“Chapit 42: Far West, Misouri: Janvye–Jiyè 1838,” Istwa ki nan Doktrin ak Alyans (2002), 161–63
“Chapit 42,” Istwa ki nan Doktrin ak Alyans, 161–63
Chapit 42
Far West, Misouri
(Janvye–Jiyè 1838)
Mechan yo nan Kirtland pa t vle repanti. Yo te vle touye Joseph Smith. Joseph te oblije kite Kirtland. Se te an ivè e li te fè frèt anpil. Lenmi Joseph yo te suiv li. Yo te gen kouto ak revòlvè pou yo ta ka touye l.
Joseph te oblije kache. Senyè a te pwoteje l pou lenmi l yo pa t jwenn li. Yon nuit li te dòmi nan menm kay avèk lenmi l yo. Yo pa t konnen si l te la.
Yon lòt lè, Joseph te pase devan lenmi l yo nan lari a. Yo te gade l. Yo pa t rekonèt l.
Joseph te fè yon vwayaj plizyè santèn kilomèt. Li te ale Far West, Misouri. Sen Misouri yo te kontan wè l.
Kèk nan dirijan Misouri yo pa t obeyi kòmandman Bondye yo. Yo pa t vle repanti. Yo te fache kont Joseph. Yo te vle vin rich.
Joseph te tris. Mesye sa yo se te zanmi l. Oliver Cowdery, David Whitmer, ak lòt moun ankò te ekskominye. Yo pa t manm Legliz Jezikri a ankò.
Yo te chwazi lòt mesye pou dirije Legliz la nan Far West.
Yon jou Joseph Smith te ale yon kote toupre Far West. Jezi te di kote sa a te rele Adam-ondi-Ahman. Se yon kote espesyal. Jezi te pale ak Adan kote sa a epi li te beni l. Adan te beni pitit li yo nan Adam-ondi-Ahman. Yon jou, Jezi ak Adan ak lòt moun jis ak rankontre la ankò.