1 Mo nao mi, Nifae, mi gohed blong raetemdaon long ol ^abuk ia, wan histri blong ol samting we mi bin mekem, mo rul blong mi mo seves blong mi; taswe, blong gohed wetem histri blong mi, mi mas tokbaot smol long saed blong ol samting blong papa blong mi, mo tu, long saed blong ol brata blong mi.

2 From luk, i bin hapen se afta we papa blong mi i stop blong talemaot ol toktok blong ^adrim blong hem, mo tu, i bin stop blong askem strong long olgeta blong wokhad wetem strong tingting oltaem, hem i toktok long olgeta long saed blong Ol Jiu—

3 Se afta we oli mas smas gud, we i bigfala bigtaon ia ^aJerusalem, mo plante bae oli mas ^btekem olgeta i go prisena long ^dBabilon, folem taem we Lod i jusum, bae oli mas ^ekambak bakegen, yes, bae oli karem olgeta aot long fasin blong stap slef tu; mo afta we oli kamaot long fasin blong stap slef, bae oli mas karembak bakegen graon blong olgeta we oli kasem long ol papa blong olgeta.

4 Yes, ^asikis handred yia stat long taem we papa blong mi i bin aot long Jerusalem, bae Lod God i resemap wan ^bprofet long medel blong Ol Jiu—we i wan ^dMesaea, o, long ol narafala toktok, wan Sevya blong wol.

5 Mo tu, hem i bin tokbaot ol profet, se i gat wan bigfala namba we i bin ^atestifae long ol samting ia, long saed blong Mesaea ia, we hem i bin tokbaot, o Ridima ia blong wol.

6 From hemia, evri man i bin stap long wan ples blong lus mo ^afoldaon, mo bae oli stap long ples ia oltaem, be nomo, sapos oli dipen long Ridima ia.

7 Mo hem i bin tokbaot tu long saed blong wan ^aprofet we bae i kam fastaem long Mesaea, blong mekem rere rod blong Lod—

8 Yes, hem i mas go aot mo stap long waelples mo singaot: “Yufala i ^amekem rere rod blong Lod, mo mekem rod blong hem i stret; from i gat wan we i stap stanap long medel blong yufala we yufala i no save; mo hem i moa hae long mi, we strap blong sandel blong hem, mi, mi no stret inaf blong tekemaot.” Mo plante samting papa blong mi i bin talem long saed blong samting ia.

9 Mo papa blong mi i bin talem se hem i mas baptaesem man long ^aBetabara, i go bitim Jodan; mo tu, hem i bin talem se hem i mas ^bbaptaesem man wetem wota; hem i mas baptaesem Mesaea tu wetem wota.

10 Mo afta we hem i bin baptaesem Mesaea wetem wota, bae hem i luk mo talemaot se hem i bin baptaesem ^aSmol Sipsip blong God, we bae i tekemaot ol sin blong wol.

11 Mo i bin hapen se afta we papa blong mi i bin talemaot ol toktok ia, hem i bin toktok long ol brata blong mi long saed blong gospel we bae oli prijim long medel blong Ol Jiu, mo tu, long saed blong ^aslak fasin blong Ol Jiu long taem we oli ^bno bilif. Mo afta we oli bin ^dkilimded Mesaea, we bae i kam, mo afta we hem i ded, bae hem i ^egirap long ded mo bae hem i soemaot hemwan, tru long ^fTabu Spirit, long Ol Jentael.

12 Yes, papa blong mi i bin talem plante samting long saed blong Ol Jentael tu, mo tu, long saed blong laen blong Isrel, se bae oli skelem olgeta long wan ^aolif tri, we ol branj blong hem bae oli mas kamaot mo oli mas ^bseraot long ful fes blong wol.

13 From samting ia, hem i bin talem se i mas nid olsem se Lod bae i lidim yumi evriwan tugeta i go insaed long ^agraon blong promes, blong mekem se toktok blong Lod i hapen, se bae yumi mas seraot olbaot long ful fes blong wol.

14 Mo afta we ol laen blong Isrel bae oli seraot, bae oli mas ^akam tugeta bakegen; o, blong endem, afta we Ol ^bJentael oli bin kasem Gospel we i fulwan, ol stret branj blong ^dolif tri, o ol smol haf nomo we i stap yet blong laen blong Isrel, Lod bae i joenem olgeta, o oli kam blong save long saed blong tru Mesaea, Lod blong olgeta mo Ridima blong olgeta.

15 Mo long kaen toktok ia papa blong mi i bin profesae mo i bin toktok long ol brata blong mi, mo tu, plante moa samting we mi no raetem long buk ia; from mi bin raetem evriwan long olgeta we mi ting se oli impoten long ^anarafala buk blong mi.

16 Mo evri samting ia, we mi bin tokbaot, i bin hapen long taem we papa blong mi i bin stap long wan tenet, long vale blong Lemyul.

17 Mo i bin hapen se afta mi, Nifae, from mi bin harem ol ^atoktok blong papa blong mi, long saed blong ol samting we hem i bin luk long wan ^bvisen, mo tu, ol samting we hem i bin talemaot tru long paoa blong Tabu Spirit, we paoa ia hem i bin kasem tru long fet long Pikinini blong God—mo Pikinini blong God i ^dMesaea ia we bae i mas kam—mi, Nifae, mi bin wantem tu se bae mi save luk, mo harem, mo save long ol samting ia, tru long paoa blong ^eTabu Spirit, we i presen blong God long olgeta we oli ^fwok strong wetem strong tingting oltaem blong lukaotem hem, olsem long ol taem ^gbifo, mo long taem we hem i mas soemaot hemwan long ol pikinini blong ol man.

18 From hem i ^asemmak yestedei, tedei, mo blong oltaem; mo rod i rere finis blong evri man stat long taem we wol i bin stat, sapos i olsem se oli sakem sin mo kam long hem.

19 From hem we i wok strong wetem strong tingting oltaem blong stap luklukgud, bae i faenem; mo bae oli kam blong save ol ^asikret blong God, tru long paoa blong ^bTabu Spirit, long ol taem ia naoia olsem long ol taem blong bifo, mo long ol taem blong bifo olsem long ol taem we bae oli kam yet; taswe, ^drod blong Lod i wan raon we i no save finis.

20 From hemia, tingbaot, O man, from evri samting we yu stap mekem bae Lod i tekem yu i go long ^ajajmen from.

21 Taswe, sapos yufala i bin lukaotem blong mekem ol rabis fasin long ol dei blong ^ates blong yufala, ale, bae oli faenem se yufala i ^bno klin long fored blong jea blong jajmen blong God; mo bae i no gat wan samting we i no klin we i save stap wetem God; taswe, bae God i mas sakem yufala i go aot blong oltaem.

22 Mo Tabu Spirit i givim raet se bae mi talem ol samting ia, mo no tanem baksaed blong mi long olgeta.