“Chapit 13: Joseph ak Emma: Jiyè 1830,” Istwa ki nan Doktrin ak Alyans (2002), 51–55
“Chapit 13,” Istwa ki nan Doktrin ak Alyans, 51–55
Chapit 13
Joseph ak Emma
(Jiyè 1830)
Joseph ak Emma Smith te rete nan Pennsilvani. Yo te gen yon ti fèm. Youn te renmen lòt. Yo te travay di pou youn ede lòt.
Joseph ak Emma te gen anpil pwoblèm. Yo te malere. Yo te vle gen pitit. Emma te fè yon pitit gason, men li te mouri. Emma te tris. Pita limenm ak Joseph te vin gen plis pitit.
Joseph te pè pou fanmi l. Li te vle okipe yo. Li te bezwen fè jaden pou fanmi l te ka gen manje.
Joseph te enkyete tou pou Legliz la. Gen mechan ki t ap kreye Sen yo pwoblèm. Kèk nan dirijan Legliz la te oblije kache pou mechan yo. Li te nesesè pou Joseph travay di pou ede Sen yo.
Pafwa Joseph te oblije kite lakay li pou l ede Sen yo. Joseph te gen pwoblèm pou l kite fanmi li. Emma te tris lè Joseph te ale. Li te pè pou Joseph.
Joseph te mande Jezi kisa li ta dwe fè. Jezi te di pwofèt Joseph pou l pa enkyete pou pwoblèm li yo. Jezi te di l pa pè mechan yo. Jezi te di li tap toujou ede Joseph.
Jezi te di Joseph ta dwe plante manje pou fanmi li. Epi li ta dwe al ede Sen yo. Jezi te di Joseph pa bay tèt li pwoblèm pou manje, rad, ak lajan. Sen yo tap bay Joseph sa l te bezwen.
Jezi te bay Joseph Smith yon revelasyon pou Emma. Jezi te di Emma Smith se yon dam espesyal. Li te chwazi l pou fè yon travay enpòtan.
Jezi te di Emma li ta dwe janti ak Joseph lè mesye te gen pwoblèm. Li ta dwe ede l pou kè l kontan epi pou l pa t enkyete.
Jezi te di Emma Smith ta dwe anseye Sen yo. Li ta dwe ede yo aprann ekriti yo. Li te di Sentespri tap ede l konnen kisa pou l anseye.
Jezi te di Emma ta dwe sèvi ak tan l pou l etidye. Li ta dwe aprann epi ekri anpil bagay.
Jezi te mande Emma pou l chwazi chan pou Sen yo chante. Yo tap enprime chan yo nan yon liv chan.
Bondye renmen tande lè moun jis ap chante. Chan yo se yon priyè pou li. Moun jis ki chante pou Bondye ap beni.
Jezi te di Emma li pou li mete l dousman. Li te di l pou l renmen mari l. Li te di l pou l gen kè kontan paske Joseph tap gen anpil gwo benediksyon.
Jezi te di Emma pou l pa bay tèt li pwoblèm pou mond sa a. Li ta dwe prepare l pou you pi bon mond nan syèl la. Kè l ta dwe kontan epi li ta dwe obeyi kòmandman Bondye yo. Apre sa, li tap kapab al nan syèl la.
Jezi te di bagay li te di Emma yo valab pou tout fi.