1 Ma ugbua, lee, ụmụnne m nwoke, agwawo m unu okwu dịka Mụọ ahụ siri kwalite m; ya mere, a ma m na ha ga-emezurịrị.

2 Ma ihe ndị a ga-ede site n’ime ^aakwụkwọ ahụ ga-abụ ihe ^boke-ọnụ-ahịa nye ụmụ nke mmadụ, ma nke ka nke nye mkpụrụ-afọ nke anyị, nke bụ ndị fọdụrụ nke ụlọ nke Israel.

3 N’ihi na ọ ga-eru n’ụbọchị ahụ na ^anzukọ nile ewulitere, ma ha abụghị nke Onye-nwe, mgbe otu ga-asị ibe ya: Lee, mụ, a bụ m nke Onye-nwe; ma ndị ọzọ ga-asi: mụ, a bụ m nke Onye-nwe; ma otu a ka onye ọbụla ga-ekwu nke wuliteworo nzukọ, ma ọbụghị nke Onye-nwe—

4 Ma ha ga-adọ ndọrọ-ndọrọ otu na ibe ya; ma ndị nchụ-aja ha nile ga-adọ ndọrọ-ndọrọ otu na ibe ya, ma ha ga-akụzi site na ^ammụta nke ha, ma gọnarị Mụọ Nsọ, nke na-enye ọnụ okwu.

5 Ma ha ^aga-agọnarị ^bike nke Chineke, Onye-Nsọ nke Israel; ma ha ga-agwa ndị mmadụ: N̄aa anyị ntị, ma nụrụ ozizi anyị; n’ihi na lee ^cọdịghị Chineke nọ taa, n’ihi na Onye-nwe na Onye-mgbapụta arụwo ọrụ ya, ma o werewo ike ya nye mmadụ;

6 Lee, n̄aanụ ntị n’ozizi m; ọbụrụ na ha ga-asị na o nwere ọrụ ebube arụrụ site n’aka nke Onye-nwe, ekwekwala ya; n’ihi na ụbọchị taa ọ bụghị Chineke nke ^aọrụ ebube ndị a; ọ rụsịwo ọrụ ya.

7 E, ma a ga-enwe ọtụtụ ndị ga-asị: ^aRie, n̄ụọ, ma nwee obi ụtọ, n’ihi na echi anyị anwụọ; ma ọ ga-adịrị anyị mma.

8 Ma a ga-enwe kwa ọtụtụ ndị ga-asị: Rie, n̄ụọ, ma nwe obi ụtọ; otu o sila dị, tụọ egwu Chineke—ọ ^aga-enye ohere imetụ mmehie ntakiri; e, kwuo ntakịrị ^bokwu ụgha, meere onwe gị uru n’ihi okwu sitere n’ọnụ otu onye pụta; gwuoro onye-agbata-obi-gị ^colulu; ọdịghị ihe ọjọọ dị n’ime nke a; ma mee ihe ndị a nile, n’ihi na echi ya anyị ga-anwụ; ma ọbụna dị na ikpe mara anyị, Chineke ga apịa anyị ọnụ ụtarị ole na ole, ma emesịa a ga-azọpụta anyị n’ala-eze Chineke.

9 E, ma a ga-enwe ọtụtụ ndị ga-akụzi n’ụdị dị otu a, ^aozizi ụgha na abaghị-uru na ozizi ^biberibe nile, ma ha ga-afuli-elu n’ime obi ha nile, ma ha ga-achọ ebe dị omimi ha ga-ezonarị Onye-nwe ndụmọdụ ha nile; ma ọrụ ha nile ga-abụ n’ọchịchịrị.

10 Ma ^aọbara nke ndị nsọ nile ga-ebe akwa site n’ime ala megide ha.

11 E, ha nile esịwo ^an’ụzọ pụọ; ha abụwo ndị ^bruru inyi.

12 N’ihi ^ampako, na n’ihi ndị nkuzi ụgha nile, na ozizi okwukwe ụgha, nzukọ ha nile abụrụwo ihe ruru inyi, ma nzukọ ha nile abụrụwo ihe eweliri-elu; n’ihi mpako ha afụliwo onwe ha elu.

13 Ha ^ana-apụnara ^bndị ogbenye ihe ha nwere n’ihi ọmarịcha ebe nsọ ha nile; ha na-apụnara ndị ogbenye ihe ha nwere n’ihi ọmarịcha uwe ha na-eyi; ma ha na-esogbu ndị dị nwayo na ndị dị ogbenye n’obi, n’ihi n’ime ^cmpako ha, ha na afụli elu.

14 Ha na-eyiri ^aịkpọ-ekwe-nkụ na ibuli-isi-elu; e, ma n’ihi mpako, na ajọọ-omume, na ihe arụ nile, na akwụnakwụna nile, ha nile ^bejehiewo ma ọbụghị ole na ole, bụ ndị obi umeala na-eso ụzọ Kraịst; otu o sila dị, a na-edu ha edu, nke mere na ọtụtụ mgbe ha na-emehie n’ihi na a na-akụziri ha site n’ozizi nile nke mmadụ.

15 O ndị ^aamamihe, na ndị nwere mmụta, na ndị bara ụba, ndị nke na-afuli onwe ha elu n’ime ^bmpako nke obi ha nile, na ndị nile na-ekwusa ozizi ụgha nile, na ndị nile na-agba akwụnakwụna, ma na-ejehie ezigbo ụzọ nke Onye-nwe, ^cahụhụ, ahụhụ, ahụhụ dịrị ha, ka Onye-nwe Chineke Pụrụ Ime Ihe nile kwuru, n’ihi na a ga-enuda ha n’ala mụọ!

16 Ahụhụ na-adịrị ha bụ ndị ^ana-edebe n’akụkụ onye-ezi-omume n’ihi ihe efu ma na-akọcha nkọcha megide ihe di mma, ma sị na ọ baghị uru! N’ihi na ụbọchị ga-abia na Onye-nwe Chineke ga-abịa ngwa-ngwa ileta ndị nile bi n’ụwa; ma n’ụbọchị ahụ mgbe ha ^bga-achazuwo n’ajọọ-omume ha ga-ala-n’iyi.

17 Mana lee, ọbụrụ na ndị bi n’ụwa ga-echegharị site n’ajọọ-omume ha na ihe arụ nile, agaghị ebibi ha, ka Onye-nwe nke usuu nile nke ndị-agha kwuru.

18 Mana lee, nnukwu nzukọ nke ihe arụ ahụ, nke bụ ^aakwụnakwụna nke ụwa nile, ^bga-atụgharị daa n’ala, ma nnukwu ka ọdịda ya ahụ ga-adị.

19 N’ihi na ala-eze nke ekwensu ^aga-amarịrị jijiji, ma ndị bụ nke so na ya ọ ga-adịrịrị mkpa na a ga akpalite ha elu ruo na nchegharị, ma-ọbụ ^bekwensu ahụ ekedo ha ^cn’ụdọ igwe agịrịga mgbe nile na-adigide ya, ma ha abụrụ ndị akpasuru iwe, ma laa n’iyi;

20 N’ihi na lee, n’ụbọchị ahụ ka ọ ga akpalite ^aiwe ọkụ n’ime obi nile nke ụmụ nke mmadụ, ma palite ha n’iwe iwe ọkụ megide ihe ahụ nke dị mma.

21 Ma ndị ọzọ ka ọ ga-eme ka ha ^adajụọ, ma gụgụpụ ha mee ka ha nwe nchedo nke anụ arụ, na ha ga-asị: Ihe nile adịwo mma n’ime Zaịọn; e, Zaịọn na-eme nke ọma, ihe nile adịwo mma—ma otu a ka ^bekwensu si na-aghọgbu mkpụrụ-obi ha nile, ma jiri nwayọ na-eduga ha ịba n’ala mụọ.

22 Ma lee, ndị ọzọ ka ọ ga-ajafu, ma na-agwa ha na onweghị ^aala mụọ dị; ma ọ na-asị ha: a bụghị m ekwensu, n’ihi na ọ dịghị nke dị—ma otu a ka ọ na-agbanyere ha izuzu na nti ha nile, wee ruo mgbe ọ ga-ekedo ha ^bn’udọ igwe ya ahụ dị egwụ, site n’ebe nke ha na-enweghị nnapụta ọbụla.

23 E, a na-ekedo ha n’ọnwụ, n’ala mụọ; na ọnwụ, na n’ala mụọ, ma ekwensu ahụ na ndị nile o jideworo n’ime ya ga egụzọrịrị n’iru nke oche-eze Chineke, ma a ^aga-ekpe ha ikpe dịka ọrụ ha nile siri dị, n’ebe a ka ha ga-esi baa n’ime ebe ahụ a kwadobeere ha, ọbụna ^bọdọ ọkụ na nkume ọkụ, nke bụ ịta ahụhụ agwụgh-agwụ.

24 Ya mere, ahụhụ na-adịrị onye ahụ nke na-enwe obi ruru ala na Zaịọn!

25 Ahụhụ dịrị onye na-eti mkpu na-asị: Ihe nile adịwo mma!

26 E, ahụhụ dịrị ya bụ onye ahụ ^ana-an̄a-ntị n’ozizi nile nke ndị mmadụ, ma gọnarị ike nke Chineke, na onyinye nke Mụọ Nsọ!

27 E, ahụhụ dịrị ya bụ onye na-asị: Anyị anatawo, ma anyị ^aachọkwaghị ọzọ!

28 Ma na mkpirisi, ahụhụ na-adịrị ndị nile n’ama jijiji, ma ^aiwe na-ewe ha n’ihi ezi-okwu nke Chineke! N’ihi na lee, onye ọbụla nke ewuliteworo n’elu ^bnkume ahụ na-anata ya n’obi ụtọ; ma onye ọbụla nke ewuliteworo n’elu ntọ-ala aja na-ama jijiji ka ọ ghara ịda.

29 Ahụhụ dịrị ya bụ onye ga-asị: Anyị anatawo okwu Chineke, ma ^aanyị ^bachọkwaghị okwu Chineke ọzọ, n’ihi na anyị enwezuwo!

30 N’ihi na lee, otu a ka Onye-nwe Chineke kwuru: A ga m enye ụmụ nke mmadụ ahịrị n’elu ahịrị, ^aozizi n’elu ozizi, ntakịrị n’ebe a na ntakịrị ebe ahụ; ma ngọzi na-adịrị ndị na-an̄a ntị n’ozizi m nile, ma na-ege ntị na ndụmọdụ m, n’ihi na ha ga amụta ^bamamihe; n’ihi onye ahụ ^cna-anabata ka m ga-enye ^dkarịa; ma site n’aka ndị na-asị, Anyị enwetazuwo, site n’aka ha ka a ga-ewepụ ọbụnadị nke ha nwere enwe.

31 Onye abụrụ ọnụ ka ọ bụ bụ onye na-etinye ^antụkwasị obi ya n’ebe mmadụ nọ, ma-ọbụ na-eme anụ arụ ngwa-ọgụ ya, ma-ọbụ na-an̄a ntị n’ozizi nke ndị mmadụ, ma ọbụghị ma ozizi ha nile ga-abụ nke e nyere site n’ike nke Mụọ Nsọ.

32 ^aAhụhụ ga-adịrị ndị Jentaịlụ, ka Onye-nwe Chineke nke usuu nile nke ndị-agha kwuru! N’ihi na, na-agbanyeghị a ga m esetịpụ ogologo aka m n’ebe ha nọ site n’ụbọchị ruo n’ụbọchị, ha ga-agọnarị m; otu o sila dị, a ga m enwe obi ebere n’ebe ha nọ, ka Onye-nwe Chineke kwuru, ọ bụrụ na ha ga-echegharị ma bịakwute m; n’ihi na ^baka m esetịpụtawo ogologo ụbọchị nile, ka Onye-nwe Chineke nke usuu nile nke ndị-agha kwuru.