Ibuot 25
Ke Edidi Ɔyɔhɔ Ikaba, eyefɔp mme ataŋidem ye mme idiɔk owo nte itak nnyanyaŋa—Elijah ayafiak edi mbemiso akwa ye enyene ndik usen oro—Domo ye Malachi 4. Ŋkpɔ nte K.E. 34.
1 Koro esese, usen oro kedi emi edisakde nte usaŋ-eyo; ndien kpukpru mbon ntaŋidem, iŋ, ye kpukpru mme anam idiɔk, eye ekabare edi etak nnyanyaŋa; ndien usen emi edidide eyeta mmɔ osio, Jehovah mme Udim ɔdɔhɔ, ete ke idisuhɔke oduŋ mme nkɔk inɔ mmɔ.
2 Edi mbufo emi ebakde enyiŋ mi, ke Eyen Nnen nnen ido edi dahaida ye usɔbɔ ke mme mba esie; ndien mbufo eyeka iso enyuŋ ekɔri nte nditɔ-enaŋ ŋkuhɔ.
3 Ndien mbufo eyedighi mme idiɔk owo; koro mmɔ eyebiet ntɔŋ ke idak ikpat ukot mbufo ke usen emi ami ndinamde emi, Jehovah mme Udim ɔdɔhɔ.
4 Mbufo eti ibet Moses, owo mi, emi ami nkɔnɔde enye uyo ke Horeb nnɔ ofuri Israel, ye mme ewuhɔ ye mme ubiere ikpe.
5 sese, ami nyɔdɔŋ prophet Elijah utom nnɔ mbufo mbemiso edidi akwa ye enyene ndik usen Jehovah;
6 Ndien enye ayakabade esit mme ete ɔnɔ nditɔ, ye esit nditɔ ɔnɔ mme ete mmɔ, mbak ami ndidi ndimia ererimbot ye isuŋi.