1 Ndien idahaemi esese, ami ndɔhɔ mbufo nte ke ini Jehovah edikutde ete ke ɔfɔn, ke ifiɔk esie, ete mme ŋkpɔ emi edisim mme Gentile nte asaŋade ye ikɔ esie, ke ini oro ke mbufo edifiɔk ite ke ediomi emi Ete akanamde ye nditɔ Israel, kabaŋade mfiak nnim ke itie mmɔ ke mme isɔŋ inyene mmɔ, ɔtɔtɔŋɔ ndisu.

2 Ndien man mbufo efiɔk ete ke mme ikɔ Jehovah, emi ndisana prophet ema eketiŋ, kpukpru eyedisu; ndien inaha mbufo edɔhɔ ete ke Jehovah ebigi ke edidi esie nnɔ nditɔ Israel.

3 Ndien inaha mbufo ekere ke esit mbufo ete ke mme ikɔ emi ema eketiŋ edi ikpikpu, koro esese, Jehovah eyeti ediomi esie emi enye akanamde ye ikɔt esie eke ufɔk Israel.

4 Ndien ke ini mbufo edikutde mme ikɔ emi nte editibede ke otu mbufo, ke ini oro inaha mbufo emiom aba mme edinam Jehovah, koro akaŋkaŋ edinen ido esie odu ke ubɔk nnasia esie; ndien esese, ke akpatre usen oro, edieke mbufo edimiomde mme edinam esie enye ayanam ete enye ɔsɔp edisim mbufo.

5 Ɔyɔdɔdiɔk ɔnɔ enye emi esinde mme edinam Jehovah; iŋ, ɔyɔdɔdiɔk ɔnɔ enye emi edikaŋde Christ ye mme utom esie!

6 Iŋ, ɔyɔdɔdiɔk ɔnɔ enye emi edikaŋde mme ediyarade Jehovah, ye emi edidɔhɔde ete ke Jehovah inamke aba utom ke ediyarade, mme ke prophecy, mme ke mme enɔ, mme ke mme usem, mme ke mme edikɔk, mme ke odudu Edisana Spirit!

7 Iŋ, ndien ɔyɔdɔdiɔk ɔnɔ enye emi edidɔhɔde ke usen oro, man enyene udori, ete ke Jesus Christ ikemeke ndinam utibe ŋkpɔ; koro enye emi anamde emi ayakabade etie nte eyen nsobo, emi mbɔm mikiduhe inɔ, nte asaŋade ye ikɔ Christ!

8 Iŋ, ndien inaha mbufo esiama aba, mme esin, mme eda mme Jew enam mbubru, mme nsuhɔ ufɔk Israel ndomo kiet; koro esese, Jehovah eti ediomi esie ye mmɔ, ndien enye ayanam ye mmɔ nte asaŋade ye se enye okotomode.

9 Ke ntak oro inaha mbufo ekere ete ke mbufo emekeme ndiŋwɔŋɔde ubɔk nnasia Jehovah nnɔ ufien, man enye ukubiere ikpe ke ndinam ediomi osu emi enye akanamde ye ufɔk Israel.