“Ang Pagtatayo ng Kirtland Temple,” Mga Kuwento sa Doktrina at mga Tipan (2024)
“Ang Pagtatayo ng Kirtland Temple,” Mga Kuwento sa Doktrina at mga Tipan
Disyembre 1832–Marso 1836
Ang Pagtatayo ng Kirtland Temple
Isang espesyal na bahay para sa Panginoon
Sinabi ng Panginoon kay Joseph Smith na panahon na para magtayo ang mga Banal ng isang espesyal na bahay sa Kirtland. Ang bahay na ito ay magiging templo, isang lugar kung saan dadalawin ng Panginoon ang Kanyang mga tao at mangangako sa kanila. Bibigyan Niya sila ng espesyal na kaloob sa Kanyang templo. Tinawag Niya ito na pagkakaloob ng kapangyarihan.
Doktrina at mga Tipan 88:119; 95:8; Mga Banal, 1:237
Hindi agad sinimulan ng mga Banal ang pagtatayo ng templo. Makalipas ang ilang buwan, ipinaalala sa kanila ng Panginoon na napakahalaga ng templo. Tumakbo si Hyrum Smith papunta sa bahay ng kanyang mga magulang para kumuha ng mga kagamitan. Nang tanungin siya ng kanyang nanay kung saan siya pupunta, sinabi niya na gusto niya na siya ang mauna sa paggawa ng bahay ng Panginoon.
Sinimulan ng mga Banal sa Kirtland ang pagtatayo ng templo. Malaki ang ginastos at marami ang gagawin. Ang mga miyembro ng Simbahan tulad ni Sidney Rigdon ay nagbigay ng malaking pera para itayo ang templo. Masaya silang sundin ang mga utos ng Panginoon at tanggapin ang Kanyang mga pagpapala sa Kanyang bahay.
Mga Banal, 1:241–44
Habang ginagawa ng mga Banal ang templo, naubos ang pera nila. Nag-alala si Sidney at ang iba pang mga lider ng Simbahan. Nagdasal si Sidney na tulungan sila ng Diyos.
Mga Banal, 1:242–44
Isang miyembro ng Simbahan na nagngangalang Caroline Tippets at kanyang pamilya ang nakaipon ng malaking halaga ng pera. Pumayag si Caroline na hiramin ng Simbahan ang kanilang pera para makatulong sa pagtatayo ng templo.
Mga Banal, 1:244–46
Maraming Banal sa Kirtland ang nagsikap na itayo ang templo. Ang ilan ay gumamit ng mga bagon na pinuno ng mga bato patungo sa templo. Ang iba naman ay nagtahi ng damit at nagluto ng pagkain para sa mga manggagawa. Ang mga bata ay nagtipon ng mga piraso ng basag na salamin para durugin at ilagay sa mga pader ng templo upang kuminang at lumiwanag ang mga ito sa sikat ng araw.
Hindi nagtagal natapos ang templo! Sabik na pumasok ang mga Banal sa bahay ng Panginoon upang matanggap ang mga pagpapalang ipinangako Niya sa kanila.
Mga Banal, 1:254