Ñañe’ẽ Cristo-gui
Ko mundo oñe’ẽ sa’ive aja Jesucristo-gui, ñande ñañe’ẽve Chugui.
Aipyso peẽme che mborayhu, amigo ha hermanokuéra creyente. Amomorã pende fe ha py’aguasu ko’ã mése ohasava’ekuépe ko pandemia mundial opokohápe ñande rekovére ha ogueraha ñane familia ha amigokuéra jahayhuetévape.
Ko’ã ára iñinsiértovape, añandu peteĩ aguije aimo’ã’ỹva pe kuaapy seguro arekóvare Jesús ha’eha pe Cristo. ¿Peñandúpa peẽ upéicha avei? Oĩ jepy’apy ñandejopýva opavavépe, ha katu tapiaite ñane renondépe oĩ Upe mirĩme he’iva’ekue: ”Che ningo pe tape, pe añetegua ha pe tekovete.” 1 Jahasarõ jepe peteĩ époka ñañemomombyryhápe ojuehegui, natekotevẽi araka’eve jahasa peteĩ epoka ͂ñañemomombyryhápe espiritualmente Chugui upe mborayhu reheve ñanerenóiva: “Peju Cherendápe.” 2
Ha katu peteĩ mbyjáicha oguiáva peteĩ yvága tesakãme, Jesucristo ohesape ñande rape. Ha’e ou ko yvýpe peteĩ establo humilde-pe. Ogueraha peteĩ tekove perfecto. Omonguera umi hasykatúvape ha omopu’ã umi omanova’ekuépe. Ha’e umi ha’eñóva angirũ. Ñanembo’e jajapo hag̃ua iporãva, ñaneñe’ẽrendu hag̃ua ha jajoayhu hag̃ua ojupe. Ha’e omano kurusúpe, opu’ãvo mahestuóso mbohapy ára rire, ohejávo ñandéve ha umi jahayhúvape tajaikove jey pe ñeñotỹhagui amo gotyove. Iporiahuvereko ha grasia ijojaha’ỹva reheve, ojagarra hi’ári ñane angaipakuéra ha ñande jehasa’asy, oikuave’ẽvo ñandéve perdón ñañearrepentívo ha py’aguapy umi tekove aravaípe. Jahayhu Ichupe. Ja’adora Ichupe. Jasegui Chupe. Ha’e ñane ánga ancla.
Interesantemente, pe ñande convicción espiritual okakuaárõ jepe ñande pype, oĩ hentekuéra ko múndope sa’i oikuáava Jesucristo-gui, ha oĩ parte ko múndope Héra oñemomaranduva’ekuépe heta siglo aja, ha katu pe fe Jesucristo-re michĩve ohóvo. Umi Santo Europa-gua ipy’aguasúva ohecha peteĩ declive jeroviápe hetãmekuéra dékada pukukue aja. 3 Ñembyasýpe, ápe Estados Unidos-pe avei jerovia oñembogue ohóvo. Peteĩ estudio ohechauka, umi diez áño pahápe, treinta millones hénte Estados Unidos-pe ndogueroviavéi Jesucristo divinidad-pe. 4 Ambue estudio mundial opredeci umi década oúvape, oĩvéta mas del doble umi hentekuéra ohejáva cristianismo umi o’aceptátavagui. 5
Ñande, añetehápe ñavenera pe derecho jaguerekóva opavave jaiporavo haĝua; upevére, ñande Ru Yvagagua he’i: “Kóva ha’e Che Ra’y ahayhuetéva; pehendu Chupe.” 6 Atestifika og̃uahẽtaha ára opa tenypy’ã oñesũta ha opa kũ okonfesáta Jesús ha’eha pe Cristo. 7
¿Mba’éichapa ñambohováiva’erã ko ñane múndo oñemoambuéva? Alguno oheja aja ijerovia, ambuekuéra oiko ohekávo pe añetegua. Jajagarrákuri pe Salvador réra ñande ári. ¿Mba’e ikatuve jajapo?.
Presidente Russell M. Nelson ñembosako’i
Pe ñembohovái ikatu ou ñanemandu’árõ mba’éicha Ñandejára omoarandu presidente Russell M. Nelson-pe umi mése oñehenói mboyve chupe tupaogua Presidente ramo. Oñe’ẽvo umi jóvenes adultos-pe peteĩ ary oñehenói mboyve, presidente Nelson ñane’invita ja’estudiave hag̃ua umi 2200 referencia oĩva Jesucristo réragui pe Guia para Estudio de las Escrituras-pe. 8
Mbohapy mese uperire, abril conferencia general-pe, oñe’ẽ mba’éichapa, jepe dékada discipulado devoto rire, upe estudio pypukuve Jesucristo-gui oguerekókuri tuicha influencia hese. Hermana Wendy Nelson, oporandu chupe upe efecto-re. Ha’e ombohovái: “¡Che, peteĩ kuimba’e iñambuéva!”. Ha’e piko peteĩ kuimba’e iñambuéva? 93 áño-pe, ¿peteĩ kuimba’e iñambuéva? Presidente Nelson omyesakã:
“Jadedikávo tiempo ña’aprende hag̃ua Jesucristo ha Isacrifisio expiatorio-gui, ñañemoag̃uiseve[Hese]. …
“… Ñane enfóke [opyta] anclado ñande Salvador ha Iñevanhéliope.” 9
Pe Salvador he’i: “Pema’ẽ cherehe opa temiandúpe.” 10
Peteĩ múndo ñemba’apo, jepy’apy ha tembiapo hechapyrãva reheguápe, ñamoĩ ñane korasõ, ñane akã ha ñane remiandu Hese, ha’éva ñane esperanza ha salvasiõ.
Peteĩ estudio renovado pe Salvador-gui oipytyvõrõ presidente Nelson-pe oñembosako’i hag̃ua, ¿ndaikatuichéne piko ñaneipytyvõ avei ñandéve ñañembosako’i hag̃ua?
Omoĩvo énfasis tupaogua rérape, presidente Nelson ombo’e: Ñande,… jaguerekótarõ acceso Jesucristo expiasiõ pu’akápe – ñanemopotĩ ha ñanemonguera, ñanemombarete ha ñanemomorã haĝua, ha ipahápe ñande’exalta hag̃ua – jahechakuaaporãva’erã Chupe upe pu’aka ykua ramo.” 11 Presidente Nelson ñanembo’e pe jeipuru meme tupaogua réra oĩporãva, ikaturõ jepe ojogua peteĩ sonseraha, ndaha’éiete katu, ha oguerekóta tuicha influencia umi ára oúvape.
Peteĩ promesa pene ñembosako’irã
Apromete peẽme peñembosako’ívo, ojapo haguéicha presidente Nelson, avei penediferénteta, pepensavéta ñande Salvador rehe ha peñe’ẽ py’ỹivéta Chugui ha duda’ỹre. Peikuaa porãvévo ha pehayhu pypukuvévo Chupe, umi pene ñe’ẽ osyry porãvéta, peñe’ẽrõguáicha peteĩ pende ta’ýra térã amigo pehayhúvagui. Umi penerendúva oguereko’ivéta deseo penembotovévo térã odikutívo penendie, ha katu penerendusevéta ha o’aprendesevéta pendehegui.
Peẽ ha che ñañe’ẽ Jesucristo-gui, ha katu akóinte ikatu jajapo porãve. Ko múndo oñe’ẽ sa’ivéta ramo Chugui, ¿máva oñe’ẽvéta Chugui? ¡Ñande! ¡Ambue umi cristiano devoto ndive!
Ñañe’évo Cristo-gui ñande rógape
¿Oĩ piko ñande Salvador ra’anga ñande rógape? ¿Ñañe’ẽ meme ñande ta’ýra/rajykuéra ndive umi Jesús parábola-gui? “Umi ñemombe’u Cristo –gui ha’e yvytúicha omyandýva umi fe rata ñande ra’y ha rajykuéra korasõme.” 12 Káda pende rajy/ra’y oporandu peẽme peteĩ mba’e, pepensami pembo’évo umi mba’e ñande Salvador ombo’eva’ekue. Ehemplo ramo, peteĩ mitã oporandurõ: “Papi, ¿Mba’ére ñañembo’e? Pembohovaikuaa: “Péva ha’e peteĩ porandu porã. ¿Nemandu’ápa Jesús oñembo’érõ guare? Ñañe’ẽmi mba’érepa Ha’e oñembo’e ha mba’éicha oñembo’e”.
Upévare, “Ha roñeʼẽ Cristo-re, ha rovyʼa Cristo-pe, [ha] romboʼe Cristo-gui … ore raʼykuéra oikuaa hag̃ua moõpa ohekavaʼerã hikuái iñangaipa jora.” 13
Ñañe’ẽvo Cristo-gui Tupaópe
Upe escritura avei he’i “rombo’e Cristo-gui” 14 Ñande servicio de adoración-pe, ñañekonsentra tapiaite ñande Salvador Jesucristo-pe ha Isacrificio Expiatorio don-pe. Nde’iséi ndaikatuiha ñamombe’u umi experiencia personal térã ñakomparti ambuekuéra he’iva’ekue. Ikaturõ jepe pe tema ha’e pe familia, servicio, templo térã peteĩ misiõ, ñane adoración-pe opa mba’e ohova’er͂ã Ñandejára Jesucristo gotyo.
Ojapo 30 áño, Presidente Dallin H. oaks oñe’ẽ peteĩ carta rehe orresiviva’ekue “peteĩ miembro-gui heíva oasisti hague peteĩ reunion [sacramental-pe] ha ohendu 17 testimonio oje’e’ỹre pe Salvador réra.” 15 Presidente Oaks upéi he’i: “Ikatu upe descripción ojogua ijexageradoha, [ha katu] a-cita ome’ẽgui ñandéve peteĩ recordatorio mbarete.” 16 Upéi ñane’invita ñañe’ẽve haĝua Jesucristo-gui umi ñande discurso ha lección-kuérape. Ahechakuaa ñañemombyteveha jahávo Cristo-pe ñande tupaogua reunión-kuérape. Jaha meme umi ñeha’ã positívo reheve.
Ñañe’ẽvo Cristo-gui ñande rapichakuéra ndive.
Ñaimeve abierto ha dispuesto ñañe’ẽvo Cristo-gui umi oĩva ñande jerére ndive. Presidente Nelson he’i: “Cristo discípulo añetegua oĩ dispuesto ojedestaka hağua, odefende hağua iprincipio ha idiferente hağua mundo gua yvypóragui.” 17
Sapy’ánte ñapensa ñane ñemongeta peteĩ tapicha ndive opava’erã ha’e ohóvo tupaópe térã oñerreuni misionero-kuéra ndive. Jaheja Ñandejára toguia upe persona-pe ha’e oipotaháicha, upéva aja ñañe’enfokave ñane responsabilidad-pe ha’e hag̃ua peteĩ ñe’ẽpu Chupe g̃uarã, ñane’amable ha abierto ñande jeroviápe. Elder Dieter F. Uchtdorf ñanembo’e máva oporandurõ ñandéve ñane fin de semana rehe, ñaimeva’erã dispuesto japukavývo ha ja’e ñandegustahague ñahendu umi mitãme primaria-gua opurahéivo “Che añeha’ã ha’e hag̃ua Cristo-icha.” 18 Jatestifika ñande jeroviágui Cristo-re amabilida reheve. Peteĩ persona omombe’urõ ñandéve peteĩ problema oguerekóva hekovépe, ikatu ja’e: “Juan, Maria, nde reikuaa che agueroviaha Cristo-pe. Apensa ningo hína peteĩ mba’e Ha’e he’iva’ekuére ikatúva nepytyvõ.”
Pende’abiertove redes sociales-pe peñe’ẽvo pende Jeroviágui Cristo rehe. Hetave umi hénte orrespetáta ñande fe, ha katu oĩrõ penderrechasáva peñe’ẽvo pe Salvador-gui, peñembopy’aguasu Ipromesa reheve: “Pejehovasáva peẽ che káusare oñe’ẽvairõ pende rehe. … Tuichágui pe jopói peguerekóva yvágape.” 19 Ñaneinteresave ha’e Iseguidor, jajehayhu rãngue ñande seguidor rehe. Pedro ohekombo’e: “…peñembosako’i péina pembohovái hag̃ua opa oporandúva peẽme pe jerovia perekóva rehe pende py’apýpe.” 20 Ñañe’ẽ Cristo-gui.
Mormón Kuatiañe’ẽ ha’e peteĩ testigo poderoso Jesucristo-gui. Haimete káda página otestifika pe Salvador ha Imisiõ divino-gui. 21 Ipaginakuéra henyhẽ peteĩ entendimiento Iñexpiasiõ ha igrásiagui. Nuevo Testamento irũ ramo, Mormón Kuatiañe’ẽ ñanepytyvõ ñantende porãve hag̃ua mba’ére ou pe Salvador ñanderreskata hag̃ua ha mba’éicha ikatu jaju añeteve Hendápe.
Sapy’ánte, oĩ umi ñane hermanokuéra cristiano oguerekóva duda ñande gueroviakuéragui ha ñane motivo omonervioso chupekuéra. Javy’a añete hendivekuéra fe ñakompartívape Jesucristo-re ha umi pasaje Nuevo Testamento-gua jahayhuetévape Umi áño oúvape, umi ogueroviáva Jesucristo-pe oikotevẽta amista ha apoyo mutuo. 22
Ko mundo oñe’ẽ sa’ive aja Jesucristo-gui, ñande ñañe’ẽve Chugui. Jahechaukavévo ñande carácter añete Idiscípulo ramo, hetave persona ñande jerére oĩta preparado ohendu hag̃ua. Ñakompartívo pe tesape jahupytýva Chugui, pe Hesape ha Ipu’aka salvador omimbíta umi oĩvape dispuesto oipe’a ikorasõ. Jesús he’i: “Che, pe tesape, ajúkuri ko múndope” 23
Ñambokakuaávo ñande deseo ñañe’ẽ hag̃ua Cristo-gui.
Pe omopu’ãvéva che deseo añe’ẽ hag̃ua Cristo-gui ha’e pe aimo’ãrõ Ijejujey. Ndajaikuaairõ jepe araka’e Ha’e oúta, ¡umi mba’e oikótava Ha’e oujey vove imba’eguasuetéta! Oúta yvága araíre mahestuosidad ha gloria reheve opa Hi’angelkuéra marangatu ndive. Ndaha’éi pokã ángel añónte ha katu opavaveHi’angelkuéra marangatu. Nañañe’ẽi umi querubín hova rosádova opintava’ekue Rafael ha jahecháva umi tarjeta de San Valentín-pe. Ko’ãva ha’e siglo-gua angel-kuéra , umi ángel oñembouva’ekue omboty haĝua umi leõ juru, 24 oipe’a hag̃ua ka’irãi rokẽ, 25 oanunsia hag̃ua Iñegueronase oñeha’arõitéva, 26 omombarete hag̃ua chupe Getsemaní-pe, 27 omomarandu hag̃ua discípulo-kuérape Ijejupígui yvágape, 28 ha oipe’a hag̃ua pe evanhélio restauracíon igloriósova 29
¿Ikatu piko peñe’imagina jajegueraharõ jarreisivi haĝua chupe taha’e kóva ko velo lado térã ambuévape? 30 Upéva ha’e promesa Ha’e ome’ẽva’ekue umi hekojojávape. Ko experiencia hechapyrãva omarkáta ñande rekove tapiaite ĝuarã.
Ore’aguijeterei ñane amado proféta rehe. presidente Russell M. Nelson, ñanemokyre’ỹva jahayhu haĝua pe Salvador-pe ha ñamomarandu Idinidad. Che ha’e testigo Ñandejára po oĩha hi’ári ha pe revelación don oguiáha chupe. Presidente Nelson, roha’arõ ansioso rohendu hag̃ua umi ne rekombo’e.
Che amigokuéra opa ko mundo jereregua pohayhuetéva, ñañe’ẽ Cristo-gui, ñaha’arõ’asývo Ipromesa igloriosoitéva: “Oimeraẽ ohechaukáva chekuaaha yvy ariguakuéra apytépe, Che avei aikuaaukáta ichupe … che Ru Yvagagua renondépe.” 31 Che atestifika Ha’e ha’eha Tupã Ra’y. Jesucristo rérape, Amén.