O le faaauau ai o lana lauga i lona nuu, sa ta’u atu ai e le Tupu o Peniamina ia i latou na tau atu e se agelu ia te ia e uiga i le galuega a Iesu Keriso. Sa molimau mai le Tupu o Peniamina e faapea, e ala atu i le faatuatua ia Iesu Keriso ma le salamo, o i latou o e ua agasala e mafai ona maua le faaolataga. Sa ia aoao atu foi e ala i le Togiola a Iesu Keriso e mafai ai e se tagata ona faatoilalo le tagata o le lalolagi e ala i le gauai atu i faatosinaga a le Agaga Paia.
Ua ta’u atu e le Tupu o Peniamina upu a se agelu e uiga i le Togiola
Ata
Cups
A o e suesue i le Mosaea 3, vaai mo le punavai o le “tala fiafia o le olioli tele” (Mosaea 3:3).
Faitau le Mosaea 3:1–5, ma vaai mo le mea na ta’u atu e le agelu i le Tupu o Peniamina. Ma folafola mai e le agelu na i ai i le nuu o le Tupu o Peniamina se mafuaaga e olioli ai ma ia faatumuina i le fiafia.
O le a le savali a le agelu e mafai ona faatumulia ai sa Nifae i le fiafia?
Faitau le Mosaea 3:5–10, ma faailoga upu po o fasifuaitau e uiga i le Faaola ma Lana galuega lea e fesoasoani e te talisapaia lelei ai le galuega a le Faaola i le olaga nei.
Filifili ni fasifuaitau se lua na e faailogaina, ma tusi se faamalamalamaga i lau api talaaga mo le suesueina o tusitusiga paia e uiga i mea o latou aoao mai ia te oe e fesoasoani e te malamalama lelei ai ma talisapaia le galuega a le Faaola.
E tele ni aoaoga faavae ma ni mataupu faavae o loo aoaoina i le Mosaea 3:5–10. O le tasi o aoaoga e sili ona taua o lenei: Sa puapuagatia Iesu Keriso ina ia mafai ona laveai i tatou mai a tatou agasala. Fuafua e tusi le aoaoga faavae lenei i au tusitusiga paia i autafa o le Mosaea 3:7–9.
Faitau le faamatalaga lenei mai ia Elder James E. Talmage o le Korama a Aposetolo e Toasefululua e uiga i mafatiaga o le Faaola i le Faatoaga i Ketesemane:
“O tiga o le Keriso i le faatoaga e lemafuatiaina e le mafaufau e gata, i le maoae ma le mafuaga. … Sa tauivi o ia ma oi i lalo o se avega lea e leai se isi lava tagata na ola i le lalolagi e ono mafai faapea e mafai [ona fai]. Sa le na o le tiga faaletino, po o le ita faalemafaufau, na mafua ai ona puapuagatia o ia i sauaga faapena lea na oo ai ina tafe mai le toto mai pu afu uma; ae o se tiga faaleagaga o le agaga lea e na o le Atua lava e mafai ona iloaina. … I lena itula o le ita sa faafeagai ma faatoilalo ai e Keriso mea leaga uma e mafai e Satani, ‘le alii o lenei lalolagi’ [Ioane 14:30] ona fai faamalosi. …
“I se isi itu, e tonu ma matuai moni lava e ui, e le mafai ona malamalama i ai le tagata, na ave ai e le Faaola i Ona lava luga le avega o agasala a tagata mai ia Atamu e oo i le iuga o le lalolagi” (Jesus the Christ, 3rd ed. [1916], 613).
I lau api talaaga mo le suesueina o tusitusiga paia, tusi e uiga i se aafiaga na fesoasoani e te iloa ai o Iesu Keriso o le Faaola. E mafai faapefea ona faaopoopo e le manatuaina o lenei aafiaga le fiafia i lou olaga?
Ua faamatala e le Tupu o Peniamina le ala e faatoilalo ai le tagata o le lalolagi
A o faaauau ona aoao e le Tupu o Peniamina lona nuu, sa ia aoaoina i latou i le ala e faamanuia ai e le Togiola le fanau a le Atua. Sa ia aoao mai foi le ala e mafai ona tatou faatoilalo ai le tagata o le lalolagi ma avea ma tagata paia e ala i le Togiola a le Faaola.
Ata
Iesu o loo Faamanuia le Afafine o Iairo
Ina ia malamalama lelei i le ala e faamanuia ai e le Togiola le fanau a le Atua, faitau fuaitau o mau nei ma tusi se faamatalaga o le vaega o tagata ua molimau mai lena fuaiupu o le a faamanuiaina e ala i le Togiola a Iesu Keriso:
E taua le iloa e faapea e ui na togiola Iesu Keriso mo agasala a i latou o e e le iloa le talalelei—o i latou o e na maliliu i le le iloa—e tatau lava ona latou salamo pea ma faaali le faatuatua ia Iesu Keriso i le lalolagi o agaga ina ia mafai ona faasaoina (tagai MF&F 131:6; 138:31–34). Ma le isi, ua faaali mai e le Alii e faapea o tamaiti e fananau mai ma le mama i le silafaga a le Atua ma e leai se mana o Satani e faaosooso ai i latou. Seia oo ina mafai ona faamasinoinai latou i le valu o tausaga, o tamaiti laiti e faaolaina e ala i le Togiola a Iesu Keriso e aunoa ma le manaomia ona salamo pe ia papatisoina (tagai Moronae 8:8–15; MF&F 29:46–47; 137:10).
E ao ona tatou galulue i le malamalama ua tatou maua o le talalelei a Iesu Keriso. Faitau le Mosaea 3:12–13, ma vase lalo o upu ma fasifuaitau o loo aoao mai e faapea e mafai ona laveaiina i tatou mai a tatou agasala ma fiafia pe a faaali lo tatou faatuatua ia Iesu Keriso ma salamo.
Toe mafaufau i le faatusa o le ipu lea na faatumuina i le “olioli” Manatua upu a le agelu na folafola mai ai lena olioli e oo mai mai le malamalama i le misiona ma le Togiola a le Faaola (tagai Mosaea 3:4–5). Ina ia malamalama i le faafeagai o lenei ata, faitau i le Mosaea 3:24–27. Vase lalo o le mea o le a inuina i le aso o le faamasinoga e i latou o e filifili e le salamo.
O le a le mea o le a tupu ia i latou o e filifili e le faaalia le faatuatua ia Iesu Keriso ma salamo?
Ina ua uma ona aoao atu lona nuu e uiga i le Togiola a le Faaola ma le manaomia ona salamo ma faatuatua i le Faaola, sa aoao atu e le Tupu o Peniamina i lona nuu le ala e tuu ese ai vaega agasala o o latou natura ae avea ma tagata paia e ala i le Togiola
Faitau le Mosaea 3:19, ma faailoa soo se upu po o fasifuaitau e te le malamalama ai. Atonu e aoga le tusi o ni uiga se tolu i totonu o au tusitusiga paia i autafa o le fuaiupu lenei. O se “tagata natura” o se tagata e filifili ina ia faatosinaina e tuinanau, manao, ma mea e faamemelo i ai le tino nai lo o uunaiga a le Agaga Paia. O le “gauai” o lona uiga o le usitai atu i se tagata po o se mea. O “uunaiga” o faatauanauga po o valaaulia lelei. Mosaea 3:19 o se fuaitau o le mau tauloto Atonu e te manao e faailoga i se ala iloagofie ina ia mafai ona e mauaina i le lumanai.)
Tusi le faaulutala “Ia Tuu Ese le Tagata Natura” i totonu o lau api talaaga mo le suesueina o tusitusiga paia. I lalo o le faaulutala lenei, fai se lisi o mea ua aoao mai e le Mosaea 3:19 e ao ona tatou faia e faatoilalo ai le “tagata natura.” Li’o se gaoioiga se tasi e te lagona o le a sili atu ona taua e te galue ai i le taimi lenei. Fai se fuafuaga e faaaoga le gaoioiga lenei.
O le tasi o mataupu faavae o loo aoao mai i le Mosaea 3:19 o le afai tatou te gauai atu i uunaiga a le Agaga Paia, e mafai ona tatou faatoilaloina le tagata natura e ala i le Togiola a Kerio.
I a oe lava upu, o le a le uiga o le gauai “atu i uunaiga a le Agaga Paia”?
Faitau le faamatalaga lenei mai ia Elder Neal A. Maxwell o le Korama a Aposetolo e Toasefululua e uiga i le tuu ese o le tagata natura: “O le amiotonu patino, tapuai, tatalo, ma le suesueina o tusitusiga paia e matuai taua lava ina ia mafai ai ona ‘[tuu] ese le tagata natura’ (Mosiaea 3:19)” (“The Tugs and Pulls of the World,” Ensign, Nov. 2000, 36).
Tali le fesili lenei i lau api talaaga mo le suesueina o tusitusiga paia: O a ni auala o loo e taumafai e gauai atu ai i uunaiga a le Agaga Paia i lou olaga?
O le a se mea e mafai ona e faia ina ia gauai atoatoa atu ai “i uunaiga a le Agaga Paia” i lou lava olaga? Tusi se sini i lau api talaaga mo le suesueina o tusitusiga paia ia fesoasoani e te alualu ai i luma i le eria lenei i lenei vaiaso. Atonu e te mafaufau e galue i se tasi o uiga e fesoasoani ia tatou avea ai e faapei o se tamaitiiti, o loo lisiina i le Mosaea 3:19—mo se faataitaiga, ia faateleina le usiusitai, agamalu, lotomaualalo, onosai, tumu i le alofa, po o le loto ina usitai uma i mea uma ua silafia e le Alii e “tatau ona faaoo mai i [ou] luga”.
Tusi i lau api talaaga mo le suesueina o tusitusiga paia nisi o luitau i lou olaga e taofia ai oe mai le gauai atu i uunaiga a le Agaga.
Ina ia fesoasoani ia e manatua pe tauloto le Mosaea 3:19, atonu e te manao e faitau i ai faatolu. O le fai faafia o le a fesoasoani e te masani ai i le anotusi o le fuaiupu. A uma ona fai o lenei mea, taumafai e tusi se vaega tele o le fuaiupu, po o manatu o loo i le fuaiupu, i le tele e te mafaia ai i lau api talaaga mo le suesueina o tusitusiga paia e aunoa ma le toe vaai i au tusitusiga paia. Taumafai e toe fai leotele le fuaiupu i ni taimi eseese, e pei a o e savali, faamalositino, po o le sauni e moe. O le faia faalausosoo o lenei mea mo ni nai aso e mafai ona fesoasoani e te taulotoina ma manatua ai mataupu faavae taua o loo i lenei fuaiupu.
Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:
Ua ou suesueina le Mosaea 3 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: