Long 30 Septemba, 1978, long 148 pela Semienuel Jenerol Konferens bilong Sios bilong Jisas Krais bilong ol Seint long Las de, dispela long hia, Presiden N. Eldon Tanner, Nambawan Kaunsila long Nambawan Presidensi bilong Sios i bin givim:

Long pastaim tru long Jun bilong dispela yia, Nambawan Presidensi bin tokaut olsem Presiden Spencer W. Kimball i bin kisim wanpela revelesen long givim i go prishud na ol temple blesing long olgeta memba man bilong Sios husat i gat pe. Presiden Kimball i bin askim mi olsem mi tok save long dispela konferens olsem bihain long em i bin kisim dispela revelesen, we i bin kam long em bihain long longpela meditesen na beten long ol secret rum long dispela holi temple, em i givim dispela long ol kaunsila bilong em, husat bin wanbel na tok orait long en. Bihain ol i bin givim i go long Kwarom bilong ol Twelpela Aposol, husat olgeta bin wanbel na tok orait long en, na bihain ol i bin givim long olgeta narapela Jenerol Atoriti, husat olsem tasol ol narapela olgeta bin wanbel na tok orait long en.

Presiden Kimball i bin askim olsem mi bai nau ridim dispela leta:

Olsem mipela bin witnesim dispela wok bilong Bikpela i wok long gro long olgeta hap bilong dispela ples graun, mipela bin tenkyu olsem ol pipol bilong planti nesen bin bekim long dispela toksave bilong dispela gospel em i kambek gen, na bin kam insait long Sios long namba we i wok long go-antap tasol. Dispela, tu, bin litimapim tingting bilong mipela wantaim wanpela laik long sukurim long olgeta memba bilong Sios husat i gat pe olgeta bilong ol privilis na blesing we gospel i givim.

Bikos mipela luksave long ol dispela promis ol profet na ol presiden bilong Sios husat i bin go pas long mipela, olsem long sampela taim, long oltaim oltaim plen bilong God, olgeta long ol brata bilong yumi husat i gat pe bai inap long kisim dispela prishud, na taim mipela i witnes long ol feit ol lain husat i stap wantaim feit i gat, na long husat dispela prishud Bikpela i bin holim bek long ol, mipela bin krai long longpela taim na strong tru long makim ol dispela lain, ol brata bilong mipela husat i stap wantaim feit, givim planti aua long Rum Antap long Temple na wok long krai long Bikpela long kisim toktok i kam long God.

Em i bin harim ol beten bilong mipela, na long revelesen bin kamapim olsem dispela de we mipela i weit longpela taim long en i kamap nau taim olgeta man husat i stap wantaim feit, man i gat pe insait long Sios inap long kisim dispela holi prishud, wantaim pawa long wokim atoriti i kam long God, na hamamas tru wantaim ol lain bilong ol husat ol i lavim ol, olgeta blesing we i kam long dispela, wantaim tu ol blesing bilong temple. Olsem na, olgeta memba man bilong Sios husat i gat pe bai odein long dispela prishud wantaim nogat lukluk long reis o kala. Ol prishud lida i kisim skul long bihainim dispela polisi long lukluk gut na askim gut olgeta lain long kisim odinesin long Eronik na tu Melkisedek Prishud long mekim sua olsem ol i mitim dispela ol standed i stap bilong gat pe.

Mipela tokaut wantaim strongpela toktru olsem Bikpela i nau tokaut long laik bilong em long blesing bilong olgeta pikinini bilong em long olgeta hap long dispela ples graun husat i bai harim gut nek bilong ol wokman bilong em husat i gat atoriti, na redim ol yet long kisim olgeta blesing bilong dispela gospel.

Luksave long Spencer W. Kimball olsem profet, sia, na reveleta, na presiden bilong Sios bilong Jisas Krais bilong ol Seint long Las de, mi tok olsem yumi olsem wanpela kongregesen wantaim atoriti kisim dispela revelesen olsem tok na laik bilong Bikpela. Olgeta husat i wanbel plis soim wantaim apim ol han sut bilong yupela. Ol husat i no wanbel wokim wankain sain.

Dispela vot long kisim dispela toktok ol i raitim pinis olgeta bin wanbel na tok orait long en.