Abril–Hulyo 1839

Isang Araw ng Pagpapagaling

Pagbabasbas sa maysakit sa pamamagitan ng kapangyarihan ng Diyos

Habang si Joseph Smith at iba pang mga lider ng Simbahan ay nakabilanggo sa Missouri, dinala sila ng ilang bantay sa ibang bilangguan. Mabait ang mga bantay sa mga bilanggo. Isang gabi, sinabi ng pinuno ng mga bantay kay Joseph na matutulog na siya, at kung tatakas si Joseph at ang kanyang mga kaibigan, hindi niya sila pipigilan.

Mga Banal, 1:448–449

Tumakas nga si Joseph at ang iba pang mga lider ng Simbahan. Natagpuan nila ang kanilang mga pamilya na nanirahan sa isang bayan na tinatawag na Quincy.

Mga Banal, 1:451–52

Ang mga tao sa Quincy ay mabait sa mga Banal. Binigyan nila ang mga Banal ng pagkain at damit at lugar na matutuluyan.

Mga Banal, 1:432

Nagpasalamat ang mga Banal sa kabaitan ng mga tao sa Quincy. Ngunit alam ni Joseph na kailangang may sarili silang lugar na titirhan. Bumili ang mga lider ng Simbahan ng ilang lupain na hindi gusto ng iba, at nagsimulang lumipat doon ang mga Banal.

Mga Banal, 1:455–57

Ang lupain ay malapit sa isang malaking ilog. Ito ay basa at maputik at puno ng lamok. Dahil sa mga lamok, marami sa mga Banal ang malubhang nagkasakit ng malaria. Namatay ang ilan sa kanila.

Mga Banal, 1:458–59

Nang makita ni Joseph na napakaraming tao ang may sakit, tinipon niya ang ilang lider ng Simbahan at hiniling sa kanila na sumama sa kanya. Buong umaga silang nagpunta sa bawat pamilya, bumibisita sa mga maysakit at binabasbasan sila. Ginamit nila ang kapangyarihan ni Jesucristo upang pagalingin sila sa kanilang karamdaman.

Mga Banal, 1:458–59

Isa sa binisita nila ay si Elijah Fordham. Napakalubha niya, inakala ng asawa niya na mamamatay na siya. Tinanong ni Joseph si Elijah kung may pananampalataya siya na gumaling.

Mga Banal, 1:458–59

Sabi ni Elijah, “Palagay ko ay huli na ang lahat.” Tinanong ni Joseph si Elijah kung naniniwala siya kay Jesucristo. “Naniniwala ako, Brother Joseph,” sagot niya.

Mga Banal, 1:458–59

Binasbasan siya ni Joseph sa pangalan ni Jesucristo. Tumayo si Elijah. Pinagaling siya ni Jesus! Pagkatapos ay sinundan ni Elijah si Joseph sa kabilang bahay at tinulungan ito na basbasan ang iba pang mga taong maysakit.

Mga Banal, 1:458–59