Jaheja toguereko Paciencia Hembiapo Porãmba ha Jarovy’apaite!
Ñamomba’apo vove paciencia, ñande jerovia okakuaa. Ha tuichave vove ñande jerovia, tuichave avei ñande vy’apavẽ.
Ojapo mokõi ary, Chad, che hermano menor, ohasahague vélo mboypýri. Ijehasa ambue tenda gotyo oheja peteĩ nandi che kuñáda Stephanie korasõme; mokõi imitãnguéra michĩva, Braden ha Bella; ha péicha avei ambue ifamiliakuérape. Una semana Chad omano mboyve, rojuhu angapyhy umi ñe’ẽ Elder Neil L. Andersen he’iakue conferencia general-pe: “Umi yvy arigua jeipy’ara’ã penemboyku jave, tapeho meme ñeha’arõkuaápe, ha Salvador pokatu oporomongueráva, ome’ẽta peẽme tesape, ñeikũmby, py’aguapy ha ñeha’arõkuaa” (“Heridos,” Liahona, Nov. 2018, 85).
Roguereko fe Jesucristo-re, roikuaa roñembyaty jeytaha Chad ndive, ha katu roperde pe hete presencia, hasyete! Heta oĩ operdeakue hapicha ohayhúva. Hasy ñane paciente ha ñaha’arõ ñañembyaty jey hag̃ua hendivekuéra.
Peteĩ ary ha’e omano rire, roñandu oremo’ãha peteĩ arai iñypytũva. Roheka pytyvõ rostudiávo ore escritura-kuéra, roñembo’evévo orepy’aite guive, ha roho py’ỹivévo témplope. Umi ñe’ẽ Ko himno-pegua omombe’u ore remiandu upe áragua: “El alba ya rompe, el mundo despierta, y huyen las sombras de obscuridad” (“The Day Dawn Is Breaking,” Hymns, no. 52).
Ore familia odecidi pe ary 2020 ha’etaha ñembopyahu áño! Noviembre paha 2019-pe, rostudiávo guare ore Eju, Chesegi lección, Nuevo Testamento, Santiago-pe, ojehechauka oréve peteĩ léma. Santiago, capítulo 1, versículo 2-pe jalee: “Che joyke’ykuéra, perovy’apaitéke pehasáramo opáichagua jehasa’asy” (José Smith Ñembohasa, Santiago 1:2 [Santiago1:2-pe, nóta páhina guýpe a]). Romoñepyrũségui peteĩ ary pyahu, peteĩ década pyahu, vy’apavẽ reheve, ro’ékuri ko ary 2020 ha’etaha ary “rorovy’apaitétava”. Roñandu mbaretégui upe mba’e, pe Navida ohasáva rome’ẽ ore hermano ha hermana-kuérape kamiséta letra guasúpe he’íva, “Perovy’apaitéke.” Ary 2020 añetehápe ha’étakuri vy’apavẽ ha tory áño.
Guéno, ñaime ko’ápe, upe rangue katu, ko ary 2020 ogueru pandemia COVID-19 opa múndope, joavy hentekuéra apytépe, hetave desastre natural, ha umi desafío económico. Ikatu oime ñande Ru Yvagagua ome’ẽ hina ñandéve tiempo jajepy’amongeta ha jahecha hag̃ua paciencia-re ñantendéva ha ñane desisiõ conciente jaiporavo hag̃ua vy’apavẽ.
Upe ára guive, Santiago kuatiañe’ẽ oreko significádo pyahu oréve g̃uarã. Santiago, capítulo 1, umi verso 3 ha 4 okontinua:
“Peikuaávo, pende jerovia jeipy’ara’ã ogueruha ñeha’arõkuaa.
“Peheja ñeha’arõkuaa toguereko hembiapo porãmba, peneporãmba ha pendejoja hag̃ua, peikotevẽ’ỹre mba’eve”.
Roñeha’ãvo rojuhu vy’apavẽ ore prueba pa’ũme, oreresaráikuri pe paciencia imb’eguasuete, oheja hag̃ua umi prueba omba’apo ore ñeime porãrã.
Rey Benjamín ñanembo’eakue jahejava’erã pe yvypóra natural ha “ñañemomarangatu, Cristo, pe Ñandejára expiasiõ rupive, ha [ha’ejey] peteĩ mitã michĩvaicha, iñe’ẽrendúva, ndaipochýiva, oñemomirĩva, oha’arõkuaáva, henyhẽva mborayhúgui ha oñemoĩséva opa mba’e guýpe” (Mosíah 3:19).
Capítulo 6 Predicad Mi Evangelio ombo’e Cristo atributo cláve ikatúva ñamoha’anga: “Paciencia ha’e katupyry jarekóva kagueropu’aka hag̃ua umi mba’e oñembo’aréva, problema, oposisiõ térã jehasa’asy, jejahei’ỹ, jejavy térã ansieda’ỹre. Ha’e katupyry jajapo hag̃ua Ñandejára rembipota ha ñamoporã umi mba’e Hi’árape. Pene paciente ramo, peropu’akakuaa umi jejopy ha pembohovakekuaa adversida, py’aguapy ha ñeha’arõkuaápe” (Predicad Mi Evangelio: Peteĩ Guia Servicio Misional-pe g̃uarã, rev. ed. [2019], 126).
Paciencia rembiapo porãmba ikatu avei ojehecha Cristo discípulo peteĩha rekovépe, Simón pe Cananita. Zelote-kuéra ha’eakue peteĩ judío aty nacionalista, oñemoĩ mbaretéva dominasiõ romana rehe. Zelote-kuéra movimiento odefende violencia romano-kuéra rehe, ipytyvõhakuéra judío ha saduceo-kuéra, osaqueáva ohupyty hag̃ua provisiõ ha ojapóva ambue activida oipytyvõ hag̃ua ikáusa (tojehecha Enciclopédia Británica, “Zealot,” britannica.com). Simón pe Cananita ha’eakue zelote (tojehecha Lucas 6:15. Peimo’ãpa Simón-pe oñeha’ãvo omokyre’ỹ Salvador-pe ojagarra hag̃ua umi árma, oisãmbyhy hag̃ua peteĩ grupo radical térã ojapo hag̃ua sarambi Jerusalén-pe. Jesús ombo’e:
“Ojehovasapyre umi hekomarangatúva, haʼekuéra ohupytýtagui pe yvy jehejapyre ramo. …
“Ojehovasapyre umi iporiahuverekokuaáva, haʼekuéra ohupytýtagui poriahuvereko. …
“Ojehovasapyre umi oporombopyʼaguapýva, chupekuéra oñehenóitagui Tupã taʼýra ha tajyrakuéra”. (Mateo 5:5, 7, 9).
Simón ikatúkuri oañua ha odefende ifilosofía fervor ha pasión reheve, ha katu escritura-kuéra he’i, Salvador influencia ha ejemplo rupive, okambiahague iñenfóke. Idiscipuládo Cristo-re ha’ékuri pe eje central hekove rembiapópe.
Jajapóvo umi konvénio Tupã ndive ha ñañongatu, pe Salvador ikatu ñanepytyvõ “ñanereñoijey hag̃ua; heẽ, Tupãgui ñanereñói, ñañemoambuévo [peteĩ] to’o ha je’a ñeimégui, peteĩ tekojoja ñeimépe, ñañerredimívo Tupãre, oiko hag̃ua ñandehegui ita’ýra ha itajyrakuéra” (Mosíah 27:25).
Opa umi ikyre’ỹvéva empeño social, religioso ha político ñande araguágui, jaheja Jesucristo discipuládo taha’e ñande afiliasiõ ha afirmasiõ ojehechavéva. “Oĩháme pene mbaʼerepy, upépe oĩta avei pene korasõ”(Mateo 6:21). Aníke avei ñanderesarái, jepeve umi discípulo ijeroviarekóva “ojapo rire Tupã rembipota”, haʼekuéra “[oi]kotevẽ gueteri paciencia” (Hebreos 10:36).
Ñande jerovia jeipy’ara’ã ogueruháicha ñeha’arõkuaa ñande pype, ñamomba’apo vove ñeha’arõkuaa, ñande jerovia tuichave. Ha tuichave vove ñande jerovia, tuichave avei ñande vy’apavẽ.
Ko Marzo pasádo, ore segunda hija, Emma, heta Tupao misionero-cha, oĩkuri aislamiento obligatorio-pe. Heta misionero-kuéra ou jey hógape; Heta misionero-kuéra oha’arõva oñe’asigna jey; Heta oĩ ndohupitýiva templogua jehovasa osẽ mboyve campo misional. Aguyje élder ha hermana-kuéra. Ore pohayhu.
Emma ha ikompañéra Países Bajos-pe, oĩkuri jejopýpe umi primera semana, heta ára hasẽ jepe hikuái. Sa’imi oportunida orekóvape hikuái oñe’ẽ hag̃ua ambue hapicha ndive, ha sapy’ami aire libre-pe nesẽ rehe, Emma dependencia Tupãre tuichave. Roñembo’e hendive en línea ha roporandu chupe mba’éicha roipytyvõkuaa. Ha’e ojerure oréve rokontacta hag̃ua umi tapicha ha’e ombo’éva hina en línea.
Ore familia oñepyrũ okontacta en línea, peteĩ peteĩ, Emma amigo-kuéra ndive umi Países Bajos-pe. Roinvita chupekuéra ojajoaju hag̃ua en línea, cada semana, rostudiávo Eju, Chesegi, ore familiagua ndive. Floor, Laura, Renske, Freek, Benjamin, Stal, ha Muhammad, opavave ha’e ore anguirũ ko’ág̃a. Oĩ ore amigo Países Bajos-pegua oikeakue pe “okẽ po’i rupi” (3 Nefi 14:13). Ambuévape ojehechauka hina “ipo’iha pe tape, ha ipo’iha pe okẽ, oikeva’erãha rupi hikuái” (2 Nefi 31:9). Ha’ekuéra ore hermano ha hermana-kuéra en Cristo. Opa semana, “rovy’apaite” romba’apóvo oñondivepa ore progreso-pe umi konvénio rapére.
Roheja “toguereko paciencia hembiapo porãmba”, (Santiago 1:4) ndaikatúi aja roñembyaty ore barrio-gua familia ndive peteĩ ára. Ha katu vy’a ramo roguereko ore familia jerovia ñembotuicha, umi nueva conección tecnología opermitíva rupi ha rostudiávo Mormón Kuatiañe’ẽ Eju Chejegui-pe.
Presidente Russell M. Nelson oprometeva’ekue: “Empeño pejapo meméva ko ñaha’ãme—jepeve umi ára peñandu jave nosẽporãmbái hína peẽme—omoambuéta pende rekove, pene familia ha ko mundo” (“Sigan adelante con Fe,” Liahona, Mayo 2020, 114).
Tenda jajapoha konvenio-kuéra sagrádo Tupã ndive, pe Témplo, oñemboty temporalmente. Tenda ñañongatuha konvenio-kuéra Tupã ndive, pe ogapy, ojepe’a! Jareko oportunida ñande rogapýpe jastudia ha jajepy’amongeta hag̃ua templogua konveniokuéra iporãmbajepévare. Ndaikatúiramo jepe jaike upe tenda físico sagrado-pe, ñane “korasõkuéra … tuichaite horýta umi jehovasa oñeñohẽtava rupive”(Doctrina ha Konveniokuéra 110:9).
Heta operdeakue itrabajo; ambue katu operde umi oportunida. Upevére, javy’a Presidente Nelson ndive, ndaha’aréi he’iakue: “Ñane miembro-kuéra ofrenda de ajuno voluntario, añetehápe, hetave ko’ág̃a, upéicha avei umi contribución voluntaria ñane fondo humanitario-pe. … Oñondive jasuperáta ko ára vaiete. Ñandejára pende rovasáta, pehovasa meméramo ambue tapichakuéra” (Russell M. Nelson’s Facebook página, publicación Agosto. 16, 2020-gua, facebook.com/russell.m.nelson).
“Pevy’a porãke” omanda ñandéve Ñandejára, ha’e nde’íri pekyhyje porãke (Mateo 14:27).
Sapy’ánte nañaha’arõséi, ñaimo’ã jave “jajapo porãmba” hína ha katu ndajahupytýi gueteri umi jehovasa jaipotáva. Enoc oguatava’ekue Tupã ndive 365 ary, ha’e ha itavayguakuéra ojegueraha mboyve. Trescientos sesenta y cinco ary puku oñeha’ãvo ojapo porãmbaite, ha upéi oiko! (Tojehecha Doctrina ha Konveniokuéra 107:49.)
Che hermano Chad ñemano oikókuri, mése rojerreleva riremi, Misión Utah Ogden presidencia-gui. Imilagrosoite roikóramo jepe Sur de California-pe, umi 417 misiõ ikatuhápe roñeasigna ary 2015-pe, roñeasigna norte de Utah-pe. Pe casa de la misión opytákuri treinta minuto auto-pe Chad rógagui. Chad cáncer oñediagnostikava’ekue rorrecibi rire ore asignasiõ misional. Jepeve ivaive jave, roikuaákuri ore Ru Yvagagua oikuaaha orehegui ha orepytyvõha rojuhu hag̃ua vy’apavẽ.
Atestifika Salvador Jesucristo pokatu rredentor ha santifikador, imirĩva ha horývagui. Atestifika, ñañembo’éramo ñande Ru Yvagaguápe, Jesús rérape, Ha’e ombohováita ñandéve. Atestifika, ñahendu, jajesareko ha japysakáramo Ñandejára ha Iproféta viviente, presidente Russell M. Nelson ñe’ẽre, jahejáta “toguereko paciencia hembiapo porãmba” ha “tajarovy’apaite”. Jesucristo rérape. Amén