Eteru 6

Folasaga

Ina ua uma ona saunia e tusa ai ma poloaiga a le Alii, sa ulufale sa Iareto i a latou vaa ma faatuatua i le Alii e taitai saogalemu i latou i le latou malaga faigata i le laueleele na folafolaina. Na auina mai e le Alii matagi lea na felafoaiina ai ia vaa i luga o galu ma tanumia ai i latou i le sami i le tele o taimi, ma o na lava matagi sa latou lelea atu ai agai i le laueleele na folafolaina. Ina ua uma ona faamautuina i latou lava i le laueleele fou, sa filifilia e tagata se tupu e ui i lapataiga mai le uso o Iareto.

Eteru 6:1–12

Sa aveina atu e le Alii ia vaa a sa Iareto e ala i le matagi i le laueleele na folafolaina

E i ai taimi atonu tatou te lagona ai e faigata ona fai le mea o finagalo mai ai le Alii, e pei o le faasoaina atu o le talalelei i se uo, tumau i le amio mama, filifiliina o uo e i ai tulaga faatonuina maualuluga, ma le faatuina o mea sa’o e faamuamua i le olaga. E mafai ona e mafaufau i nisi faataitaiga o se taimi e ono faigata ai le faia o se mea o finagalo mai le Alii e fai?

O le tala o le faigamalaga a sa Iareto i le laueleele na folafolaina o loo aoao mai ai ni mataupu faavae lea e mafai ona taitaia oe pe a e lagona le faigata o le faia o le mea o poloai mai ai le Alii. Faitau le Eteru 2:24–25, ma tagai mo le mea na lapataia ai e le Alii sa Iareto o le a faafaigata ai le latou faigamalaga i le laueleele na folafolaina.

Ina ia mafai ona tatalia nei faigata, sa poloaiina e le Alii sa Iareto e fai ni vaa e “malu e pei o se ipu” (Eteru 2:17), ma faia pu i luga ma lalo ina ia mafai ona latou tatalaina ma maua ai le ea. Faitau le Eteru 6:1–4, ma faailoa mai nisi auala na saunia ai e le Alii sa Iareto mo faigata o le faigamalaga.

Atonu o le a fesoasoani le malamalama o le “tuu atu i latou lava i le Alii lo latou Atua” (Eteru 6:4) o lona uiga sa tuu atu e sa Iareto i latou lava i le Atua mo le tausiga ma le puipuiga o i latou.

Tali le fesili lenei, i lau api talaaga mo le suesueina o tusitusiga paia:
1. Aisea atonu na faigata ai mo sa Iareto ona faatuatua atu i le Alii i lenei tulaga?
2. Aisea e te manatu ai o le sauniaina ma le tuuina atu o i latou lava i le Alii sa taua tele?

A o e faitau i le Eteru 6:5–11, taumafai e vaai faalemafaufau atu pe na faapei le malaga ai i se vaa a sa Iareto.

Ina ia fesoasoani e saunia oe e faailoa mai mataupu faavae o le talalelei e mafai ona e aoaoina mai lenei tala, tali ia fesili nei i lau api talaaga mo le suesueina o tusitusiga paia:
1. Na faapefea ona faaalia e sa Iareto lo latou faatuatuaina o le Alii i le taimi o la latou malaga faigata? (tagai Eteru 6:7, 9).
2. Na faapefea ona faamanuiaina i latou e le Atua i le taimi o la latou malaga?

Ina ua toeitiiti atoa le tausaga i luga o le sami, na iu lava ina taunuu le malaga a sa Iareto. Faitau le Eteru 6:12, ma faailoa mai po o a ni o latou lagona ina ua latou taunuu i le laueleele na folafolaina. Aotele mai ni mea sa e aoaoina i lenei lesona e ala i le faamaeaina o le faamatalaga o le mataupu faavae lenei: Ao tatou faatuatua atu i le Alii ma faia Lona finagalo, o le a Ia .

O se tasi o auala e faamaea ai le faamatalaga lenei o le faaaogaina o le fuaitau lenei “taitaia le ala o o tatou olaga.” Ina ia faalolotoina lou malamalama i lenei mataupu faavae, toe tagai i tulaga lea atonu tatou te lagona ai le faigata e fai le mea o finagalo mai ai le Alii, lea na lisiina i le amataga o le lesona. E pei lava ona Ia faia ma sa Iareto, ua saunia i tatou e le Alii ina ia manumalo i faigata o le a fetaiai ma i tatou i le olaga pe a tatou tatalo atu, mulimuli i le perofeta, ma tausi i poloaiga.

I lau api talaaga mo le suesueina o tusitusiga paia, tusi pe na faapefea ona faaalia e se tagata le faatuatua i le Alii. E tusa ai ma le faataitaiga a sa Iareto, o le a se mea e tatau ona tatou faia pe a fetaiai ai ma se poloaiga faigata mai le Alii?
Toe mafaufau i le mataupu faavae lenei: Afai tatou te faatuatua i le Alii, o le a mafai ona fesoasoani ia faigata ma puapuaga ia i tatou ina ia alualu i luma ma maua ia faamanuiaga folafolaina. (Atonu e te manao e tusi [le mataupu faavae] i totonu o au tusitusiga paia i talaane o le Eteru 6:5–10.) I lau api talaaga mo le suesueina o tusitusiga paia, tali ia fesili nei:
1. O le a sou lagona na faapei lou alualu i luma ma le mauaina o faamanuiaga e ala i le tumau ai ma le faamaoni i faigata na fetaiai ma oe pe o loo fetaiai ai i lou olaga i le taimi nei?
2. E faapefea ona sili atu lou faatuatua i le Alii ma mulimuli i Ana faatonuga i tulaga faigata e ono fetaiai ma oe?

Eteru 6:13–18

Sa aoaoina e sa Iareto a latou fanau ina ia savavali ma le faamaualalo i luma o le Alii

Mafaufau o oe, e pei o sa Iareto, na kolosia se sami ma taunuu ai i se laueleele e matua fou lava ia te oe. Faitau le Eteru 6:13–18, ma mafaufau e uiga i fesili nei: O a nisi o faataitaiga o le uiga o le savali faamaualalo i luma o le Alii? Na faapefea ona uunaia oe e ou matua ma isi ina ia savali faamaualalo i luma o le Alii? O le a sou manatu o le mafutaga i le va o le savali faamaualalo ma le aoaoina mai luga? O anafea na e lagona ai sa “aoaoina [oe] mai luga”? (Eteru 6:17).

Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

Ua ou suesueina le Eteru 6 ma faamaeaina lenei lesona i le (aso).

Fesili, mafaufauga, ma manatu faaopoopo ou te fia faasoa i lou faiaoga: