Pejerure, Peheka ha Pehenói
Peteĩ parte imba’eguasúva ñande Ru Yvagagua Plan-pe ha’e oportunidad ñañecomunica tápiate haĝua Hendive jaipota vove.
Ojapo irundy mese, a’estudiávo umi escritura , amoñe’ẽkuri hína Alma misiõgui Ammoníah-pe, ha ajuhu ko sugerencia Eju, Che segui-pe: “Emoñe’ẽvo umi tuicha jehovasa Tupã ome’ẽva’ekueNefi tavayguakuérape (tojehecha Alma 9:19–23), ejepy’amongeta umi tuicha jehovasa Ha’e ome’ẽva’ekue ndéve rehe.”1 Adecidi ajapotaha peteĩ lista umi jehovasa Tupã ome’ẽva chévegui che versión digital-pe. Sapy’aitépe ahaímakuri 16 jehovasa.
Umi imba’eguasuvéva umíva apytépe ha’ékuri umi tuicha jehovasa pe Salvador poriahuvereko ha Isakrifisio expiatorio cherehe rehegua. Ahai avei jehovasa arekova’ekue arrepresentávo pe Salvador-pe che mitãrusurõ ha’évo peteĩ misionero Portugal-pe, ha uperire, che mborayhu, che kompañera eterna, Patricia ndive, Mision Brasil, Porto Alegre Sur-pe roservihápe 522 misionero-kuéra ipoderoso ha hechapyrãva ndive. Añe’ẽvo Patricia-gui, heta umi jehovasa ahaiva’ekue upe árape ha’e umi rohupytyva’ekue oñondive umi cuarenta áño romenda hague pukukuépe; umíva apytépe oĩ ore sellamiento São Paulo, Brasil Templo-pe, ore mbohapy familia, iconyugekuéra ha ore 13 nietokuéra.
Chemandu’a avei che tuvakuéra hekojojávare, cherekombo’eva’ekue umi evanhélio principio-pe. Chemandu’a en particular peteĩ momento che symi oñesũrõ chendive roñembo’e haĝua che rupa ykére arekóvo diez áño rupi. Ha’e oiméne oñandu che ñembo’e oĝuahẽtarõ che Ru Yvagaguápe, umíva oñemehorava’erã. Upévare he’i: “Che añembo’e raẽta ha upéi nde reñembo’éta.” Upe modelo ocontinua heta pyhare aja, oje’asegura peve che a’aprendemaha principio ha práctica rupi mba’éichapa añe’ẽva’erã che Ru Yvagaguápe. Aiméta eternamente agradecido chupe chembo’e haguére añembo’e haĝua, a’aprendégui che Ru Yvagagua ohendu ha ombohovaiha che ñembo’ekuéra.
Añetehápe, upéva ha’e ambue jehovasa amoĩva’ekue che lista-pe: pe don ñahendu ha ña’aprendekuaa haĝua Ñandejára rembipota. Peteĩ parte imba’eguasúva ñande Ru Yvagagua Plan-pe ha’e oportunidad ñañecomunica tápiate haĝua Hendive jaipota vove.
Peteĩ Ñandejára invitación.
Pe Salvador ovisitarõ guare América Ijeikovejey rire, he’i jey peteĩ invitación ojapova’ekue Idiscipulokúerape Galilea-pe. Ha’e he’i:
“Pejerure, ha oñemeʼẽta peẽme; peheka ha pejuhúta; pehenói, ha ojepeʼáta peẽme.
“Opavave ojerurévape oñeme’ẽgui; ha pe ohekáva ojuhu; ha ohenóivape, ojepe’áta” (3 Nefi 14:7–8; tojehecha avei Mateo 7:7–8).
Ñande proféta presidente Russell M. Nelson, ome’ẽ ñandéve peteĩ invitacíon peichaguáva ñande árape. Ha’e he’i: “Peñembo’e Jesucristo rérape pende jepy’apy, pende kyhyje, pene kangykue, heẽ, pene korasõ oipotávare. ¡Ha upéi pehendu! Pehai umi idea oúva pene akãme; Pehai pene remiandu ha pesegui pejapóvo umi oje’eva peẽme pejapo haĝua. Pejapóvo ko proceso ára ha ára, mes tras mes, áño tras áño, ikatúta pekakuaa revelación principio-pe.’”2
Presidente Nelson ombo’e: “ …umi ára oúvape, ndaikatumo’ãi jasobrevivi espiritualmente Espiritu Santo influencia guiadora, orientadora, consoladora ha constante’ỹre.”3
¿Mba’ére revelación imba’eguasuete ñane supervivencia espirtual-rã? Ko mundo ikatúgui ijaivu ha henyhẽ mbotavy ha vyroreígui. Ñañe’ẽrõ ñande Ru Yvagagua ndive ikatu jahechakuaa mba’épa añetegua ha añetegua’ỹva, mba’épa imba’eguasu Ñandejára plan-pe ñandéve ĝuarã, ha mba’épa ndaha’éi. Ko mundo ikatu avei hasy ha ñanembopy’aropu; Ha katu jaipe’arõ ñane korasõ ñembo’épe, ñañandúta angapyhy oúva ñande Ru Yvagaguágui ha ñemoañete Ha’e ñanderayhu ha ñanemomba’eguasuha.
Pejerure
Ñandejára he’i: “Opavave ojerurévape oñeme’ẽgui.” Jajerure isencillo vaicha, ha katu ipoderoso ohechaukágui ñane rembipota ha ñande fe. Upevére, ñantendekuaa Ñandejára ñe’ẽ oikotevẽ tiempo ha paciencia. Jajesareko umi pensamiento ha temiandu oúva ñane akã ha ñande py’ape, ha jahai, he’iháicha ñandéve ñande proféta. Jahai umi ñane remiandu ha’e peteĩ mba’eguasu jerresivípe. Ñanepytyvõ ñanemandu’a, ñamoñe’ẽ jey ha ñañandu jey haĝua Ñandejára ñanembo’éva hína.
Nda’aréi, peteĩ ahayhúva he’i chéve: “Aguerovia revelación personal añeteguaha. Aguerovia Espiritu Santo ohechaukataha chéve opa mba’e ajapova’erã.4 Ndahasýi aguerovia che pyti’a hakuvyrõ peteĩ convicción atã reheve.5 Ha katu ¿mba’e ikatu ajapo Espiritu Santo oñe’ẽ meme haĝua chéve upéicha?”
Upe che ahayhúvape ha opavave peẽme ha’éne che avei añanduse meme umi Espiritu impresiõ atã ha ahechase mante tesakãme pe tape aseguiva’erã; Ha katu nadupéichai. Upevére, ikatúva ñañandu py’ỹive ha’e Ñandejára ñe’ẽ mbegue ha suave, oñe’ẽ kirirĩvo ñane akã ha ñane korasõme: “Ape aime. Rohayhu. Neike; ejapo ikatu porãvéva. Che roipytyvõta.” Natekotevẽi tapiaite jaikuaapa térã jahechapa.
Pe ñe’ẽ mbegue ha suave omoañete ñandéve, ñanemokyre’ỹ ha ñanemoangapyhy; ha heta vése upevaite pe ñaikotevẽva upe árape. Espiritu Santo añetegua ha umi iñimpresiõ añetegua, umi tuicháva ha umi michĩvaicha.
Peheka
Ñandejára opromete: “ohekáva, ojuhu.” Jeheka he’ise peteĩ ñeha’ã mental ha espiritual: jepy’amongeta, jehesa’ỹijo, jeprova ha ñemoarandu. Jaheka jajeroviágui Ñandejára promesakuérare. “umi oĝuahẽva hendápe ogueroviava’erã Tupã oĩha ha Ha’e ohepyme’ẽtaha umi ohekávape ichupe”(Hebreos 11:6). Jahekárõ, jahechakuaa hína mirĩme oĩha gueteri heta ñañemoaranduva’erãme, ha Ñandejára oipysóta ñane entendimiento, ñanembosako’ívo jahupytyve haĝua. “Ha péina ápe he’i Tupã Ñandejára: Ame’ẽta yvypóra ra’ykuérape sa’i sa’i, mbo’epy mbo’epy ári, michĩmi ápe ha michĨmi amo;…ha pe oñeme’ẽvape ame’ẽvéta”(2 Nefi 28:30).
Pehenói
Ipahápe, Ñandejára he’i: “pehenói, ha ojepeʼáta peẽme.” Ñehenói he’ise ja’actua fe reheve. Jasegui kyre’ỹvo chupe, Ñandejára oipe’a tape ñande renondépe. Oĩ peteĩ himno porãite he’íva ñandéve: “¡Alerta! Y haz algo más que soñar de celeste mansión. Por el bien que hacemos paz siempre tendremos, y gozo y gran bendición.”6 Elder Gerrit W. Gong, Cuórum de los Doce-gua nda’aréi omohesakã revelación py’ỹi ouha jajapo aja iporãva. Ha’e he’i: “Ñañemo’aĝuivo ambuévare servicio rupi, Ñandejára ome’ẽ ñandéve peteĩ medida extra Imborayhúgui hesekuéra, ha upévare, ñanderehe avei. Apensa ñahenduha Iñe’ẽ, ha ñañandu Chupe diferente ñañembo’évo umi oĩva ñandejerére rehe, upéva ha’égui ñembo’e Ha’ẽ ombohovaisevéva.”7
Alma ehemplo
Pe simple sugerencia ome’ẽva Eju, Chesegui apensa haĝua umi jehovasáre ogueru chéve peteĩ espíritu he’ẽva ha temiandu espiritual aha’arõ’ỹva. Amoñe’ẽvévo Alma ha iministerio Ammoníah-pe rehe, ahechakuaa Alma ome’ẽha peteĩ ehemplo porã mba’épa he’ise, Pejerure, peheka ha pehenói. Ñamoñe’ẽ “Alma heta omba’apo upe espíritu-pe, ojerurévo Tupãme ñembo’e mbaretépe ha’e oñohẽ haĝua ijespiritu tavayguakuéra ári.” Upevére, upe ñembo’e noñembohovái ha’e oha’arõháicha, ha Alma Oñemosẽ pe tavaguasúgui. “ojopývo chupe vy’aỹ,” Alma oñerrendi potávo, peteĩ ángel ojehechauka chupe he’ívo: “Ejehovasapyre nde, Alma; upévare emopu’ã ne akã ha evy’a, eguerekógui tuicha mba’érepa revy’a haĝua.” Uperõ pe ángel he’i chupe oho jey haĝua Ammoníah-pe ha oñeha’ã jey haĝua, ha Alma “oho jey pya’e.”8
¿Mba’épa ña’aprende Alma-gui jerure, jeheka ha ñekenói rehe? Ña’aprende ñembo’e oikotevẽha peteĩ ñemba’apo espiritual, ha ndakatuetéi ome’ẽ resultado ñaha’arõva. Ha katu ñañeñadurõ desanimado térã jajejopy ñembyasy rehe, Ñandejára ome’ẽ ñandéve angapyhy ha mbarete heta manera-pe. Ikatu nombohovái opa ñane porandu térã osolusiona opa ñane problema pya’eterei; uvei, ñanemokyreỹ ñañeha’ã meme haĝua. Uperõ, pya’e ñambojojárõ ñane plan Iplan rehe, Ha’e oipe’áta pe tape, ojapo haguéicha Alma ndive.
Che testimonio ha’e kóva ha’eha Evanhélio plenitud dispensación. Ikatu jaguerovy’a Jesucristo expiasiõ jehovasakuéra ñande rekovépe. Jaguereko umi Escritura disponible porã ñandéve ĝuarã. Jajeguia profetakuérare ñanembo’éva Ñandejára rembipota ko’ã ára hasýva jahasávape ĝuarã . Avei, jaguereko acceso directo ñande revelación personal-pe Ñandejára ikatu haĝuáicha ñanemoangapyhy ha ñandeguia personalmente. Pe ángel he’i haguéicha Alma-pe, ñande avei jaguereko “heta mba’érepa [ja]vy’a haĝua” (Alma 8:15). Jesucristo rérape, Amén.