Pereko ánimo porã
Ñande jerovia oñemova’ỹva Jesucristo evangelio restaurado doctrina-pe ogueraha ñande guata ha ome’ẽ ñandéve vy’apavẽ.
Umi hi’ára paha Hekove yvy áripe, Jesucristo omombe’u Ijapóstolekuérape umi ñemuña ha mba’e’asy ohasátava hikuái. 1 Ombopaha ko tuicha segurida reheve: “Múndo-pe peguerekóta jehasa’asy; ha katu pene’ánimo porãke; Che avensekuri múndope” Juan 16:33. Péva ha’e pe Salvador momarandu opavave Túva Yvagagua ra’ykuérape g̃uarã. Péva notísia iporãvéva peteĩteĩ ñandéve g̃uarã ñande rekove yvy ariguápe.
“Ánimo porãme ñeime” avei ha’e peteĩ segurida oñeikotevẽva pe múndo Cristo oikovejeýva ombou haguépe ijapóstolekuérape. “Roime jepy’apýpe opa rupi”, he’ive upe rire apóstol Pablo umi corintios-pe, “ha katu ndaha’éi jejopýpe; roime ñemondýipe, ha katu ndaorepy’aropúi; ñemuñáme, ha katu ndorojohejareíri; rojeity, ha katu noroñehundíri”(2 Corintios 4:8–9).
Dos mil áño rire, ñaime “jepy’apýpe opa rupi,” ha avei ñaikotevẽ upe momarandúre, ndaha’éi ñandepy’aropu hag̃ua, sino jareko hag̃ua ánimo porã. Ñandejára oreko mborayhu ijojaha’ỹva ha jepy’apy umi Itajýra porãitére. Ha’e oikuaa peipotáva, peikotevẽva ha pekyhyjéva. Ñandejára ipu’akapa. Ejerovia Hese
Proféta José Smith-pe oñembo’e umi “Tupã rembiapo, designio ha propósito ndaikatuiha ojefrustra, ni avei ndaikatúi og̃uahẽ mba’evépe” (Doctrina y Convenios 3:1). Ita’yrakuéra oluchávape, Ñandejára ome’ẽ ko’ã garantía tuicháva:
“Péina ápe, kóva ha’e Ñandejára ñe’ẽme’ẽ peẽme ğuarã, oh che rembiguaikuéra.
“Pene’ánimo porãke, ha, ani pekyhyje, che, Ñandejára, aimégui penendive ha pomo’ãta; ha petestifikáta chehegui, heẽ, Jesucristo, ha’eha Tupã oikovéva Ra’y;” (Doctrina y Convenios 68:5–6).
Ñandejára oĩ ag̃ui ñandehegui ha he’i:
“Ha’éva peteĩme, ha’e opavavépe, mitã michĩ, Pene’ánimo porãke; che aime haguére pene mbytépe ha ndapohejareíri” (Doctrina y Convenios 61:36).
“Heta jehasa’asy rire oúgui umi tovasapy” Doctrina y Convenios 58:4.
Hermana-kuéra, atestifika umi promesa, oñeme’ẽva’ekue ñemuña ha tragedia personal mbytépe, oje’aplikaha peteĩteĩ peẽme umi pene circunstancia pendepy’apývape ko’ág̃a. Iporãite ha ñanemomandu’a hag̃ua peteĩteĩme jarekova’erãha ánimo porã ha javy’a Evangelio plenitúre jahávo tenonde umi tekove yvy árigua desafío-kuéra pa’ũme.
Umi tribulación ha desafíokuéra ha’e umi experiencia oikovéva ko mortalidápe Upe oposición niko pe plan divino parte esencial ñanepytyvõva jakakuaa hag̃ua, 2 ha upe proceso mbytépe, jareko Tupã segurida upe perspectiva mombyry eternida reheguápe noñepermitimo’ãihápe upe oposición ipu’aka ñanderehe. Ipytyvõre ha ñande fidelidad ha perseverancia-re, japrevaleséta. Ko tekove omanokuaávape peformávagui párte, opa tribulacion ndahi’aremo’ãi. Controversia oúvape peteĩ guerra vaiete mboyve, Estados Unidos presidente, Abraham Lincoln, arandúre omomandu’a ohendúvape upe arandu yma “kóva avei ohasáta”. 3
Peikuaaháicha, umi adversida mortal añe’ẽvare, ojapóva hasy ñaime hag̃ua tetia’e porãme, sapy’ánte og̃uahẽ ñandéve hetave ambuéndi, umi millone ko’ág̃a oluchávaicha heta umi COVID-19 pandemia efecto devastador-ndi. Upéicha avei, Estados Unidos-pe millone osufrihína peteĩ joayhu’ỹ ha ñorairõ temporáda ha’etéva omoirŭ tapiáva umi eleccion presidencial-pe, ha katu kóva pe imbaretevéva heta ñande kakuaa ñanemandu’ahávagui.
Nivel personal-pe, peteĩtei ñande olucha ha’eño heta umi mortalida adversida-ndi, mboriahu, racismo, tesãi’ỹ, mba’apo’ỹ térã umi decepcion, membykuéra oñehundíva, ñemenda vai térã ñemenda’ỹ, ha umi pekádo oguerúva: ñanemba’e térã ambue mba’évandi.
Ha upeichavérõ,opa ko’ã pa’ŭme, jareko pe consejo celestial jaguereko hag̃ua ánimo porã ha jajuhu vy’a umi Evangelio principio ha promesa-kuérape ha umi ñane rembiapo yvápe. 4 Ko consejo akóinte péichakuri, umi profeta ha opavave ñandéve g̃uarã. Jaikuaa kóva umi ñande mboyvegua experiencia-kuéra rupi ha Ñandejára he’ívare chupekuéra.
Penemandu’a umi Proféta José Smith circunstancia-re. Ojehechávo adversida lénte rupive, hekove orekova’ekue mboriahu, ñemuña, frustración, dolores familiares ha martirio tuichaitéva. Osufri aja encarcelamiento, hembireko ha ifamilia-kuéra ha ambuekuéra sánto osufri umi dificulta ojeguerovia’ỹva oñemosẽvo Misuri-gui.
José ojerure’asy jave alivio, Ñandejára ombohovái:
“Py’aguapy ne ángape; nde adversida ha nde aflicción sapy’aite ğuarãtante;
“Ha upéramo, regueropu’aka porã ramo, Tupã nde’exaltáta yvateve; reñemotendéta opa umi nderayhu’ỹhárakuéragui” (Doctrina y Convenios 121:7–8
Kóva ha’e upe consejo personal ha eterno oipytyvõva’ekue profeta José-pe omantenévo itemperaménto vy’a reheve ha pe itavaygua mborayhu ha lealta. Ko’ã kualida avei omombarete umi líder ha pionero-kuéra osegiva’ekuépe chupe ha avei penemombaretekuaa peẽme.
Pepensami umi miembro ypykuére! Jey jey, ojegueraha ápe ha pépe. Ipahápe, ombohovái umi desafíos omoiva’erãha hogakuéra ha tupao peteĩ desierto-pe. 5 Mokõi áño og̃uahẽ rire umi pionero aty ñepyrŭ Gran Lago Salado vállepe, umi pionero control pe supervivencia ári ko zona hasyetévape ipererĩ gueteri. Heta umi miembro oĩ gueteri tapére umi llanúra pa’ŭme térã oluchávo ohupyty hag̃ua umi rekurso ojapo hag̃ua hikuái. Ha upeichavérõ, líder ha miembro-kuéra oguereko gueteri esperanza ha ánimo porã.
Noĩrĩ ramo gueteri umi sánto hóga pyahukuérape, pe conferencia general octubre 1849-guápe oñembou peteĩ misionero pyahu aty Escandinavia, Francia, Alemania, Italia ha Pacífico Sur-pe. 6 Umi yvypevehágui, pionero-kuéra ojupi yvate pyahúvape. Ha mbohapy áño rire, ambue 98 avei oñehenói oñepyru hag̃ua ombyaty Israel isarambívape. Peteĩ umi Tupaogua líder omyesakã ko’ã mision “tapiaite, ndaipukuiva’erãha; ikatu 3, 7 áño peve ha’éta pe tiempo peteĩ kuimba’e oĩtaha ifamilia’ỹre”. 7
Hermana-kuéra, Primera Presidencia ojepy’apy pende desafío-kuéragui. Pohayhu ha roñembo’e penderehe. Upe jave, py’ỹi roaguyjeme’ẽ ore desafío físico-kuérare, avei umi terremoto, jehapy, inundacion ha huracán, oiméne michĩve umi ombovovaiva’ekuégui umi ñande mboyvéva.
Umi dificulta pa’ũme, pe certeza divina akóinte ha’e “eñeanima, che rogiátagui. Pe rréino ha’e penemba’e ha umi tovasapy avei, ha umi eternida riqueza ha’éta ne mba’e avei.”( Doctrina y Convenios 78:18 ). Mba’éicha ojehu péva? Mba’éicha ojehu umi pionerakuérandi? Mba’éicha ojehúta kuña ko’ag̃aguápe Tupã mba’évape? Ko ore guía profética-re, “umi añaretã rokẽ ndaipu’akamo’ãi [ñanderehe]”, he’i Ñandejára revelación rupi abril, 1830-pe. “Heẽ”, he’i, “… Tupã Ñandejára omosarambíta umi pytũmby pu’aka ne renondéguii, ha omboryrýita yvagakuéra ne ñeimeporãrã ha Héra gloria-pe g̃uarã” (Doctrina y Convenios 21: 6 . “Ani rekyhyje, manada’i; ejapo iporãva; eheja yvy ha añaretã toñekombina pende rovái, peñemopu’ãrõ che ita ári, ndaikatumo’ãi oprevalese ”Doctrina y Convenios 6: 34.
Ñandejára promesa-kuéra reheve, “rohupi [ore] korasõ [s] ha rovy’a” ( Doctrina y Convenios 25:13 ), ha “peteĩ korasõ ovy’áva ha peteĩ tova ovy’áva reheve” ( Doctrina y Convenios 59:15 ), roho tenonde konvénio rapére. Heta ñande apytépe ñambohovái umi decisiones tuichapa jepeve, pe jaheja ñande róga ha’e hag̃ua pionero peteĩ yvy jaikuaa’ỹvape. Ñane decisiones oĩ principalmente umi tekove rutina diaria-pe, ha katu Ñandejára he’i haguéicha ñandéve: “Ani penekane’õ pejapo haguére iporãva, pemoĩgui hina peteĩ obra tuichaite cimiento-rãkuéra. Ha umi mba’e michĩvagui ou umi tuicháva”( Doctrina y Convenios 64:33 ).
Oĩ peteĩ pokatu opa’ỹva pe Jesucristo evangelio restaurado doctrina-pe. Ñande fe inquebrantable ko doctrina-pe ogueraha ñande guata ha ñanembovy’a. Ohesape ñane akã ha ome’ẽ ñandéve mbarete ha confianza ñane rembiapópe. Ko guía, iluminación ha poder ha’e umi don oñepromete’akue jaresivi’akue Ñande Ru Yvagaguágui. Ñakomprende ha ñamoĩvo ñande rekove upe doctrina-re, oikehápe pe arrepentimiento don divino, ikatu jareko ánimo porã ñañemantene aja ñane destino eterno rapére: ui ñandu Rukuéra Yvagagua ñanderayhuetéva reunión ha exaltación-pe.
“ikatu pembohovái umi desafío abrumador”, he’i élder Richard G. Scott ombo’évo. “Sapy¡ánte ñeimeterei concentrado, implakablete, ikatuhápe peñandu oĩa amo gotyove pende capacidad de control-gui. Ani rembohovake ko múndo ne’año. ‘Ejerovia Ñandejárare nde py’aite guive; ha ani ndejehe añónte’ [ Proverbios 3: 5 ]. … Oñeha’ãrõ tekove taha’e peteĩ desafío, ndaha’éi pefrakasa hag̃ua, sino rehupyty hag̃ua éxito pesupera hag̃ua.” 8
Opa ha’e pe Tupã ha Ita’ýra Jesucristo plan párte ramo, atestifikávare, añembo’e aja opavave japersisti hag̃ua ñane destino celestial-pe, Jesucristo rérape. Amén.