1 Ndien idahaemi edikem ete nte ŋwed nnyin edide, ndien nnyin imifiɔk ke ŋwed nnyin edi akpanikɔ, koro sese, edi edinen owo ekewet ŋwed emi—koro enye ke akpanikɔ ama anam ediwak utibe ŋkpɔ ke enyiŋ Jesus; ndien owo ndomo kiet ikiduhe emi ekekemede ndinam utibe ŋkpɔ ke enyiŋ Jesus ibɔhɔke ema enam enye asana ofuri-ofuri ke ukwaŋ-ŋkpɔ esie—

2 Ndien idahaemi edikem, edieke owo emi mikinamke ndudue ke ibat ini nnyin, ɔyɔhɔ isua edip ye duop ye ita ama ebe efep;

3 Ndien mme owo etɔŋɔ nditiŋ enyin nyom idiɔŋɔ emi prophet Samuel, owo Lamanite ɔkɔnɔde, iŋ, ini emi ekim edifukde ke ufaŋ usen ita ke iso isɔŋ.

4 Ndien mme ɔkpɔsɔŋ eyikhe ye mme efaŋa etɔŋɔ ndidu ke ufɔt mme owo, isehe ata ediwak idiɔŋɔ emi ekenɔde.

5 Ndien edikem ke ɔyɔhɔ isua edip ye duopenaŋ, ke akpa ɔfiɔŋ, ke ɔyɔhɔ usen inaŋ ke ɔfiɔŋ, akwa oyobio ama adaha, utɔ emi akananam miduhe ke ofuri isɔŋ oro.

6 Ndien ama odu ŋko akwa ye enyene ndik akamba oyobio; ndien enyene ndik obuma ama odu, tutu ete ke enye ama enyeŋe isɔŋ nte okoyom ndibahade nsio nsio.

7 Ndien mme ata edinyama emireŋ-mireŋ ema edu, utɔ emi akananam miduhe ke ofuri isɔŋ oro.

8 Ndien obio Zarahemla ama ata ikaŋ.

9 Ndien obio Moroni ama esip ke udem inyaŋ, ndien mbon emi ekeduŋde do ema esip.

10 Ndien ntan ama ofuk obio Moronihah, ete ke ebiet obio akadade ama akabade edi akamba obot.

11 Ndien akamba ye enyene ndik nsobo ama edu ke isɔŋ ke usuk usuk.

12 Edi sese, akamba ye enyene ndik nsobo emi okokponde akan ama odu ke isɔŋ ke edem edere edere; koro sese, ema ekpuhɔ ofuri iso isɔŋ, ke ntak akamba oyobio ye mme ofum, ye mme obuma ye mme emireŋ-mireŋ, ye ata akamba unyek ofuri isɔŋ.

13 Ndien ema ebom mme ikpɔ usuŋ, enyuŋ ebiat mme nti usuŋ, ndien ediwak ndiye ebiet ekabade edi ntaha.

14 Ndien ikpɔ ye mme obio emi ewɔrɔde etop ema esip, ndien ema efɔp ediwak, ndien ema enyeŋe ediwak tutu mme ufɔk do ema eduɔ ke isɔŋ, ndien ema ewot mbon emi ekeduŋde do, ndien ema eyak mme ebiet oro enim ukpɔk.

15 Ndien usuk mme obio ema edu emi ekesuhɔde; edi mbiara do ama okpon ata eti eti, ndien ediwak ema edu ke mmɔ emi ekewotde.

16 Ndien usuk ema edu emi eketaŋde ewɔrɔ ke ofum oro; ndien ebiet emi mmɔ ekekade owo ndomo kiet ifiɔkke, ibɔhɔke ke mmɔ efiɔk ke ema etaŋ mmɔ ewɔrɔ.

17 Ndien ke ntem iso ofuri isɔŋ akabade mbiara, ke ntak mme akamba oyobio, ye mme obuma, ye mme emireŋ-mireŋ, ye unyeŋe isɔŋ oro.

18 Ndien sese, ema ewai mme itiat ke iba; ema ebom mmɔ ke iso ofuri isɔŋ, tutu ete ke ekekut mmɔ ke mme ubak emi ebomode, ye ke mme ndudu ye mme nwaha, ke iso ofuri isɔŋ.

19 Ndien edikem ete ke ini mme obuma, ye mme emireŋ-mireŋ, ye oyobio, ye akamba oyobio, ye mme unyeŋe isɔŋ ema eketre—koro sese, mmɔ ekedu ke ŋkpɔ nte ufaŋ hour ita; ndien ndusuk owo ema edɔhɔ ete ke ama ebihi akan oro; edi, ekenam kpukpru ikpɔ ye mme enyene ndik ŋkpɔ emi ke ŋkpɔ nte ufaŋ hour ita—ndien sese, ekim ama odu ke iso isɔŋ.

20 Ndien edikem ete ke ɔkpɔsɔŋ ekim ama odu ke iso ofuri isɔŋ oro, tutu ete ke mme andiduŋ do emi mikiduɔhɔ ema ekeme ndikop uye ekim oro;

21 Ndien uŋwana ikikemeke idu, ke ntak ekim oro, mme, mme candle, mme, mme utuenikaŋ; ŋko owo ikikemeke idomo ikaŋ ye eti ye ata nsat eto mmɔ, ke ntak oro uŋwana ndomo kiet ikikemeke ndidu;

22 Ndien mme andiduŋ ikikwe uŋwana ndomo kiet, mme ikaŋ, mme ekpri uŋwana, mme utin, mme ɔfiɔŋ, mme, mme ntanta ɔfiɔŋ, koro mme obubit ekim emi ekedude ke iso isɔŋ ema okpon eti eti.

23 Ndien edikem ete ke ama odu ke ufaŋ usen ita ete ke mme owo ikikwe uŋwana ndomo kiet; ndien akamba mfuhɔ ye eseme ye ntuaeyet ema edu ke ufɔt ofuri owo kpukpuru ini; iŋ, akamba ekedi ntuaŋa mme owo, ke ntak ekim ye akwa nsobo emi ekesimde mmɔ.

24 Ndien ke ebiet kiet ema ekop nte mmɔ efioride, ete: O ete ke ekpedi ke nnyin ima ikabade esit mbemiso akamba ye enyene ndik usen emi, ndien ke ini oro ke ekpenyaŋa nditɔ eka nnyin, ndien ikaŋ ikpitaha mmɔ ke akwa obio Zarahemla oro.

25 Ndien ke ebiet efen ema ekop mmɔ nte efioride enyuŋ efuhɔde, ete: O ete ke ekpedi ke nnyin ima ikabade esit mbemiso akamba ye enyene ndik usen emi, inyuŋ iwotke ndien itɔhɔ mme prophet ke itiat, inyuŋ ibinke mmɔ isio; ke ini oro ke mme eka nnyin ye ndiye nditɔ iban nnyin, ye nditɔ nnyin ekpe ebɔhɔ, ndien ikpi ibuhɔke ke akwa obio Moronihah oro. Ndien ntem ke mme eseme mme owo ekedi akamba ye enyene ndik.