Japta 25
Long Seken Kaming, olgeta we oli gat hae tingting mo olgeta we oli nogud bae oli bon olsem doti blong wit—Elaeja bae i kambak bifo bigfala mo nogud dei ia—Komperem long Malakae 4. Raonabaot 34 A.K.B.
1 From luk, dei ia i stap kam we bae i abon olsem wan oven; mo evri man we i gat bhae tingting, yes, mo evriwan we i mekem fasin nogud, bae i olsem doti blong wit; mo dei we i stap kam bae i bonem olgeta evriwan, Lod blong Ol Pipol i talem, we bae i no livim wan rus o branj long olgeta.
2 Be long yufala we i respektem nem blong mi, bae aPikinini blong Stret mo Gud Fasin i girap wetem paoa blong hilim man long ol wing blong hem; mo bae yufala i go mo bgroap i kam antap olsem ol dsmol buluk long haos blong ol animol.
3 Mo bae yufala i apurumbut antap long olgeta we oli nogud; from olgeta bae oli kam asis andanit long ol leg blong yufala long dei we bae mi mekem samting ia, Lod blong Ol Pipol i talem.
4 Yufala i tingbaot loa blong Moses, wokman blong mi, we mi bin givim long hem olsem komanmen long aHoreb blong ful Isrel, wetem ol loa mo ol jajmen.
5 Luk, bae mi sendem yufala aElaeja we i profet, bifo long bigfala mo nogud bdei blong Lod;
6 Mo bae hem i atanem hat blong ol papa i go long ol pikinini, mo hat blong ol pikinini i go long ol papa blong olgeta, from nogud bae mi kam mo kilim wol wetem wan strong nogud tok.”