“Chapit 6: Yo Bay Joseph ak Oliver Prètriz la: Me 1829,” Istwa ki nan Doktrin ak Alyans (2002), 26–30
“Chapit 6,” Istwa ki nan Doktrin ak Alyans, 26–30
Chapit 6
Yo Bay Joseph ak Oliver Prètriz la
(Me 1829)
Joseph Smith ak Oliver Cowdery t ap tradui Liv Mòmon an. Yo te li sa ki di sou batèm. Yo te vle konnen plis sou batèm.
Joseph ak Oliver te deside mande Bondye. Lafwa yo te pèmèt yo konnen Bondye tap ede yo aprann verite a. Le 15 Me 1829, yo te al priye nan forè a.
Yon anj te vin kot Joseph ak Oliver. Te gen yon limyè toutotou anj lan. Anj lan se te Janbatis. Se li ki te batize Jezi nan tan lontan.
Janbatis te vin bay Joseph ak Oliver prètriz la. Prètriz la se pouvwa Bondye. Janbatis te bay Joseph ak Oliver Prètriz Aawon an. Prètriz Aawon bay pouvwa pou batize moun.
Janbatis te di Joseph ak Oliver pou youn batize lòt. Joseph te batize Oliver. Apre sa, Oliver te baptize Joseph. Yo te desann anba dlo a lè yo t ap batize a.
Janbatis te batize Jezi menm jan an nan tan lontan. Jezi te desann anba dlo lè li t ap batize a.
Joseph ak Oliver te ranpli ak Sentespri a lè yo te fin batize. Sentespri a te di yo vrè Legliz Jezikri a tap retounen sou tè a anvan lontan.
Joseph ak Oliver te di bon zanmi yo ke yo te batize. Yo te pale yo apwopo prètriz la. Men Joseph ak Oliver pa t di lòt moun sa. Yo te konnen mechan yo pa tap kwè yo. Mechan yo tap kreye yo pwoblèm.
Kèk jou apre sa, twa lòt anj te vini. Se te Pyè, Jak, ak Jan. Se Apot Jezikri yo te ye nan tan lontan. Pyè, Jak, ak Jan te bay Joseph Smith ak Oliver Cowdery Prètriz Mèlkisedèk la.
Prètriz Bondye a te tounen sou tè a. Kounyeya gason ki jis yo te kapab gen pouvwa prètriz la. Gason ki gen prètriz Mèlkisedèk la kapab dirijan nan Legliz la. Yo ka beni moun. Yo ka bay moun don Sentespri a.
D&A 20:41–44