1 Mo nao mi, Nifae, mi no raetem famli laen blong ol papa blong mi long pat blong histri ^aia blong mi; mo tu, bae mi no raetem long eni taem long ol ^bbuk ia we mi stap raetem; taswe, i stap long histri we ^dpapa blong mi i bin kipim; from samting ia mi no raetem samting ia long wok ia.

2 From hem i naf blong mi talem we mifala i kamaot long laen blong ^aJosef.

3 Mo mi no wari tumas sapos mi no raetem evri histri blong papa blong mi, from mi no save raetem olgeta long ol ^abuk ia, from mi wantem gat ol spes blong mi save raetem ol samting blong God.

4 From ful plan blong mi, hem i blong bae mi ^awinim tingting blong ol man blong ^bkam long God blong Ebraham, mo God blong Aesak, mo God blong Jekob, mo blong hem i save sevem olgeta.

5 Taswe, ol samting we oli ^agud long ae blong wol mi no raetem, be mi raetem ol samting we oli gud long ae blong God mo long olgeta we oli no blong wol.

6 Taswe, bae mi givim komanmen long ol pikinini blong mi, blong oli no mas fulumap buk ia wetem ol samting we i no gat yus long ol pikinini blong ol man.