Pepyta pe kámbio reheve
Jesucristo rupive, oñeme’ẽ ñandéve mbarete jajapo hag̃ua umi kámbio hi’arétava. Jajere ramo Hese umilda reheve, Ha’e ombotuicháta ñande kapasida kámbiope g̃uarã.
Hermana-kuéra, avy’aite aimévo penendive!
Peñeimahinami peho peteĩ merkádope pejoguávo peteĩ artíkulo. Pepagávo kahérope hetave pe artíkulo ovalévagui, upe kahéro ome’ẽta peẽme kámbio.
Rréi Benjamín ombo’e itavaygua Amérika ymaguarépe umi tovasapy tuichaite ñamog̃uahẽva ñande Salvador, Jesucristo-gui. Ha’e ojapo yvagakuéra ha yvy ha opa mba’e porã ñanemoangapyhýva. 1 Ijexpiasiõ oporohayhúva rupive, Ha’e ome’ẽ peteĩ tape ñañerredimi hag̃ua pekádo ha ñemanógui. 2 . Jahechaukávo chupe ñande aguije jaiko kyre’ỹ rupi Imandamientokuérape, Ha’e ñanderovasa pya’ete, ñanderejávo akói déudape Hendie.
Ha’e ome’ẽ heta ñandéve, hetave pe ikatúvagui ñamyengovia chupe. Upéicharõ, mba’e ñame’ẽkuaa Chupe, opagava’ekue upe precio jaipapakuaa’ỹva ñande pekadokuérare? Ñande ikatu ñame’ẽ Chupe kámbio. Ikatu ñame’ẽ Chupe ñane kámbio. Ikatu peteĩ pensamiento rehegua kámbio, peteĩ jepokuaa kámbio térã peteĩ dirección jahahápe kámbio. Pe kámbio ojeikuaa’ỹva peteĩteĩva ñanderãngue, Ñandejára ojerure peteĩ korasõ kámbio. Upe kámbio ojeruréva ñandéve ndaha’éi imba’erã, sino ñanemba’erã. Upéicharõ, merkadogua comprador diferencia ramo o’aseptátava upe kámbio ñame’ẽva, ñande Salvador horyetéva ñaneinvitaPepyta pe kámbio reheve
Ohendu rire umi ñe’ẽ he’íva rréi Benjamín, itavaygua osapukái, ikorasõ okambiahague he’ívo: “Pe Ñandejára Ipu’akapáva Espíritu rupive, ojapóva peteĩ tuicha ñemoambue orepype, … ndorojaposevéima mba’e vai, ha katu rojapo meméntema pe iporãva”. 3 Umi escritura nde’íri ñandéve okambia pya’eha hikuái iperfecto hag̃ua, sino upe okambiase ogueraha chupekuéra ojapo. Ikorasõ kámbio he’ise oipe’a ijehegui upe kuimba’e térã kuña natural ha oñesomete Espítu-pe oñeha’ã aja ojoguave Jesucristo-pe.
Presidente Henry B. Eyring ombo’e: “Pe konversiõ añete odepende fe reheve ojehekárõ ñemosãsóme, heta ñeha’ã ha michĩmi mba’e’asýre. Upéicha Ñandejára pe ikatúva ome’ẽ … pe ñemopotĩ ha kámbio milágro.” 4 Ñakombinávo ñane ñeha’ã pe Salvador kapasida orekóvare ñanekambia hag̃ua, oiko ñandehegui mitã pyahu.
Chemitãvépe, ajehecha aguatávo peteĩ tape oñembo’y jojáva yvatépe che rekove ijapyra’ỹva méta gotyo. káda ha’e térã ajapo mba’e ivaíva, añandu asyryry upe tapére, añepyrũ hag̃ua jeýnte che jeho. Ha’e he’aramoguáicha pe mitã ñembosarái “Serpientes y escaleras-pe”, nembosyryrýva yvy gotyo, pe tablero yvate guie, ñembosarái ñepyrũjey meve! Ivai ko experiencia! Ha katu añepyrũvo aikuaa pe Nefi ohenóiva Cristo doctrina 5 ha mba’éicha a’aplikava’erã ára ha ára che rekovépe, ajuhu esperanza.
Jesucristo ome’ẽ ñandéve peteĩ modélo kámbio tapiápe g̃uarã. Ñaneinvita ñamomba’apo hag̃ua ñande fe Hese, ñane’inspiráva ñañearrepenti hag̃ua, “pe fe ha arrepentimiento oguerúva peteĩ korasõ kámbio”. 6 Ñañearrepentívo jahávo ha ñambojere ñane Korasõ Chupe, ñagana peteĩ potapy tuichavéva jajapo ha javivi hag̃ua umi konvénio sagrado. Ña’aguanta ipaha peve ja’aplikávo jahávo ko’ã principio ñande rekove pukukue ha ña’invita Ñandejárape tañanekambia. Japersevera ipaha peve he’ise ñakambia ipaha peve. Ko’ág̃a aikuaa nañepyrũi jeyha káda ajavy, sino káda añeha’ã agueraha che kámbio proceso.
Oĩ peteĩ frase oñeinspiráva Mujeres Jóvenes téma he’ívape, “Ahayhu pe arrepentimiento don ha añeha’ã amehora ára ha ára.” 7 Añembo’e javalora hag̃ua pe don iporãitéva ha tajareko intención jahekávo upe kámbio. Sapy’ánte, umi kámbio jajapova’erã oĩ ramo peteĩ pekádo ipohýiva. Ha katu heta jey, ñañeha’ã ñarrefina hag̃ua ñande karácter ñañembojoajúvo umi Jesucristo atributo-kuéra ndive. Umi jaiporavóva ára ha ára oipytyvõ térã ombohasyvéta ñande progreso. Umi kámbio michĩvéva, ha katu tapiaguáva ha ojejaposéva, ñanepytyvõta ñamehora hag̃ua. Ani peñedesanima. Kámbio ha’e peteĩ proceso hi’aréva opa tekove aja. Aime agradecida umi ñande lúcha ñakambia hag̃uáme, Ñandejára ndojaheiha ñanderehe.
Jesucristo rupive, oñeme’ẽ ñandéve mbarete jajapo hag̃ua umi kámbio hi’arétava. Jajere ramo Hese umilda reheve, Ha’e ombotuicháta ñande kapasida kámbiope g̃uarã.
Avei pe ñande Salvador expiasiõ poder transformador rire, Espíritu Santo ñandeapojáta ha ñandegiáta ñane ñeha’ãme. Avei ikatu ñanepytyvõ jaikuaa hag̃ua mba’e kámbiopa jajapova’erã. Avei ikatu jajuhu ñeipytyvõ ha ñemokyre’ỹ umi sacerdocio rovasapy rupive, ñembo’e, ajúno ha témplope jeho.
Upéicha, umi familiar, liderkuéra ha amigo-kuéra ijeroviapýva ikatu oipytyvõ ñane ñeha’ã ñakambia hag̃uáme. Arekóvo ócho áño, che hermano tuichavéva, Lee, ha che rohasa tiémpo ore amigo-kuéra ndive roñembosaráivo umi vecindario-pegua yvyra rakãre. Roguerohory roime oñondive ore amigo-kuéra ndive pe yvyra kuarahy’ã guýpe. Peteĩ ára, Lee ho’a yvyrágui ha omopẽ ijyva. Peteĩ jyva oñemopẽva ndohejái chupe ojupi ha’eño yvyráre. Ha katu pe yvyrarakãre ñeime ndaha’éi peteĩcha ha’e oĩ’ỹramo. Upéicha, oĩ ore apytépe ojokóva chupe ijatukupégui ambue ojoko aja ijyva hasy’ỹvagui, ha ñeha’ã heta’ỹre, Lee oĩ jeýma yvyráre. Ijyva opẽ gueteri, ha katu oĩ jey orendive odisfrutávo ore amistad-gui okuera aja.
Py’ỹi apensa pe che experiencia añembosaráirõguare yvyráre peteĩ activida Jesucristo evangelio-peguáicha. Umi Evangelio kuarahy’ã guýpe, jadisfruta heta tovasapy ojoajúva ñane konveniokuéragui. Ikatu oĩ ho’áva konveniokuéra segurida guýgui ha oikotevẽ ñane pytyvõre ojupi jey hag̃ua Evangelio seguridápe. Ikatu hasy chupekuéra ojevy ijehegui. Ikatúpa jastira mbeguekatu michĩmi ko’ápe ha ñamopu’ã’imi, ñaipytyvõ hag̃ua chupekuera okuera, odisfruta aja ñane amista-gui?
Perekórõ peteĩ lesión pe’a haguére, peheja ambuekuéra tapenepytyvõ pejevy jey hag̃ua pene konvénio ha umi tovasapy ome’ẽvare. Salvador ikatu penepytyvõ pekuera ha pekambia hag̃ua, penembojere aja umi penderayhúva.
Say’ánte, ajejuhu umi amiga are ahecha’ỹvandi, heta áño aja. Sapy’ánte he’i hikuái: “Nerekambiaiete!” Káda ahendu upéva, chepirĩ’imi, aha’arõguiakambiaáño ohasávo. Aha’arõ akambia kuehe guie! Aha’arõ cherory mie, sa’ive akaguai ha aporoporiahuverekove. Aha’arõ chepya’eve ambohovái hag̃ua ambuekuéra ñeikotevẽ ha aha’arõ tajahei’ỹ mie.
Aguerohory aha excursión-pe montáña hi’ag̃uivape ógagui. Py’ỹi, areko peteĩ ita ra’ỹ’i che sapatúpe aguata aja tapére. Ipahápe, apyta ha aityvyro che sapatu. Ha katu añemondýi mboýpa aguata jepe mba’e’asýre apyta mboyve aipe’a pe chemolestáva.
Jaguatárõ jahávo pe Konvénio rapére, sapy’ánte ñambyaty ita ñande sapatúpe pe jepokuaa vaíre, pekadokuéra térã umi actitu vaíre . Pya’eve jaipe’ávo ñande rekovégui, ñande viáhe yvy ári ovy’avéta.
Pe kámbio ñemantene oikotevẽ ñeha’ãre. Ndaikatúi añeimahina apyta pe tape pukukue amoĩ jeýnte hag̃ua sapatúpe aipe’a’akue ita omolesta ha hasyete ramoitéva. Ndajaposeiete upéva, peteĩ panambi porã ndojevyseiháicha ikapúllope.
Atestifika Jesucristo rupi, ñande ikatuha ñakambia. Ikatu ñamoĩporã ñande jepokuaa, ñakambia ñane pensamiento-kuéra ha ñarrefina ñande karácter ñag̃uahẽ hag̃ua jajoguave Chupe. Ha iñepytyvõre, ikatu japyta kámbiore. Jesucristo rérape, Amén.