Upévare, pevela ha peñembo’e jepiveguáicha
Ko árape, amyasãi che ñe’ẽ ñañembo’e hag̃ua opavave retãre ko múndo pukukue.
Che hermano ha hermanakuéra, pe semána paha iministerio terrenal-pe, Jesús ombo’e Idiscípulokuérape “Peñangareko ha peñembo’éke jepiveguáicha,pejetopa hag̃ua digno opa ko’ã mba’e oiko jave, ha peñembo’y hag̃ua Yvypóra Ra’y renondépe.” 1
Opa ko’ã “mba’e oikótava” Ha’e ou jey mboyve “ñorairõ ha ñorairõ guasu oikotaha ñehendúta[,] … ñembyahýi, mba’asy vai, ha yvyryrýi, opa rupi.” 2
Doctrina y Convenios-pe, Salvador he’i, Ha oparupi oĩta py’apyvai; … kyhyje oúta opa tavayguakuéra ári.” 3
Añetehápe, jaikove peteĩ époka opavave ojepy’apyhápe. Heta yvypóra okyhyje henonderãgui, ha heta korasõ ndojeroviái Tupã ha Ita’ýra Jesucristo-re.
Marandu informe-kuéra henyhẽ ñemombe’u ñorairõ reheguáre. Je’apo’i moral oñeguenohẽ en línea. Sementério, tupao, mezquita, sinagóga, ha santuario religioso-kuéra oje’api.
Peteĩ pandemia mundial ohupyty opa yvy tuichakue jave— millóne yvypóra hasy, ha millón rupi oĩ omanóva. Graduación escuela-gua, Tupao tupaitũ, ñemenda, servicio misional ha heta ambue mba’e imba’eguasúva tekovépe ojejokopa. Avei, heta yvypóra opyta ha’eño.
Umi problema económico heta tapichápe ohupyty, especialmente umi ñande Ru Yvagagua ra’ykuéra oiko’asyvévape.
Jahecha yvypóra oñeha’ãva oipuru porã iderécho ojerure oikotevẽva, ha jahecha avei umi pochýpe ojapo sarambi disturbio jave.
Upe jave, jahecha oñorairõva ko múndo tuichakue jave.
Heta jey apensa pende rehe pehasa’asýva hina, pejepy’apýva, pekyhyjéva, térã pene añóva. Che ha’e peẽme Ñandejára pendekuaa porãha, Ha’e oikuaa pendepy’apýva ha pende vy’a’ỹ, ha Ha’e penderayhu’eterei—íntima ha personalmente, pypuku ha ijapyra’ỹva.
Kada pyhare añembo’évo, ajerure Ñandejárape tohovasa opa umi ohasa’asýva, hasýva, hi’añóva,ha iñembyasývape. Aikuaa ambue Tupaogualider-kuéra oñembo’eha avei upeichaite. Ore korasõ oĩ penendive, individual ha colectivamente ha roñembo’e Tupãme pende rehe.
Heta ára ahasa noreste Estados Unidos-pe avisitávo umi tenda histórico Americano ha tupaopegua reunión ha misionero-kuérandi, miembro ha líder-kuérandi , ha avisitávo gobernante ha empresario-kuérape.
Domingo Octubre 20-pe, añe’ẽ peteĩ atýpe Boston jerére, Massachusetts-pe. Añe’ẽvo, añandu ha’eva’erãha, “Ajerure’asy peẽme … ñañembo’e hag̃ua ko tetãre, ñande líder-kuérare, ñande hentekuéra,ha familiakuérare oikovéva ko tetã tuichaite Tupã omopu’ãva’ekuépe.” 4
Avei ha’e América ha heta ambue tetãnguéra, oiko haguéicha ymave, oĩ ambue tape kurusu ijetu’úvape ha oikotẽve ñande ñembo’ére. 5
Che mba’ejerure ndaipórikuri che discurso-pe. Ko’ã ñe’ẽ ou che akãme añandúvo Upe Espíritu oñe’ẽmbegue chéve ajerure hag̃ua umi oĩva presentepe oñembo’e hag̃ua hetãnguéra ha ilíderkuérare.
Ko árape, che amyasãi ko ñehenói ñañembo’e hag̃ua opavave tetãre ko múndo javeve. Taha’e ha’évape pe ñembo’e térã mávape peñembo’e, peipuruke pende jerovia—taha’e ha’éva pende jerovia ikatuháicha peñembo’e pene retãre ha pene retãnguéra líder-rehe. Ha’e haguéicha octubre ohasava’ekue Massachusetts–pe, ko’ág̃a ñaĩme peteĩ tape kurusu tuichávape, ha opa tetãnguéra oikotevẽterei inspírasiõ ha guía divina. Kova ndaha’éi polítika térã tetã ñeisambyhy rehegua. Kóva ha’e ñemonguera ha py’aguapy rehegua ohupytyva angakuéra ha tetãmegua ángakuéra—tavakuéra, pueblo, ha vílla—upe Príncipe de Paz rupive ha’éva pe ñemonguera fuente, Ñandejára Jesucristo.
Ko’ã meses ohasava’ekuépe añandu impresión he’iva chéve ñaipytyvõ̃ porã hag̃ua ko situación mundial-pe opavave héntekuéra oconfiava’erã Tupãre pembojerevo pende korasõ̃ Chupe ĝuarã peñembo’évo añetehápe. Ñañemomirĩ ha jaheka yvága inspirasiõ̃ ña’aguanta térã ñande pu’aka hag̃ua ko’ã mba’e oĩva ñane renondépe kova ha’éta ñande rape isegúrova jaguata hag̃ua segurida reheve ko ára ijetu’u’ete jave.
Escritura-kuéra omombe’u Jesús oñembo’érõ guare ha avei umi ñehekombo’e ñembo’e rehegua Iministerio terrenal pukukue. Pendemandu’a Ñande Ru Ñembo’ére:
“Ore Ru, yvágape reiméva, toñembojeroviákena nde réra.
“Tou ne rréino. Tojejapo ne rembipota ko yvy ári, yvagapeguáicha.
“Eme’ẽ oréve ko árape ore rembi’urã.
“Ehejareíkena oréve ore rembiapo vaikue, rohejareiháicha ore rapichápe hembiapo vaikue.
“Aníkena reheja roike rojepy’ara’ã vai hag̃uáme, ha orepe’a opa mba’evaígui: Ne mba’e ha’e pe rréino, ha pu’aka, ha gloria, tapiaite g̃uarã. Taupéicha.” 6
Ko ñembo’e iporãitéva, Cristianokuéra oñeñembo’éva, ohechuka ñandéve oĩ porãha jajerure directamente péicha “Ore Ru Yvágape reiméva” ombohovai hag̃ua ñandéve jajeruréva ñaĩme jave jehasa’asýpe. Upévare, ñañembo’emi oñondivepa inspirasiõ divina-re.
Po’invita tapeñembo’e jepiveguáicha. 7 Peñembo’e pene familia-kuérare. Peñembo’e retãmeguare líder-kuérare. Ñañembo’e yvypóra ikatupyrývare omba’apóva umi batalla social, ambiental, política, plága biológica, ohupytýva opavave héntekuérape ko múndope, taha’e iplátava, imboriahúva, imitãva ha itujáva.
El Salvador ohekombo’eva’ekue añi ñamombyky mayma ñañembo’évare. Ha’e ohekombo’e, “Pehayhu penderayhu’ỹvape, pehovasa okaguaívape penderehe, pejapo iporãva umi penderayhu’ỹvare, peñembo’e umi ojapovaívare penderehe ha penemuñávare.” 8
Pe Kalvário Kurusu, Jesús omano haguépe ñande pekadokuérare, Ha’e ojapo umi mba’e ombo’eva’ekue oñembo’évo, “Che Ru, eperdona chupekuéra; ha’ekuéra ndoikuaái rupi ko’ã mba’e ojapóva.” 9
Añetehápe ñañembo’évo umi ñane enemígore ohechuka ñande jerovia Tupãre ikatu omoambue ñane korasõ ha ambuéva korasõ. Ko’ã ñembo’e omombaretéta ñande determinación jajapo hag̃ua opa mba’e ñaikotevẽva ñande rekovépe, familiakuéra ha komunidápe.
Péime peimehápe, peñe’ẽ peñe’ẽháicha, térã desafio peguerekóva, Tupã ohendu ha ombohovái Ha’e oikuaaháicha ha Itiémpope. Ñande ha’ére rupi Ita’ýrakuéra, ikatu jaheka Chupe ñande pytyvõ hag̃ua, ha ñambopyahu ñande deseo jajapo hag̃ua mba’e iñambue ha ipositívova ko múndope.
Ñañembo’e hústisiare, py’aguapy, imboriahu, ha hasývare heta jey ndaha’éi ohupytýva. Upe ñañesũ rire ñañembo’évo, ñaikotevẽ ñapu’ã ñañembo’y ha jajapo opa mba’e ikatúva ñaipytyvõ hag̃ua—ñañepytyvõ ha ñaipytyvõ hag̃ua ñande rapichápe. 10
Escritura-kuérape heta oĩ ehémplo héntekuéra ojeroviávagui ombojoajúva ñembo’e tembiapóre ojapo hag̃ua pe diferencia hekovekuéra ha ambue rekovépe. Mormón Kuatiañe’ẽme, ehémplo ramo, ñamoñe’ẽ Enós rehegua. Ojehecha “dos tercios ko kuatiañe’ẽ mbykývape peteĩ ñembo’e térã ñembo’e rysýi, ha hembývape ojehecha mba’épa ha’e ojapo oñembohovái rire iñembo’e.” 11
Jareko heta ehémplo mba’éichapa ñembo’e ojapo diferencia ñande Tupaogua historia-pe, ñañepyrũ José Smith ñembo’e ñepyrũme pe yvyratýpe ituakuéra’ róga ykére upe primavera 1820-pe. Perdón ha dirección espiritu ojehekávo, José Smith ñembo’e oipe’a yvága rokẽ. Ko árape ñande rovasa José Smith pe Profeta ñembo’e ha ambue hekoporãva ha imarangatúva arapahapegua kuimba’e ha kuña oñembo’éva ha o’actuáva omopu’ã hag̃ua Hesukrísto Tupao Santokuéra Ára Pahapegua.
Heta jey apensa upe kuñanguéra hekoporãva ñembo’e Mary Fielding Smith oñembo’eháicha, Tupã pytyvõ rupive, py’aguasúpe ogueraha segúro ifamilia umi omuñáva chupekuéragui Illinoisgui ko vállepe, ko’ápe ifamilia oñembosako’i espiritual ha temporalmente. Añetehápe oñembo’e rire ñesũháme, ha’e oñembo’y ha omba’apo osupera hag̃ua idesafio ha ohovasa hag̃ua ifamiliape.
Ñembo’e ñanemopu’ãta ha ñanembojoajúta oñondivepa, familia, tupao, ha múnddoicha. Ñembo’e oipytyvõta científico-kuérape ojuhu hag̃ua vakúna ha pohã ojokótava ko mba’asyvai. Ñembo’e ombopy’aguapýta umi operdeva’ekuépe umi ohayhúvape. Ñandegiáta jaikuaa hag̃ua mba’épa ikatu jajapo ñande protección personal-pe ğuarã.
Che hermano ha hermanakuéra, ajerure peẽme peñeha’ãve hag̃ua peñembo’eve. Ajerure peẽme peñembo’eve pende kotýpe, peguata jave, pende rógape, pende barrio-pe, ha jepiveguáicha pene korasõme. 12
Hesukrísto Tupao Santokuéra Ára Pahapegua líder-kuéra rérape, a’aguijeme’ẽ peẽme peñembo’e haguére ore rehe. Ajerure peẽme vokói peñembo’e rorresibi hag̃ua inspiración ha revelación ro-guía porã hag̃ua ko Tupao ko tiempo ijetu’úve jave.
Ñembo’e ikatu omoambue ñande rekove. Ñembo’e añetegua ñemokyre’ỹme. ikatu ñamokyre’ỹ ha ñaipytyvõ tapichápe péicha tojapo avei.
Aikuaa upe ñembo’e pu’aka che ahasava’ekue rupive. Ramoite che aime che año che oficina-pe. Ajopera ramoite che pógui. Hũ ha hovy, ikandu, ha hasyeterei. Aguapývo che asientope, ndaikatúi añekoncentra mba’e importante ha ijetu’úvare, che distraékuri che po rasy.
Añesũ añembo’évo ha ajerure Tupãme ta che pytyvõ ajapo porã hag̃ua ko che rembiapo. Añembo’y ha ahecha jey che kuatiakuéra escritorio arigua. Sapy’aiteriremi, che apytu’ũ ojera ha ikatúma añekonsentra, ha péicha akompleta che rembiapo chemboapuráva.
Ko mundopegua situación ijetu’úva ha’eteváicha iñypytũva jahechávo hetaite problema ha desafio. Che atestifika peẽme ñañembo’e ha jajerure Túva Yvagaguape ñaikotevẽva bendición ha guía rehe, jaikuaáta mba’éichapa jahovasáta ñande familiape, vesinokuérape, komunidapegua, ha uvei tetã jaikohápe.
Pe Salvador oñembo’e rire Ha’e “oho tapére ojapóvo mba’e iporãva” 13 omongaru imboriahúvape, ome’ẽ py’aguasu ha pytyvõ umi mayma oikotevẽvape,ha oporohayhu, operdona, ome’ẽ py’aguapy, ha ombopytu’u mayma oúva hendápe. Ha’e okontinua ombohasávo ipo ñandéve.
Che ajerure opavave miembro-kuérape, ha avei ñane vecino ha amigokuéra ambue jeroviapegua ko múndo jerere, tojapo pe Salvador ombo’e haguéicha Idiscípulokuérape: “Upévare, pemaña ha peñembo’e jepiveguáicha” 14 py’aguapýre, consuelo, segurida, ha oportunida jaservi ha ñañopytyvõ hag̃ua oñondivepa.
Mba’éichaitepa tuicha pe ñembo’e pu’aka, ha mba’éichaitepa ko múndo oikotevẽ ñane ñembo’e jeroviápe Tupã Túva ha Ita’ýra ohayhuetévare! Ñanemandu’ake ha jahechakuaáke pe ñembo’e pu’aka. Jesucristo rérape, Amén.