Jesucristo pokatu oporomongueráva
Jaguatávo Jesucristo gotyo, ñamoĩvo ñande jerovia Hese, ñañe arrepentívo ha ñakumplívo konveniokuéra, umi mba’e ñande py’amongekóva, taha’e ha’e pe káusa, ikatu okuera.
Ko ary ñepyrũmby guive, jajejuhu heta mba’e ñaha’arõ’ỹvape. Tekove ha mba’apoha ñehundi, pandemia mundial rupi, opokovai comunidad ha economía mundial-re
Yvyryrýi, tata ha inundasiõ heta hendápe, ha avei ambue mba’e vai clíma rehegua, oheja tekovekuéra oñeñandúvo ha’eño, py’atarova ha korasõ jepy’apýpe, oñeporandúvo ikatúnepa oikovejey yma guaréiha
Peheja chéve tamombe’u peẽme peteĩ historia personal Korasõ jepy’apy rehegua.
Ore membykuéra michĩmbárõ gueteri, oiporavo hikuái ojaposeha lecciones piano rehegua. Che ména ha che rome’ẽse ore membykuérape upe oportunidad, ha katu ndoroguerekói piano. Ndoroguerekói avei rojogua hag̃ua piano pyahu, ha péicha, Rudy, oñepyrũ oheka piano ojeiporumava’ekue.
Upe arýpe, Navidarã, ore sorprende opavavépe peteĩ piáno rehe, ha ary ohasa ha ohasa jave ore membykuéra ombopukuaa piano.
Ha‘ekuéra okakuaapa ha ohopa rire ógagui, piano tuja opyta ombyaty yvytimbo añónte, ha upévare rovende. Ohasa mbovymi ary, ha rombyaty michĩmi viru. Peteĩ ára Rudy he‘i: “Chéro g̃uarã og̃uahẽma ára jajogua hag̃ua piano pyahu”.
Aporandu chupe: “Maerãiko jaipota peteĩ piano pyahu, ni peteĩva nañambopukuaáirõ?”
Ha’e ombohovái, “Ah, ikatúngo jajogua umi piano ipúva ha’eño! Jaiporúvo peteĩ iPad, ikatu ñaprograma piano ombopu hag̃ua hetave 4000 purahéigui, ipype oimévo himnos, Coro Tabernáculo jepurahéi, opaite purahéi Primaria gua, ha hetave mba‘e”.
A‘asegura peẽme, Rudi ha‘eha peteĩ vendedor ipyapyetereíva.
Ha rojogua peteĩ piano pyahu iporãiteréiva, ha mbovymi ára rire, mokõi kuimba‘e mbarete ogueraha oréve ore rógape.
Ahechauka chupe moõpa aipota omoĩ, ha añemboyke upégui.
Ha‘ékuri peteĩ piano ipohýiva, ha ohasa hag̃ua okẽ rupi, ojeipe’a chugui ipy ha omoĩ hikuái oñenonguévo, peteĩ plataforma móvil ojeiporúva ojejapo hag̃ua mudansas, ogueruva’ekue hikuái.
Ore róga oimeva‘ekue peteĩ michĩmi bajáda-pe, ha mala suerterã, upe árape pyharevete ho’ákuri nieve, ohejávo heta umeda, ha nieve ñemboyku vai vaípe. Ikatu pemoha’aga pene akãme mba’épa oiko?
Umi kuimba’e omyaña aja piano, pe arriváda michĩmípe, kóva osyryry ha ahendu peteĩ tyapu tuichaitereíva. Piano ho’a upe plataforma móvil-gui, ha oñembota yvýre hatãiterei, ohejávo peteĩ yvykua tuicháva ore pástore.
Upépe ha‘e, “Oh yvágare. Peime porãpa?
Vy’arã, mokõive kuimba’e oĩporãkuri.
Hesakuéra haimete osẽ ñemondýigui omañávo ojoehe, upéi omaña che rehe, ha he’i chéve: “Rombyasyeterei” Rogueraha jeýta óga ñehepyme’ẽhápe, ha ore herénte nerenóita.“
Sapy‘aitemi rirénte, Rudi ja oñe‘ẽma hina kuri herénte ndive, omohenda hag̃ua araka‘épa oguerúta oréve piano pyahu. Rudy imarangatu ha ikompasivo, ha he’i heréntepe, oĩ porãha, oñemyatyrõnte hag̃ua ha ogueru hag̃ua upe piano jeýnte, ha péina katu pe herénte o’insisti ogueruykávo piano ipyahúva.
Ha Rudy ombohovái, “Ndaikutúi oime ivaieterei ojehúva chupe. Pemyatyrõnte ha pegueru chéve.“
Ha herénte he’i chupe: “Ijyvyra opẽ, ha opẽ jepe guive ijyvyra, nda’ipuporãmo’ãvéima. Romondóta ndéve peteĩ piano pyahu.”
Hermana ha hermano-kuéra, ndaha’éipa opa ñandekuéra upe pianoicha, ñañembyai mimívaicha, ñañeñandúvo ha’etéva araka’eve jey ndajaikomo’ãvéi yma guaréicha? Péina katu, jaguatávo Jesucristo gotyo, ñamoĩvo ñande jerovia hese, ñañe arrepentívo, ha jajapo ha ñakumplívo konveniokuéra, umi ñande py’amongekóiva, taha’e ha’e pe káusa, ikatu okuera. Ko proceso, oipepirũva Salvador pokatu oporomongueráva ou haguã ñande rekovépe, ikatu ñande restaura ndaha’éi jaikove hag̃ua ymave haguéichante, ha katu ñanemoporãvéta Aikuaa Salvador Jesucristo expiasiõ rupive, ikatuha ñañemyatyrõ, jakuera jey ha jahupyty ñande propósito, peteĩ piano pyahu ipu porãiteháicha
Presidente Russell M. Nelson ohekombo’e: “Ñaime asy vove, ha’éta ára ñamombarete hag̃ua ñande jerovia Tupãre, ñamba’apo mbaretevévo, ha ñaipytyvõvo ambuekuérape. Ha upépe ha’e omongueráta ñane Korasõ osoróva tasýgui. Ha’e ome’ẽta py’aguapy ha konsuelo. Umi dones tuichaitéva, araka’eve ndo’jedestruimo’ãi, ni ñemanóre jepe.” 1
Jesús he’i:
“Peju cherendápe opaite peẽ peñeha’ãmbáva ha pegueraháva mba’e pohýi, ha che pombopytu’úta.
“Pegueraha che yúgo pende ári ha peikũmby chehegui, che korasõ manso ha umíldeva, ha pejuhúta pytu’u añeteguáva pene ángape g̃uarã.
“Che yúgo ningo ndahasýi ha ivevyi‘asy che kárga” (Mateo 11:28–30).
Ñamonguera hag̃ua ñande py‘apy jahávo hendápe, jaguerekova‘erã jerovia Jesucristo rehe. Jeguereko jerovia Jesucristo rehe he‘ise jajerovia‘erãha opaite mba‘épe Hese: jajerovia Ipokatu ha imborayhu opave’ỹvare. Upéva ndive oĩva ojeguerovia hekombo‘ekuérare: He‘ise oiméramo jepe nañaikũmbýi opaite mba‘e, ha‘e oikũmby katuete. Ha‘e ohasa haguére opaite mba‘e hasýva, jehasa‘asy, py‘apy ha mba‘asy ikatúva ñañandu, Ha‘e oikuaa mba‘éichapa ñanepytyvõta ñase hag̃ua umi jehasa‘asýgui ára ha ára.” 2
Jahávo chupe, ikatu ñañandu py‘aguaypy, goso ha konsuelo. Opaite mba‘e hasy ha idesafiánteva ñande rekovépe, ikatu ñamonguera Jesucristo Expiasiõ rupive.” 3 Ha‘e oñemoñe‘ẽ ñandéve, “Emaña cherehe opaite ne remiandúpe; ani rekyhyje, ani nde py‘amokõi; (Doctrina ha Konveniokuéra 6:36).
Mormón Kuatiañe‘eme, Alma ha itavayguakuéra ojedestruimo‘arõ guare, mba‘e ipohýiva oñemoĩ haguére chupekuéra, tavayguakuéra osuplika ñembovevýi. Ha Ñandejára ndoipe‘ái chuguikuéra mba‘e pohýi; upéa rangue, opromete chupekuéra:
“Ha avei ambovevýita umi mba’epohýi oñemoĩva pene lómo ári, jepe ndaikatúi peve peñandu pende apére, jepeve peime aja ñeñapytĩmbýpe; ha kóva che ajapóta peẽ ha’e hag̃ua chéve testígoramo ko’ág̃a guive, ha peikuaa porã hag̃ua che, pe Tupã Ñandejára, ajuha che tavayguakuérape ijeiko’asýpe.
“Ha koʼág̃a ojehu umi mbaʼepohýi oñemoĩvaʼekue Alma ha ijoykeʼykuéra ári oñembovevýi; heẽ, Ñandejára omombarete chupekuéra ha upéicha ogueropuʼaka hikuái imbaʼepohyikuéra ndahasýi hag̃ua, ha oñemeʼẽ hikuái vyʼápe ha ñehaʼarõkuaa reheve opa Ñandejára rembipotápe” (Mosiah 24:14–15).
Élder Tad R. Calllister ohekomboʼe kapacida oguerekóva Salvador omonguera ha ombovevýi hag̃ua ñande kargakuéra:
Peteĩa umi jehovasa expiasiõ rehegua, haʼe ikatuha jajapyhy pokatu Salvador rupive. Isaías oñeʼẽ heta hendápe, influencia ñemonguera ha ñembopyʼaguapy oguerekóva Ñandejára. Atestifika Salvador ha’ehague ‘ñemombarete pe oikotevẽvape ijehasa asýpe, ñemo’ã ára vai ha ára haku renondépe’(Isaías 25:4). Umi ohasa asývare Isaías odeklara Salvador oguerekoha pokatu ‘okonsola hag̃ua opaite umi hasẽvape’ (Isaías 61:2), ha ‘omokã hag̃ua tesay umi hasẽva rovágui’ (Isaías 25:8; tojeheha avei Apocalipsis 7:17); ‘omokyre’ỹ jey hi’umildeva’ (Isaías 57:15); ha ‘ombopy’aguapy umi ikorasõ py’apývape’ (Isaías 61:1; tojehecha avei Lucas 4:18; Salmos 147:3). Ipoder osokorre hag̃ua tuichaiterei, rupi ikatu omyengovia ‘gloria tanimbu rendaguépe; ñandy góso rehegua, luto rendaguépe; jevyʼa ñemo ánga, jehasaʼasy rendaguépe’ (Isaías 61:3).
“Oh, esperansa tuchaitéva heñói umi promésape! … Hi ánga oporomonguera, omosỹi, oporomoangapyhy, ome’ẽ jeikove pyahu umi Korasõ oreko’ỹvape esperansa. Oguereko pokatu omoambue hag̃ua opaite mba’e ivaíva, oĩ reíva ha vyroreíva ñande rekovepegua, mba’e iporãva ha omimbipávare. Ha’e oguereko pokatu okonverti hag̃ua tanimbu ko tekove mortal pegua, mba’e iporãitéva eternidad-peguápe.” 4
Atestifika peẽme, Jesucristo ha’eha ñande Salvador oporohayhuetéva, ñane Redentor, Mbo’ehára Monguerahára, ha ñane angirũ ifiélva. Jahárõ Ha’e oimeha gotyo, ha’e ñane mongueráta, ha ohejáta jakuera jey. Atestifika, kóva ha’eha Itupao, ha Ha’e oĩmaha ñembosako’ípe oujey hag̃ua, orreina hag̃ua poder ha glória rehe ko yvy ári. Jesucristo rérape, amén.