Opa tetã, avakuéra ha ñe’ẽnguéra
Ikatu ñag̃uahẽ, jaikuaaháicha, Ñandejára profecía ha promesa-kuéra cumplimiento párte ramo, evangelio ohovasáva múndo párte ramo.
Hermano ha hermana-kuéra, ramoite ajapo peteĩ sellamiento templo-pe, asegívo umi COVID-19-pegua páuta. Upe tembirekorã ha menarã ndive, mokõivéva misionero-kuéra ojevyva’ekue kyre’ỹ ijeroviapýva, oĩ ituakuéra ha opavave iñermáno. Ndaha’éi mba’e hasy’ỹva; Tembirekorã novenoha die umi memby apytépe. Umi nueve iñermanokuéra oguapy orden-pe, oñepyrũvo tuichavévagui michĩvéva peve, mombyry ojuehegui, ojejapova’erãháicha.
Umi familia oheka ha’e hag̃ua vesíno porã oikohápe hikuái. Ha katu, peteĩ komunida naimarangatúi hendiekuéra, he’iháicha tembirekorã sy, ifamilia ha’e haguére Jesucristo Tupao Santokuéra Ara Pahapegua miémbro.
Upe familia ojapo opa mba’e ikatúva iñamígo hag̃ua mbo’ehaópe, oipytyvõ ha oje’asepta hag̃ua, ha katu reiete. Pe familia oñembo’e ha oñembo’e korasõ hu’ũ hag̃ua.
Peteĩ pyhare, upe familia oñandu iñembo’e oñembohovaiha, ha katu peteĩ oñeha’arõ’ỹháicha. Hóga okái ha ojehapy umi simiénto peve. Ha katu ojehuve. Upe tata omohu’ũ umi ivesíno korasõkuéra.
Ivesinokuéra ha mbo’ehao upepegua ombyaty ao, sapatu, ha ambue mba’e oikotevẽva upe familia, ohundipaiteva’ekue orekóva. Marangatu oipe’a upe kuaapy. Ndaha’éiva’ekue upe familia oha’arõ térã oha’arõháichakuri umi iñembo’e oñembohovái. Upéicha ramo jepe, ome’ẽ aguyje oikuaávare umi experiencia hasyetéva rupi ha umi ñembohovái oñeha’arõ’ỹvare iñembo’e añetépe.
Añetehápe, umi ikorasõ ha hesa ojeroviávape ohecha hag̃ua, Ñandejára poriahuvereko he’ẽ’asýva ojehechauka tekove desafío-kuéra rupive. Umi desafío ha sacrificio oñembohováiva jeroviapýpe ogueru yvága rovasapy. Ko mortalidad-pe, ikatu ñahundi térã ñaha’arõ oimeraẽva mba’e sapy’aite, ha katu ipahápe jajuhúta upe iñimportantevéva. 1 Péva ha’e ipromésa. 2
Ore proclamasiõ bicentenario 2020 rehegua oñepyrũ upe promesa oike pypukúvare “Tupã ohayhuha ita’yrakuérape opa mundogua retãme”. 3 Peteĩteĩ ñandéve g̃uarã opa tetã, avaretã, ñe’ẽ ha tavayguakuérape, 4 Tupã opromete, ojapo konveniokuéra ha ñaneinvita japartisipa hag̃ua ivy’apavẽ heta ha marangatúvagui.
Tupã mborayhu opavave yvypórare oñemombarete Escritura-kuérape. 5 Pe mborayhu ohupyty pe Abraham konvénio, ombyatýva Ita’yrakuéra isarambívape, 6 ha Iplan vy’apavẽ rehegua ñande rekovépe.
Upe jerovia rógape ndaiporiva’erã extraño, ni pytagua, 7 ni iviru hetáva ha imboriahúva, 8 ni okápe “ambuéva.” “Ciudadano jojáicha santokúera ndive,” 9 ñaime invitádo ñamoambue porãvévo múndo, hyepýgui oka peve, peteĩ yvypóra, peteĩ familia, peteĩ vesindário ojojávo.
Kóva ojehu jaiko ha ñakompartívo pe evangelio. Ko dispensasiõ oñepyrũvo, profeta José-pe og̃uahẽ peteĩ profecía ijojaha’ỹva Ñande Ru Yvagagua oipotaha opavave, opa hendápe tohechakuaa Tupã mborayhu ha toñandu Ipokatu okakuaa ha iñambue hag̃ua.
Upe profesía oñemog̃uahẽ ko’ápe, pe óga yvyra familia Smith mba’évape, Palmyra, Nueva York-pe. 10
Ojejapopávo 1998-pe, pe Smith róga ojejapo jey isimiénto ypykue ári. Pe píso mokõiha dormitorio opyta upe tenda orekóvape 5.5 x 9 x 3m (18 x 30 x 10 pie), Moroni, Tupã mensajero glorioso-icha, oñemog̃uahẽhague mitãrusu José-pe upe septiembre 21, 1823-pe. 11
Penemandu’a pe omombe’úva profeta José:
“[Moroni] he’i … Tupã oguerekoha peteĩ tembiapo chéve g̃uarã; ha che réra ojejagarra porã ha vaitaha opa tetã, avakuéra, ha ñe’ẽnguéra apytépe. …
“[Moroni] he’i oĩha peteĩ kuatiañe’ẽ oñeñongatuva’ekue, … oĩha ipype pe Evangelio ijapyra’ỹva paha.” 12
Ko’ápe ojejapo peteĩ páusa. Ñatupaitũ Tupã Túva Ijapyra’ỹvape ha Ita’ýra, Jesucristo-pe, ndaha’éi profeta José ni mba’evéichagua kuimba’e térã kuña omanokuaávape.
Pehecha mba’éichapa oñekumpli umi profesía Tupã ome’ẽva hembiguaikuérape. 13 Oĩ oñekumpli raẽvéva, ambuekuéra upe rire, ha katu opavave oñekumpli. 14 Ñahendúvo Ñandejára profesía espíritu, ikatu oiko ñandehegui jaikuaaháicha, umi Iprofesía ha promesa cumplimiento párte, upe evangelio ohovasáva múndope párte ramo.
1823-pe José peteĩ mitãrusu ojeikuaa’ỹva kuri, 17 áño orekóva, oikóva peteĩ táva ojeikuaa’ỹvape, peteĩ tetã, isãso ramóvape. Ndaupéichairamo, mba’éicha peimo’ã ha’etaha peteĩ tembipuru Tupã rembiapópe ha Tupã don ha pokatu rupive, ombohasátava umi escritura sagrada ojeikuaátava opa henda rupi?
Ha katu, añete haguére, peẽ ha che ikatu jahecha upe profesía kumplimiénto uvei ñañeinvita ñaipytyvõ oñekumpli hag̃ua.
Hermano ha hermana-kuéra, opa múndo pýpe, peteĩteĩ japartisipáva ko conferencia general-hápe octubre 2020-pe oĩ umi tetã, familia ha ñe’ẽnguéra oñeñe’ẽvare upe profesíape.
Ko’ag̃aite, Jesucristo Tupao Santokuéra Ara Pahapegua miembrokuéra oiko 196 tetã ha yvýpe, 3.446 Tupaogua estáka 90 ijapytepekuérape. 15 Ñarrepresenta umi yvy pyrusu mbarete centro-icha.
1823-pe, ava oimo’ãva’erãmo’ã 2020-pe oĩtaha mbohapy tetã peteĩteĩ orekóva un millón rasa Tupaogua miembrokuéra: Estados Unidos, México ha Brasil?
Térã veintre tetã, peteĩteĩ orekóva 100.000 rasa Tupaogua miembro: mbohapy América del Norte-pe, katórse América Central ha Sur-pe, peteĩ Europa-pe, irundy Ásiape ha peteĩ Áfrikape? { 16
Presidente Russell M. Nelson ohenói Mormón Kuatiañe’ẽme “peteĩ milagro milagroso.” 17 Itestigokuéra otestifika, “Tojehecha opa tetã, avaretã, ñe’ẽ ha tavaguakuérape.” 18 Ko ára, conferencia general oĩ disponible 100 ñe’ẽme. Presidente Nelson otestifikákuri Jesucristo ha iñevanhélio restaurado-gui 138 tetãme ha ojeipapávo.
Oñepyrũvo 5,000 kópia Mormón Kuatiañe’ẽ ojehaívagui upe edición peteĩha 1830-pe, oñeguenohẽ 192 millones kópia rupi opaite térã parte upe Mormón Kuatiañe’ẽgui 112 ñe’ẽme. Umi Mormón Kuatiañe‘ẽ ñembohasa oĩmbaite formato digital-pe. Umi Mormón Kuatiañe‘ẽ ñembohasa ko’ag̃aguápe oike heta umi mundogua 23 ñe’ẽ oñeñe’ẽva, 50 millones yvypórare térã hetave, hetahápe oiméne umi 4,1 mil millone yvypóra iñe’ẽ natívova. 19
Mba’e michĩ ha mba’eve’ỹ vaicha rupive, opavave ñeñeinvitahápe japartisipa hag̃ua, ojehupyty umi tuicha mba’éva.
Ehemploramo, peteĩ estáka conferencia-hápe Monroe, Utah-pe, orekóva peteĩ población 2.200 oikóva upépe, aporandu mboýpa oservi’akue misión-pe. Haimete opavave omopu’ã ipo. Umi áño ohasávape, upe estákagui, 564 misionero oservíkuri umi 50 EE UU estado-pe. Ha 53 tetãme, opa umi continente-kuérape, Antártida-pe añoitéme nahániri.
Oñeñe’ẽvo Antártida-re, uvei Ushuaia-re, Argentina extremo sur-pe, ahecha upe profesía oñekumpliha, ñane misionero-kuéra okomparti jave Jesucristo evangelio restaurado peteĩ tenda héravape “Yvy paha.” 20
Upe mural oĩháme umi ñane irundy volumen portada Santokuéra 21 orrepresentapaite peteĩ tapiz umi Evangelio rekove’águi, og̃uahẽva opavave santokuéra ijeroviapývape opa hendápe. Pe ñande Tupao rembiasa oñemohatã umi testimonio ojehasava’ekuégui ha peteĩteĩ miembro evangelio jornada-pe, oikehápe Mary Whitmer, pe hermana ijeroviapýva Moroni ohechaukava’ekuépe umi Mormón Kuatiañe’ẽ pláncha. 22
Enero 2021-pe, ñane mbohapy tupao revista-kuéra mundial ipyahúva: Amígo Juventud Ñemombaretépe g̃uarã, ha Liahona, o’invita opavavépe opertenese ha okomparti hag̃ua umi experiencia ha testimonio, ñande fe komunida mundial-pe. 23
Hermano ha hermana-kuéra, ñamongakuaávo jahávo ñande fe ñande Ru Yvagagua ha Jesucristo-pe, ñamog̃uahẽ umi tovasapy oĩva ojevivívo umi Evangelio añetegua oñemoĩjeýva ha umi konvénio marangatu, ha ja’estudiávo, ñamedita ha ñakompartívo Restauración oikóva rehegua, japartisipávo upe profesía cumplimiento-pe.
Ñamoambue ñandejupe ha múndope peteĩ evangelio patrón-pe, ohovasáva umi tekove opa hendápe.
Peteĩ hermana afrikapegua he’i: “Pe che ména servicio sacerdocio-pe ojapo toha’arõkuaave ha tahoryve. Ha oiko chehegui peteĩ tembireko ha sy iporãvéva.”
Peteĩ consultor comercial internacional ko’ág̃a ojerrespetáva Centroamérica-pe he’i, oikuaa mboyve upe Tupã evangelio restaurado, oikoha oimehápe kállere. Ko’ág̃a ha’e ha ifamilia ojuhu hikuái identida, propósito ha mbarete.
Peteĩ mita’i América del Sur-pe omongakuaa ryguasukuéra ha ovende umi hupi’a oipytyvõvo ojogua hag̃ua umi óga ventanarã ojapóva hína ifamilia. Opaga diezmo raẽvete. Añete ohecháta umi yvága ventána ojepe’árõ.
Four Corners-pe, peteĩ komunida Estados Unidos suroeste-pe, peteĩ familia natívo amerikánova oñotỹ peteĩ rosal porãite ipotypáva desierto-pe, evangelio jerovia símbolo ha autosuficiencia ramo.
Peteĩ guerra civil iroitéva sobreviviente, peteĩ hermano, sudeste asiático-pegua, ojepy’apýva, upe tekove ndorekóigui sentido. Ojuhu esperanza peteĩ oke jave ohechávo upe iñirũ mbo’epy ymaguarépe ojokohápe peteĩ Santa Cena bandeja ha otestifika umi ordenanza salvadora ha Jesucristo expiasiõgui.
Ñande Ru Yvagagua ñaneinvita opa hendápe ñañandu hag̃ua Imborayhu, ojeikuaa ha ojekakuaa hag̃ua ñehekombo’e rupive, pe tembiapo honorable, pe servicio autosuficiente ha umi marangatu modélope ha vy’apavẽ jajuhúva rupi Itupao restaurado-pe.
Jajeroviávo jahávo Tupãre, sapy’ánte jajerure’asy umi moménto iñipytũvévape, ha’eñóva ha añetegua’ỹvape, jaikuaa Ha’e ñandekuaa porãveha ha ñanderayhuveha, ñande jajekuaa ha jajehayhuhágui ñandejupe.
Upévare ñaikotevẽ Tupã ñeipytyvõre jajapo hag̃ua tekojoja, ijojáva, ekida ha py’aguapy hi’aréva ñande róga ha komunidakuérape. Ñande ja’éva, tenda ha ñanemba’e añetevéva, ipypukuvéva ha ha’etéva, ou ñañandúvo Tupã mborayhu redentor, jahekávo pe grásia ha umi milagro Ita’ýra expiasiõ rupive, ha jajapo umi relación hi’aréva umi konvénio sagrado rupive.
Pe py’aporã ha arandu religioso oñeikotevẽ upe múndo desordenado-pe, hyapu ha iky’áva ko’ag̃aguápe. Mba’éicha ikatu ñambopiro’y, ña’inspira ha ñamongakuaa pe espíritu humano? 24
Yvyra ñeñotỹ Haití-pe peteĩnte umi ciento yvyporakuéra ehémplogui ojoajúva ojapo hag̃ua iporãva. Pe komunida upepegua, oikehápe umi 1.800 ñande Tupaogua miembro-kuéra, ome’ẽva’ekue umi yvyra, oñembyaty oñotỹ hag̃ua haimete 25.000 yvyra. 25 Ko reforestación proyecto oguerahámava heta añogua, oñotỹma 121.000 rasa yvyra. Oñembosako’i oñeñotỹve hag̃ua decenas de miles.
Ko ñeha’ã joja ome’ẽ kuarahy’ã, oñongatu yvy ha omomichĩve umi inundación oútava. Omoporã umi vesindário, ohupi komunida, osatisfase pe gusto ha omongaru ánga. Peporandu ramo umi haitiano-pe mávapa ombyatýta umi yvyra yva, ombohováita peẽme, “Pe iñembyahýiva.”
Ochenta por ciento rupi población mundial-gui oĩ afiliada peteĩ religión-pe. 26 Komunida religiosa-kuéra ombohovái pya’eve umi tekotevẽ oĩva umi desastre natural rire, upéicha avei umi tembi’urã, refugio, ñehekombo’e, alfabetización ha capacitación laboral oñeikotevẽrõ. Opa múndore, ñane miembro, amígo ha Tupao oipytyvõ umi komunida, o’apojávo umi refugiado-pe ha ome’ẽvo saneamiento, movilidad discapacitado-pe, ha tesa ñeñangareko: peteĩ yvypóra, peteĩ aldea, peteĩ yvyra káda jey. 27 Opa hendápe, jaheka taha’e túva ha ciudadano porã, ñakontribui hag̃ua ñane vesindário ha sociedakuérape, uvei Santokuéra Arapahapegua organizaciones benéficas rupi. 28
Tupã ome’ẽ ñandéve albedrío moral ha responsabilidad moral. Péicha he’i Ñandejára: “Che, Tupã Ñandejára, ajapo nesãso, upévare, [nde] nesãso añete”. 29 Oproklamávo sãso umi isãso’ỹvape,” 30 Ñandejára opromete pe Iñexpiasiõ ha pe Evangelio rape ikatuha omondoho umi jejokua temporal ha espiritual. 31 Po’arã, ko ñemosãso redentor iñasãi opa umi ohasava’ekuépe upe mortalidad-gui.
Ojapo heta áño, peteĩ pa’i Centroamérica-gua he’i o’estudiahahína pe “yvypóra omanova’ekuépe g̃uarã ñemongarai” umi Santo Ára Pahapeguáva. “Ha’ete ijojáva”, he’i upe pa’i, “Tupã ome’ẽtaha káda yvypórape, pe oportunida omog̃uahẽ hag̃ua ñemongarai, oñeimporta’ỹre araka’e térã moõpa oiko, ndaha’éi rire umi mitã michĩ ha’ekuéra ‘oikovégui Cristo-pe’. 32 Pe apóstol Pablo, ”he’i upe pa’i“, oñe’ẽ umi omanóva oha’arõvare ñemongarai ha jeikovejey”. 33 Umi ordenanza vikária templopegua opromete opa tetã, avakuéra ha ñe’ẽme avave noikotevẽiha “ha’évonte ñemano esclavo, añaretã térã pe túmbagui.” 34
Jaikuaávo jahávo Tupãme, sapy’ánte umi ñembohovái oñeha’arõ’ỹva ñembo’épe ñaneguenohẽ tapégui, ñandegueraha komunidápe, omondýi pytũmby ñane ángagui ha ñandegueraha jajuhu hag̃ua refugio espiritual ha pertenencia pe Ikonveniokuéra ha mborayhu meme imarangatúvape.
Umi mba’e tuicháva py’ỹi oñepyrũ michĩvagui, ha katu Tupã milágro ojehechauka ára ha ára. Mba’eichaitépa ja’aguyjeme’ẽ Espíritu Santo don celestial-re, Jesucristo expiasiõ ha upe doctrina, ordenanza ha konveniokuéra ojerrevelávare, oĩva Itupao restaurado-pe oñehenóiva Hérare.
Ajerure ja’asepta hag̃ua vy’a reheve upe Tupã invitación jarresivi ha ñaipytyvõ okumpli hag̃ua hovasapy opromete ha ojeprofetisava’ekue opa tetã, avakuéra ha ñe’ẽnguéra, Jesucristo réra sagrado ha sántope, Amén.