Pebrero 1833

Ang Word of Wisdom

Ang batas ng Panginoon sa kalusugan

Inanyayahan ni Joseph Smith ang ilang kalalakihan sa Simbahan na magkaroon ng mga pulong sa itaas na palapag ng tindahan nina Newel at Ann Whitney. Doon nila natutuhan ang ebanghelyo at iba pang mga paksa, at nagdarasal sila bilang isang grupo. Tinawag nila ang mga pulong na ito na Paaralan ng mga Propeta.

Doktrina at mga Tipan 88:117–137; Mga Banal, 1:190

Marami sa mga lalaki ang naninigarilyo at ngumunguya ng tabako sa oras ng lesson. Ang silid ay naging mausok, at ang mga nginuyang tabako ay nagkalat sa sahig. Pagkatapos ng mga pulong, umaakyat si Emma Smith para linisin ang silid. Napakarumi nito!

Mga Banal, 1:191

Paulit-ulit na kinuskos ni Emma ang sahig, ngunit hindi maalis ang mga mantsa ng tabako. Kinausap niya si Joseph tungkol sa karumihang ito.

Mga Banal, 1:191

Nakinig si Joseph kay Emma. Nang marinig niya ang sinabi ni Emma, napaisip siya kung ano ang saloobin ng Panginoon tungkol sa tabako.

Mga Banal, 1:191–92

Kaya tinanong ni Joseph ang Panginoon tungkol sa tabako. Sinabi ng Panginoon kay Joseph na may Word of Wisdom Siya para sa mga Banal.

Doktrina at mga Tipan 89:1–9; Mga Banal, 1:192

Sinabi ng Panginoon na ang mga Banal ay hindi dapat manigarilyo, gumamit ng tabako, o uminom ng alak o “maiinit na inumin,” na nangangahulugang kape at tsaa.

Doktrina at mga Tipan 89:1–9; Mga Banal, 1:192

Itinuro din ng Panginoon sa mga Banal na ang mga butil at prutas ay masustansyang kainin. Sinabi Niya rin na maaari silang kumain ng karne paminsan-minsan.

Doktrina at mga Tipan 89:10–17; Mga Banal, 1:192

Sinabi ng Panginoon kay Joseph na ang mga Banal na pinipiling sumunod sa Kanyang Word of Wisdom ay mapoprotektahan. Nangako ang Panginoon na pagpapalain sila ng kalusugan, kaalaman, at lakas. Sinabi ni Joseph sa kalalakihan sa Paaralan ng mga Propeta ang tungkol sa Word of Wisdom ng Panginoon.

Doktrina at mga Tipan 89:18–21; Mga Banal, 1:192

Inihagis ng mga lalaki sa silid ang kanilang tabako at pipa sa apoy upang ipakita na gusto nilang sundin ang Word of Wisdom ng Panginoon.

Mga Banal, 1:193