“Chapit 32: Legliz Jezikri a nan Kirtland: Mas–Jen 1833,” Istwa ki nan Doktrin ak Alyans (2002), 123–25
“Chapit 32,” Istwa ki nan Doktrin ak Alyans, 123–25
Chapit 32
Legliz Jezikri a nan Kirtland
(Mas–Jen 1833)
Joseph Smith te pwofèt Legliz Jezikri a. Senyè a te di Joseph ta dwe gen mesye pou ede l. Se konseye yo tap ye. Se Sidney Rigdon ak Frederick G. Williams ki ta dwe sèvi kòm konseye l. Joseph ak konseye l yo se te Premye Prezidans Legliz la.
D&A 81:1; 90:6
Jodi a se pwofèt vivan an k ap dirije Legliz la. Yo rele limenm ak konseye l yo Premye Prezidans lan.
Joseph Smith ak konseye l yo te òdone nan yon reyinyon ki te fèt nan Kirtland, Ohio. Se te yon reyinyon sakre. Tout moun nan reyinyon an te pran sentsèn nan.
Kèk semèn apre sa, Joseph Smith te kòmanse premye pye Legliz la. Yon pye se anpil manm Legliz la k ap viv toupre youn ak lòt. Tout Sen Kirtland yo te nan premye pye a. Jodi a Legliz la gen anpil pye.
Apre sa, Jezi te di Sen yo ta dwe bati plis lokal pou Legliz la. Yo ta dwe bati yon tanp nan Kirtland. Yo te bezwen bati yon kote pou Premye Prezidans lan travay. Legliz la te bezwen yon enprimri tou.
Sen yo te obeyi Senyè a. Yo te kòmanse bati Tanp Kirtland la. Bati yon tanp pa t yon travay fasil. Li te nesesè pou tout Sen yo pote konkou yo.
Anpil moun te vin manm Legliz la. Jezi te di Joseph pou l chwazi plis dirijan pou Sen yo. Li te di papa Joseph ta dwe vin Patriyach pou Legliz la. Patriyach la bay Sen yo benediksyon. Li gen Prètriz Mèlkisedèk la.
Jezi te di Joseph pou l chwazi douz mesye kòm manm gran konsèy. Mesye sa yo gen Prètriz Mèlkisedèk la. Yo ede Sen yo konnen sa k bon ak sa k pa bon.