli ^asakem sin.

29 Mo nao mi, Nifae, mi stop long ples ia; from mi fraet blong toktok moa long taem ia long saed blong ol samting ia.

30 Taswe, ol brata blong mi, mi wantem se yufala i tingbaot we ol samting we oli bin raetem long ol ^abuk we oli bin mekem wetem bras, oli tru; mo oli testifae se wan man i mas obei long ol komanmen blong God.

31 Taswe, yufala i no nid blong tingting se, mi mo papa blong mi nomo i bin testifae, mo tu, i bin tijim olgeta. From samting ia, sapos yufala i obei long ol ^akomanmen, mo stap strong kasem en, bae hem i sevem yufala long las dei. Mo i olsem ia nao. Amen.”