1 Uye zvino ndichaimbira mudiwa wangu ^arwumbo rwemudiwa wangu, rwezvemunda wake wemizambiringa. Mudiwa wangu ane munda wemizambiringa muchikomo chine kudya kwakawanda.

2 Uye akarikomberedza, akaunganidza matombo aivemo, akasima ^amizambiringa inonakisisa, uye ndokuvaka shongwe pakati paro, uye ndokuitawo pokusvinira waini makaremo, uye akatarisira kuwana mazambiringa, uye ikabereka mizambiringa emusango.

3 Uye zvino, imi vagari veJerusarema, nemi varume veJuda, sarudzai, ndinokukumbirai, pakati pangu nemunda wangu wemizambiringa.

4 Chii chingadai chakaitwa kumunda wangu wemizambiringa chandisina kuita mauri? Nokudaro, pandakautarisira kuita mazambiringa wakabereka mazambiringa yemusango.

5 Uye zvino endai; ndichakuudzai zvandichaita nebindu rangu remizambiringa—^andichabvisa ruzhowa, uye robva radyiwa; uye ndichapaza tsvingo, uye robva ratsikwa-tsikwa;

6 Uye ndichariita kuti rirarire; miti yaro haichekererwe kana kusakurirwa; asi muchamera ^arukato neminzwa; ndichaudzawo makore kuti ^basanaise mvura pariri.

7 Nokuti ^amunda wemizambiringa waIshe weHondo imba yaIsraeri, uye varume vaJuda ndivo zvidyarwa zvake zvinofadza; uye akatsvaga ^bkutongwa, uye tarisai, kudzvinyirirwa; kururama, asi tarisai, kuchema.

8 Nhamo kune avo vanorumanidza ^adzimba kune dzimwe dzimba, kudakara pasisina mukana, wekuti dzimiswe padzo ^bdzega pakati penyika!

9 Munzeve dzangu, Ishe weHondo vakati, zvechokwadi dzimba zhinji dzichave matongo, uye maguta makuru anoyevedza achasara asina vanhu.

10 Hongu, gumi remaeka emunda wemizambiringa uchaburitsa ^abati rimwe chete, uye homeri imwechete (kana kuti masaga matatu) embeu achaburitsa efa imwechete.

11 Nhamo kune avo vanomuka rungwanani, kuti ^avatevedze doro, vagorinwa kudakara usiku, uye ^bvagodhakwa naro!

12 Uye rudimbwa, nezvipendani, nezvikwepa, uye waini ndizvo zviri mumabiko avo; asi havana ^ahany’a nebasa raIshe, kana kufunga nezvakaitwa nemaoko avo.

13 Naizvozvo, vanhu vekwangu vakaenda muutapwa, nokuti havana ^aruzivo; uye varume vavo vanokudzwa vanoziya, uye vazhinji vavo vaoma huro nenyota.

14 Naizvozvo, gehena razvikudzisa, uye rikazarura musiwo waro kuti haradada; uye mbiri yavo, nekuwanda kwavo, nekushamisira kwavo, neuyo anofara, vachadzika mariri.

15 Uye asina maturo achadzikisirwa, uye gamba richaturunurwa, uye ane maziso ari padenga achaturunurwa.

16 Asi Ishe veHondo vachakudzwa ^apakutonga, uye Mwari avo vatsvene vachaitwa kuti vave vatsvene mukururama.

17 Zvino hwayana dzichafura setsika yadzo, uye matongo evakakora achafurwa nevatorwa.

18 Nhamo kune vanokakata kuipa netambo ^adzekuzvida, uye vagoita zvitema ^bsekunge vakabata tambo yengoro.

19 Vanoti: Muregei ^aakurumidze, basa rake richimbidzike, kuti ^btirione; uye regai kuraira kwoMutsvene waIsraeri kusebere pedyo uye kuuye, kuti tigozviziva.

20 Nhamo kune avo ^avanoti zvakaipa zvakanaka, uye vachitiwo zvakanaka zvakaipa, asi vachiisa ^brima muchiedza, uye vachiisa chiedza murima, vanoisa kuvava panotapira, nokuisa kutapira panovava!

21 Nhamo kune avo vanozviona ^asevakachenjera neavo vanozviona sevakangwara mumaziso avo!

22 Nhamo kumagamba ekunwa doro, nevarume vane simba mukusanganisa doro rinodhaka;

23 Vanoreverera wakaipa nemubairo, uye ^avachitorera wakarurama kururama kwake!

24 Naizvozvo, sekupiswa kunoitwa ^amashanga ^bnemoto, uye rimi rinopisa ^cmarara, midzi yavo ichave yakaora, neruva ravo richapupurutswa seguruva; nokuti vakarasa murau waIshe veHondo, uye ^dvakashora shoko reMutsvene waIsraeri.

25 Naizvozvo, ^ahasha dzaIshe dzabatira kuvanhu vavo, uye vatambanudza ruoko rwavo kwavari, uye vakavarova; uye makomo akandengendeka, uye zvitunha zvavo zvaiputikira pakati pemigwagwa. Kana dai zvakadaro kushatirwa kwavo hakuna kubviswa, asi ruoko rwavo rwuchiri rwakatambanudzwa.

26 Uye vachisimudzira ^amureza kumarudzi anobva kure, uye ^bvacharidzira vari kumagumo kwenyika; uye tarisai, ^cvachauya nokukurumidza vachimhanya; hapana achaneta kana anopunzika pakati pavo.

27 Hapana achabatwa nehope kana anokotsira; kana mabhanhire emuchiuno haasunungurwe, kana tambo dzeshangu dzavo hadzidamburwe;

28 Vane miseve inopinza, uye hwose uta hwavo hwakakombama, uye matsimba emabhiza avo achaonekwa segwenya, uye mavhiri avo achaita sechinyamupupuri, uye kutinhira kwavo kuchaita sekweshumba.

29 Vachadzvova ^aseshumba dzichiri diki; hongu, vachadzvova, uye vagobata nyama yavo, uye vagoitakura vachienda nayo zvitsvene, uye hapana anoinunura.

30 Uye muzuva iroro vachavadzvovera sekutinhira kwegungwa; uye kana vakatarisa munyika, tarisai, rima nekusuwa, uye chiedza chichadzimwa kumatenga.