Jahávo tenonde gotyo
Ñandejára rembiapo oho meme tenonde gotyo.
Che hermano ha hermanakuéra, avy’aite ningo aimévo penendive ñamoñepyrũvo ko Conferencia General semi-anual 190 Jesucristo Tupao Santokuéra Ára Pahapegua. Ahayhu ajoaju penendive pende rógape térã taha’e peimehápe ñahendu haĝua oñondive umi mensahe proféta, vidente, ha revelador ha ambue tupaogua líder-kuéra rupive.
Roĩme agradecido tecnología rehe ohejáva jajoaju peteĩ tuicha ñembyaty mundial-pe Jesucristo discipulokuéra ramo. Abril-gua Conferencia General ohasava’ekue ojehechákuri hetave héntere ambuévagui, ha roha’arõ upéva ojehu jey ko’áĝa.
Ko’ã mese ohasava’ekuépe, peteĩ pandemia global, umi incendio forestal guasu, ha ambue desastre natural ombojere ovakavõ ñande mundo. Añembyasy peteĩ teĩ penendive peperdeva’ekue peteĩ pehayhúvape ko’ã ára aja. Ha añembo’e opavave umi ohasa’asývare ko’á g̃aite.
Upevére, Ñandejára rembiapo oho meme tenonde gotyo. Distancia social, mascara jeipuru, ha Zoom reunión mbytépe, ña’aprende jajapo en forma diferente heta mba’e ha sapy’ánte ijefectivove. Ára ndaijojaháiva ikatu ogueru recompensa ndaijojaháiva.
Umi ñane misionero ha misiõgua liderkuéra iñingenioso, imbarete ha, añetehápe hechapyrãva. Jepeve hetave umi misionero ojuhuva’erãkuri forma ipyahú ha ikatupyryvéva ojapo haĝua hembiapo, heta misiõnguéra orreporta ombo’e hetave araka’evégui.
Rombotyva’erã kuri templo-kuéra sapy’arã, ha oĩkuri umi proyecto de construcción oñembotapykue’imíva, ha katu ko’áĝa opavave umíva oho hína tenonde gotyo. Áño 2020 calendario-pe, jaguerekóta 20 palada inicial templo pyahúpe ĝuarã!
Historia familiar rembiapo okakuaa exponencialmente. Heta barrio ha estáka pyahu oñeforma. Ha rovy’a rorreportávo Tupao oipytyvõ hague ome’ẽvo ayuda humanitaria pandemia-rã 895 proyecto-pe ĝuarã 150 tetãme.
Pe evanhélio jestudia heta ogapýpe orresulta testimonio ha relación familiar mbaretevévape. Peteĩ sy ohai: “Roñeñandu aĝuive ore membykuéra ha nieto-kuérare ko’áĝa ore’atývo káda domingo zoom rupive. Káda uno oreko iturno omombe’u haĝua hemiandu Eju Chesegui rehe. Ore ñembo’e ore familia-kuérare oñemoamabue rontende porãvegui hemikotevẽkuéra.”
Añembo’e, ñande, pueblo-icha tajaipuru ko tiempo ijojaha’ỹva jakakuaa haĝua espiritualmente. Ñaime ko yvy ári jajeprova haĝua, jahecha haĝua jaiporavótapa jasegui Jesucristo-pe, ñañearrepenti regularmente, ña’aprende ha japrogresa haĝua. Ñande espíritu oprogresase. Ha jahupyty porãve upéva japytávo ñemova’ỹme pe konvénio rapépe.
Opa ko’ã rupive, ñande Ru Yvagagua ha Ita’ýra Jesucristo ñanderayhu! Ha’ekuéra oñangareko ñanderehe! Ha’ekuéra ha Hi’angelkuéra omaña ñanderehe. 1 Aikuaa péva añeteguaha.
Ñañembyatývo ñahendu haĝua umi ñe’ẽ Ñandejára oinspiráva Isiervokuérape ome’ẽ haĝua, poro’invita pejepy’amongeta haĝua peteĩ promesa Ñandejára ojapova’ekuére. Ha’e he’i: “opa oipotáva ikatuha ojejagarra Tupã ñe’ẽre, oikovéva ha ipu’akapáva, omboja’ótava opa aña katupyry ha ñemosã ha ñuhã, ha oguerahátava Cristo ndivegua yvypórape peteĩ tape ipo’ietereívare.” 2
Añembo’e tapeiporavo pejejagarra Tupã ñe’ẽre oñemomarandu haguéicha ko conferencia general aja. Ha añembo’e tapeñandukuaa mborayhu porã Ñandejára oguerekóva penderehe, 3 Jesucristo réra sagrado-pe. Amén.